ខេត្តឧត្តរមានជ័យ ៖ ប្រជាពលរដ្ឋប្រុសស្រី២នាក់ មានទីលំនៅដាច់ដោយឡែកពីគ្នា បានប្រទះឃើញគ្រាប់មីនមិនទាន់ផ្ទុះកាលពីសម័យសង្គ្រាមក្នុងថ្ងៃតែមួយ កាលពីថ្ងៃទី១៨ មិថុនា ២០២០ ។ ករណីទីមួយ…
ខេត្តឧត្តរមានជ័យ ៖ ប្រជាពលរដ្ឋប្រុសស្រី២នាក់ មានទីលំនៅដាច់ដោយឡែកពីគ្នា បានប្រទះឃើញគ្រាប់មីនមិនទាន់ផ្ទុះកាលពីសម័យសង្គ្រាមក្នុងថ្ងៃតែមួយ កាលពីថ្ងៃទី១៨ មិថុនា ២០២០ ។
ករណីទីមួយ បានកើតឡើងនៅភូមិស្លែង សង្កាត់កូនគ្រៀល ក្រុងសំរោង និងករណីមួយទៀត កើតឡើងនៅភូមិគោក ឃុំជើងទៀន ស្រុកចុងកាល់ ខេត្តឧត្តរមានជ័យក្នុងថ្ងៃតែមួយ ។
ស្ត្រីម្នាក់ឈ្មោះ ហឿន ភឿយ អាយុ៣៧ឆ្នាំរស់នៅក្នុងភូមិស្លែង បានប្រទះឃើញគ្រាប់មីនមិនទាន់ផ្ទុះប្រភេទ PMN2 ជាគ្រាប់មីនមានសញ្ញាលេខបូក ដែលផលិតនៅប្រទេសសូវៀត ដែលឃើញស្ថិតនៅសង្កាត់កូនគ្រៀល ក្រុងសំរោង មុនពេលប្រទះឃើញរូបគាត់បានទៅធ្វើចំការ ។
ដោយឡែកមួយករណីទៀត បុរសម្នាក់ឈ្មោះ ណាត អាយុ៥៧ឆ្នាំ រស់នៅក្នុងភូមិគោករាំង ឃុំជើងទៀន ស្រុកចុងកាល់បានទៅភ្ជួរដីចំការក៏បានប្រទះឃើញគ្រាប់មីនមិនទាន់ផ្ទុះមួយគ្រាប់ប្រភេទ៦៩ ដែលផលិតនៅប្រទេសចិន ដែលសេសសល់ កាលពីសម័យសង្គ្រាប់ពួកគាត់បានរាយការណ៍ដល់ប៉ូលិសប៉ុស្តិ៍រដ្ឋបាលឃុំនឹងសង្កាត់ផងដែរ ។
ប៉ូលិសរដ្ឋបាលឃុំសង្កាត់បានឱ្យដឹងថា ក្រោយពីបានទទួលនូវព័តមានរាយការណ៍រួចមកកម្លាំងប៉ូលិសបានចុះទៅដល់នឹងកន្លែងកើតហេតុ ហើយបានយកខ្សែធ្វើការហ៊ំព័ទ្ធដាក់ជាសញ្ញាមិនឱ្យប៉ះពាល់ ហើយបានរាយការណ៍ដល់អង្គការហាឡូត្រាស្ត មកទទួលយកទៅកម្ទេចចោល ។
គួរំលឹកផងដែរថា ករណីដែលប្រជាពលរដ្ឋបានជួបប្រទះឃើញគ្រាប់មីនមិនទាន់ផ្ទុះនេះ មានជាច្រើនលើកមកហើយ នេះមិនមែនជាលើកទីមួយទេ ៕
ចែករំលែកព័តមាននេះ