ប្រទេសចិននិងឥណ្ឌា ៖ ប្រទេសចិននិងឥណ្ឌាកាលពីថៃ្ងទី២០មិថុនាបានសុំទោសគ្នាទៅវិញទៅមក ចំពោះអំពើហិង្សានៅតំបន់ព្រំដែនក្នុងជួរភ្នំហ៊ីម៉ាឡៃយ៉ា ក្រោយការប៉ះទង្គិចគ្នាដ៏សាហាវខ្លួនទល់នឹងខ្លួន បណ្ដាលឲ្យទាហាឥណ្ឌាដល់២០នាក់ស្លាប់។ តំបន់ព្រំដែននោះចាប់តាំងពីយូរមកហើយ ជាប្រភពនៃភាពតានតឹងរវាងប្រទេសទាំង២។
ខណៈនាយករដ្ឋមន្រ្ី្តឥណ្ឌាលោកណារេនដ្រាម៉ូឌីខិតខំសម្រាលឧប្បត្តិហេតុនោះ តែរដ្ឋាភិបាលរបស់លោក បានចោទប្រកាន់ចិនថា ស្វែងរកកសាងរចនាសម្ព័ន្ធនានានៅតាមព្រំដែន ដែលមហាអំណាចនុយបក្លេអ៊ែរទាំង២មានជម្លោះនឹងគ្នា និងចោទចិនថាបដិសេធសំណើរបស់អាជ្ញាធរ ឥណ្ឌាឲ្យបញ្ឈប់ការកសាងរចនាសម្ព័ន្ធទាំងនោះ។
ក្នុងសេចក្ដីប្រកាសមួយរដ្ឋាភិបាលឥណ្ឌានិយាយថា ឥណ្ឌានឹងមិនយល់ព្រមឲ្យមានការកែប្រែជាឯកតោភាគី តំបន់ព្រំដែនមានជម្លោះនេះឡើយ។ ចំំណែកអ្នកនាំពាក្យក្រសួងការបរទេសចិន លោកZHAO LIJIANបានចោទប្រកាន់កងទ័ពឥណ្ឌាថា បង្កហេតុដោយចេញមុខក្នុងតំបន់មានជម្លោះនាភាគខាងលិចនៃជួរភំហ៊ីម៉ាឡៃយ៉ានោះ។
អ្នកនាំពាក្យរូបនោះថ្លែងថា ត្រង់ជ្រលងភ្នំWALWAN ដែលមានការប៉ះទង្គិចគ្នា គឹស្ថិតក្នុងផ្នែកនៃដែនដីចិននៅព្រំដែន និងថា កងទាហានឥណ្ដាចាប់តាំងពីខែមេសាមក បានកសាងជាឯកតោភាគី ផ្លូវថ្នល់ ស្ពាននិងទីតាំងដទៃៗទៀតក្នុងតំបន់។
ទោះបីយ៉ាងណាប្រទេសទាំង២បានស្វែងរកសម្រាលភាពតានតឹង ដោយសុំទោសគ្នាទៅវិញទៅមក៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ