រាជធានីភ្នំពេញ៖ ស្នាដៃ និងការច្នៃប្រឌិតរបស់អ្នកជំនាញផាត់មុខម្នាក់ ដែលទទួលបានការកោតសរសើរពីបរទេស សម្រាប់ស្នាដៃនីមួយៗដែលលេចចេញកន្លងមកនោះ អ្នកនាង ឌូ ពុធម៉ូលីតា ដែលប្រិយមិត្តមួយចំនួនស្គាល់ឈ្មោះហៅក្រៅថា Apple…
រាជធានីភ្នំពេញ៖ ស្នាដៃ និងការច្នៃប្រឌិតរបស់អ្នកជំនាញផាត់មុខម្នាក់ ដែលទទួលបានការកោតសរសើរពីបរទេស សម្រាប់ស្នាដៃនីមួយៗដែលលេចចេញកន្លងមកនោះ អ្នកនាង ឌូ ពុធម៉ូលីតា ដែលប្រិយមិត្តមួយចំនួនស្គាល់ឈ្មោះហៅក្រៅថា Apple Love បានបង្ហាញស្នាដៃថ្មីជាលក្ខណៈផាត់មុខលើដងខ្លួនអោយចេញជាផ្លែឈើវិញម្តង។
អ្នកនាង ឌូ ពុធម៉ូលីតា ឬ Apple love តែងតែបង្ហាញស្នាដៃថ្មីរបស់ខ្លួនប្លែកៗ និងធ្វើការចែករំលែកស្នា
ដៃរបស់ខ្លួន តាមរយៈបណ្តាញសង្គមហ្វេសប៊ុកនូវការផាត់មុខរស់រវើក ក្នុងទម្រង់សិល្បៈខ្មែរ និងបរទេសជាដើម ។ ប៉ុន្តែលើកនេះ កាន់តែប្លែកភ្នែកសម្រាប់ប្រិយមិត្តអ្នកគាំទ្រ ដោយអ្នកនាងបានធ្វើការផាត់មុខលើដងខ្លួនជាលក្ខណៈផ្លែឈើវិញម្តង ដូចជាផ្លែ ស្ត្រប៊ឺរី ដើមដំបូងយក្ស និងផ្លែស្រកានាគជាដើម សម្រាប់ជាទស្សនីភាពមួយប្លែកភ្នែកទៀតហើយទៅដល់មហាជន។
ជួនកាលបើគ្រាន់តែយើងមើលទៅគិតថា ងាយស្រួល តែការពិតការផាត់មុខនិងការតុបតែងលើដងខ្លួនបែបទម្រង់សិល្បៈប្លែកៗបែបនេះ មិនមែនជាការងាយស្រួលឡើយ ហេតុដូច្នេះហើយ មហាជនតែងពោលស្ងើចសរសើរយ៉ាងខ្លាំង ចំពោះសមត្ថភាពនិងទេពកោសល្យរបស់ Apple Love។ ប្រាកដណាស់ស្នាដៃសិល្បៈនេះកាន់តែវិវត្តន៍ទៅមុខមួយកម្រិត បន្ទាប់ពីអ្នកនាងទទួលបានការសិក្សផ្នែកផាត់មុខបែបនេះនៅឯទីក្រុង Los angels សហរដ្ឋអាមេរិកកន្លងមកនោះ។ សង្កេតឃើញថា ស្នាដៃរបស់សិល្បការិនីមួយរូបនេះ កាន់តែមានភាពរីកចម្រើនទៅមុខ ដែលអាចឈានទៅដល់ការផាត់មុខជាតួអង្គនានា បាន ដូចជាការផាត់មុខនិងតុបតែងកាយសម្រាប់ការថតខ្សែភាពយន្តបែបប្លែកៗ ។
គួរបញ្ជាក់ផងដែរថា សិល្បៈផាត់មុខលើដងខ្លួន ដែលមានលក្ខណៈជំនាញខ្ពស់បែបនេះ ពីព្រោះតែអ្នកនាង ឌូ ពុធម៉ូលីតា ឫ Apple love មានបទពិសោធន៏និងប្រឡូកលើវិស័យមួយនេះអស់រយៈពេល ១០ឆ្នាំជាងមកហើយ និងបានផលិតស្នាដៃនៃការផាត់មុខប្លែកៗនិងគួរឲ្យចាប់អារម្មណ៍នៅឯក្រៅប្រទេសជាច្រើនផងដែរ ៕
ចែករំលែកព័តមាននេះ