រាជធានីភ្នំពេញ ៖ នៅទីបំផុត អ្នកនាង ខាត់ សុឃីម បានបង្ហាញតម្រុយខ្លះៗ ដែលមហាជនចង់ដឹងថា តើឪពុករបស់អ្នកនាងដែលបានបាត់បង់ជីវិតមុននេះ គឺនៅព្រឹកថ្ងៃទី២២…
រាជធានីភ្នំពេញ ៖ នៅទីបំផុត អ្នកនាង ខាត់ សុឃីម បានបង្ហាញតម្រុយខ្លះៗ ដែលមហាជនចង់ដឹងថា តើឪពុករបស់អ្នកនាងដែលបានបាត់បង់ជីវិតមុននេះ គឺនៅព្រឹកថ្ងៃទី២២ ខែមិថុនា ឆ្នាំ២០២០ បណ្តាលមកពីកត្តាអ្វី? បើតាមការទម្លាយមូលហេតុដោយអ្នកនាង ខាត់ សុឃីម គឺលោកឪពុក លាវ ខាត់ បានបាត់បង់ជីវិតដោយសារតែជំងឺព្យាធិ ក្នុងវ័យ៦៧ឆ្នាំ។
ឆ្លើយតបតាមការចង់ដឹងរបស់ញាតិមិត្ត នៅទីបំផុត អ្នកនាង ខាត់ សុឃីម បានចេញសាមួយដោយបានអានហើយ ពិតជាក្តុកក្តួលណាស់ ហើយសំណេរនោះបានលើកឡើងថា «នៅទីបំផុត កូនទាំង៩ លែងមានឪពុកហៅហើយ លាហើយពុកដ៏មហិមារបស់កូនអើយ។
អរគុណបងប្អូន ((ពុកខ្ញុំឈ្មោះ លាវ ខាត់ អស់ព្រះជន្មនៅជន្មាយុ៦៧វស្សា ដោយរោគគាពាធ)) សូមបងប្អូនកុំប្រកាន់គ្រួសារខ្ញុំអី មិនបានឆ្លើយតបទេ ហើយសពដំកល់នៅគេហដ្ឋានរបស់ពុក ខាត់ ស្ថិតនៅភូមិព្រៃពង្រ សង្កាត់ពញ្ញាពន់ ខណ្ឌព្រែកព្នៅ រាជធានីភ្នំពេញ កុំខឹងអីបងប្អូនអើយ»។
អ្នកនាង ខាត់ សុឃីម ប្រហែលជាតក់ស្លុត និងម្តាយ ប្អូនៗជាទីស្រឡាញ់ ដែលភ្លាមៗ បែរជាជួបរឿងបាត់បង់គ្នា លាគ្នាគ្មានថ្ងៃវិលវិញ។ ក្រុមគ្រួសារដែលកំពុងតែមានសេចក្តីសុខ ហើយឪពុកម្នាក់ដែលតស៊ូចិញ្ចឹមកូនដោយធម៌ បែរជាទីបំផុត សល់ត្រឹមតែអនុស្សារីយ៍ និងពាក្យថា លាគ្នារហូត។
ទាំងទស្សនិកជន និងសិល្បករទាំងអស់ សូមផ្តល់កម្លាំងចិត្តឱ្យក្រុមគ្រួសារទាំងអស់ កាត់ចិត្ត ហើយបន្តភាពរឹងមាំ ដើម្បីជីវិតតទៅមុខទៀត។
គួររំលឹកថា ៖ ក្ឌុកក្ឌួលខ្លាំងណាស់! ទទួលដំណឹងមរណភាពលោកឪពុកអ្នកនាង ខាត់ សុឃីម៕(កែសម្រួលដោយ ៖ បុប្ផា)
ចែករំលែកព័តមាននេះ