អង់គ្លេស៖ ប៉ូលីសបាននិយាយថាមនុស្ស៣នាក់បានស្លាប់ និង៣នាក់ផ្សេងទៀតបានរងរបួសធ្ងន់ បន្ទាប់ពីការវាយប្រហារដោយការចាក់នឹងកាំបិតនៅសួនច្បារ Forbury Gardens ក្នុងទីក្រុង Reading ។ នេះបើតាមការចុះផ្សាយរបស់…
អង់គ្លេស៖ ប៉ូលីសបាននិយាយថាមនុស្ស៣នាក់បានស្លាប់ និង៣នាក់ផ្សេងទៀតបានរងរបួសធ្ងន់ បន្ទាប់ពីការវាយប្រហារដោយការចាក់នឹងកាំបិតនៅសួនច្បារ Forbury Gardens ក្នុងទីក្រុង Reading ។ នេះបើតាមការចុះផ្សាយរបស់ BBC ថ្ងៃទី ២១ មិថុនា ឆ្នាំ២០២០ ។
ជុំវិញការវាយប្រហារនេះផងដែរ បុរសម្នាក់អាយុ២៥ឆ្នាំ មកពីទីក្រុង Reading ត្រូវបានចាប់ខ្លួនពីបទសង្ស័យឃាតកម្ម បន្ទាប់ពីត្រូវបានឃុំខ្លួននៅកន្លែងកើតហេតុ។ ការវាយប្រហារបានកើតឡើងនៅសួនច្បារ Forbury Gardens នៅម៉ោងប្រហែល១៩ៈ០០នាទី BST ទីដែលមនុស្សជាច្រើនត្រូវបានគេចាក់ឲ្យរបួសពីការវាយប្រហារនេះ ។
បច្ចុប្បន្នប៉ូលីសមិនបានចាត់ទុកហេតុការណ៍វាយប្រហារនេះថាទាក់ទងនឹងអំពើភេរវកម្មនោះទេ ប៉ុន្តែត្រូវបានហៅថានោះជាសកម្មភាពប្រឆាំងភេរវកម្ម។
ប្រភពសន្តិសុខបានប្រាប់ BBC ថាបុរសដែលត្រូវបានចាប់ខ្លួននៅកន្លែងកើតហេតុត្រូវបានគេគិតថាជាជនជាតិ លីប៊ី។
អ្នកឆ្លើយឆ្លងព័ត៌មានកិច្ចការមហាផ្ទៃ លោកដានីយ៉ែល សាន់ហ្វត (Daniel Sandford) បាននិយាយថាគាត់ត្រូវបានគេរាយការណ៍ប្រាប់ថា បុរសនេះធ្លាប់ជាប់ពន្ធនាគារនៅចក្រភពអង់គ្លេសពីបទល្មើសតូចតាចមិនមែនជាប្រភេទអំពើភេរវកម្មទេ។
សាក្សីដែលបានឃើញហេតុការណ៏ផ្ទាល់ភ្នែកម្នាក់បានប្រាប់ BBC អំពីរបៀបដែលគាត់បានឃើញថាបុរសម្នាក់ធ្វើការបំលាស់ទីរវាងក្រុមមនុស្សមួយក្រុមទៅក្រុមមនុស្សផ្សេងទៀត នៅក្នុងឧទ្យានដោយព្យាយាមចាក់សំដៅលើជនរងគ្រោះ ជាពិសេសគឺជនសង្ស័យដែលមានកាន់កាំបិតនៅដៃប្រុងរត់សំដៅមកចាក់គាត់ផងដែរ ។ យោងតាមកាសែត Sunday Mirror បានអោយដឹងថាមានសេចក្តីរាយការណ៍ថាមន្ត្រីប៉ូលីសម្នាក់បានចាប់វាយទៅលើជនសង្ស័យនៅនឹងកន្លែង។
លោក Det Chf Supt Ian Hunter មកពីប៉ូលីស Thames Valley បាននិយាយថាប៉ូលីសមិនបានស្វែងរកមនុស្សផ្សេងទៀតដែលជាប់ទាក់ទងនឹងការវាយប្រហារនោះទេ។ ប៉ូលីសបានស្នើសុំឱ្យពលរដ្ឋណាដែលបានថតវីដេអូនៃជាមួយទូរស័ព្ទដៃនៃការវាយប្រហារនេះចេញមុខជួយសហការជាមួយ
ប៉ូលីស ហើយប្រជាជនត្រូវបានគេជម្រុញកុំអោយចែកចាយវីដេអូនិងរូបថតតាមអ៊ិនធើរណេតដោយមិនគោរពដល់ក្រុមគ្រួសារជនរងគ្រោះ៕
ចែករំលែកព័តមាននេះ