រាជធានីភ្នំពេញ ៖ នៅថ្ងៃទី២០ ធ្នូ ឆ្នាំ២០១៤ ប្រិយមិត្តដែលនិយមកម្សាន្តជាប្រចាំនៅ RCA CLUB នឹងបានឃើញកាយវិការសម្តែងផ្ទាល់របស់តារាភាពយន្តថៃដ៏ល្បីមួយដួង ។ RCA CLUB ស្ថិតនៅខាងមុខស្ថានីយទូរទស្សន៍អប្សរានៃរាជធានីភ្នំពេញ ។ មុននេះ RCA CLUB បានអញ្ជើញតារាសម្តែងថៃនាង Pancake មកសម្តែងដោយមានទស្សនិកជនចូលរួមកម្សាន្តយ៉ាងច្រើនកុះករ ។ ឆ្លើយតបនឹងការគាំទ្ររបស់ភ្ញៀវកិត្តិយស នាពេលខាងមុខនេះ នាង KWAN USAMANEE តារាភាពយន្តថៃ នឹងមកចូលរួមបង្កភាពរីករាយនៅ RCA CLUB ។
តាមប្រភពព័ត៌មានពី RCA CLUB ឱ្យដឹងថា នាង KWAN USAMANEE នឹងទៅសួរសុខទុក្ខ និងចែកអំណោយជូនកុមារកំព្រានៅតំបន់ជ្រោយចង្វា ។ បន្ទាប់មកនៅពេលរាត្រី នាងនឹងសម្តែងជូនភ្ញៀវទស្សនាកម្សាន្តនៅ RCA CLUB ។ ក្នុងឱកាសនោះ ភ្ញៀវអាចមានឱកាសថតរូបជាមួយនាងផងដែរ ។ នាងខ្វាន់នឹងច្រៀងចំនួន៦បទ ក្នុងនោះមានបទញាក់៣បទ និងបទមនោសញ្ចេតនាចំនួន៣បទ ជាភាសាអង់គ្លេសផង និងជាភាសាថៃផង ។
តារាភាពយន្តថៃ KWAN USAMANEE ត្រូវទស្សនិកជនខ្មែរស្គាល់តាមរយៈកញ្ចក់ទូរទស្សន៍ប៉ុស្តិ៍លេខ៧ថៃ ដោយនាងបានសម្តែងក្នុងរឿងភាគជាច្រើន ជាមួយកាយវិការរស់រវើក ។
ប្រភពដដែលបន្តថា គោលបំណងធំដែលថៅកែ RCA CLUB អញ្ជើញតារាសម្តែងថៃមកសម្តែង ក្នុងគោលដៅអបអរសាទរដល់ពិធីគម្រប់ខួប១ឆ្នាំនៃការបង្កើត RCA CLUB ម្យា៉ងចង់បង្កើតឱកាសសប្បាយ ប្លែកៗជូនអតិថិជន ។ កន្លងមក RCA CLUB បានបង្កើតកម្មវិធីជួបជាមួយតារា ល្បីៗប្រចាំប្រទេស និងតារាបរទេស ដោយមិនឱ្យភ្ញៀវមានភាពធុញទ្រាន់ឡើយ ។
ចំពោះតារាសម្តែងថៃ នាង KWAN មកសម្តែងតែ១ថ្ងៃប៉ុណ្ណោះ គឺនៅថ្ងៃទី២០ ធ្នូ ២០១៤ ។ ក្នុងថ្ងៃនោះ នាងទៅជួបកុមារកំព្រា និងសម្តែងនៅ RCA CLUB នាពេលរាត្រី ។
ភ្ញៀវដែលចូលកម្សាន្តនៅ RCA CLUB ក្នុងឱកាសតារាថៃមកសម្តែងនារាត្រីថ្ងៃទី២០ ធ្នូ នោះ មានឱកាសឈ្នះរង្វាន់ទូរស័ព្ទ iPhone 6 ចំនួន១គ្រឿង និងរង្វាន់ជាច្រើនទៀត ។ ដោយកន្លែងមានកំណត់សម្រាប់ភ្ញៀវដែលមានបំណងចូលរួមទស្សនាអាចទាក់ទងកក់សំបុត្រតាមរយៈលេខទូរស័ព្ទ ០៧០ ២៦ ២២២២ និង០៧០ ២៣ ២២២២ ។
ដោយសារតែយល់ឃើញថា RCA CLUB កាន់តែមានការពេញនិយមពីភ្ញៀវកិត្តិយស ច្រើនទៅៗ បានរៀបចំធ្វើយ៉ាងណាឱ្យទាក់ទាញគ្រប់ផ្នែកដូចជាភ្លើងពណ៌ សំឡេងតន្ត្រីឱ្យកាន់តែទំនើប និងការរចនាតុបតែងប្លែក បូកជាមួយការការពារសុវត្ថិភាពភ្ញៀវមិនឱ្យព្រួយបារម្ភឡើយ ។
ប៉ុន្មានខែខាងមុខ RCA CLUB គ្រោងអញ្ជើញតារាកូរ៉េមកសម្តែង ព្រមទាំងតារាប្រទេស ផ្សេងៗទៀតឆ្លាស់គ្នាបម្រើអារម្មណ៍ភ្ញៀវកិត្តិយស ៕
ចែករំលែកព័តមាននេះ