កម្លាំងចម្រុះចុះសម្អាតនិងរុះរើតូបលក់ដូរតាមឆ្នេរលំហែកាយ ក្រុងព្រះសីហនុ
- ព្រះសីហនុ
ខេត្តព្រះសីហនុ ៖ លោក អ៊ី សុខឡេង អភិបាលក្រុងព្រះសីហនុ បានដឹកនាំកម្លាំងចម្រុះចុះរុះរើតូបលក់ដូរ នៅតាមឆ្នេរលំហែកាយ ចំនួន១២តូប នៅថ្ងៃទី១៩…
ខេត្តព្រះសីហនុ ៖ លោក អ៊ី សុខឡេង អភិបាលក្រុងព្រះសីហនុ បានដឹកនាំកម្លាំងចម្រុះចុះរុះរើតូបលក់ដូរ នៅតាមឆ្នេរលំហែកាយ ចំនួន១២តូប នៅថ្ងៃទី១៩…
ខេត្តព្រះសីហនុ ៖ លោក អ៊ី សុខឡេង អភិបាលក្រុងព្រះសីហនុ បានដឹកនាំកម្លាំងចម្រុះចុះរុះរើតូបលក់ដូរ នៅតាមឆ្នេរលំហែកាយ ចំនួន១២តូប នៅថ្ងៃទី១៩ ខែមីថុនា ឆ្នាំ២០២០នេះ ។
បើតាមលោកអភិបាលក្រុងព្រះសីហនុ បានអោយដឹងថា ការរុះរើ និងសម្អាតឆ្នេរលំហែកាយ មានការចូលរួមពីកម្លាំងចមុះចំនួន ១១៦នាក់ និងគ្រឿងចក្រចំនួន ១៣គ្រឿង ។
លោក អ៊ី សុខឡេង បន្តអោយដឹងថា ជាលទ្ធផលនៅឆ្នេរលំហែកាយ មានតូបចំនួន១២ម្ចាស់ ក្នុងនោះ១១ម្ចាស់ បានយល់ព្រមរុះរើដោយខ្លួនឯង ទៅតាមសេចក្តីជូនដំណឹងរបស់រដ្ឋបាលខេត្តព្រះសីហនុ ។ ចំណែកឯ មួយតូបទៀត នៅចុងខាងត្បូងគេ ជារោងស័ង្កសី ត្រូវបានក្រុមការងារសម្រេចរុះរើ ។
លោក អ៊ី សុខឡេង ក៏បានបញ្ជាក់ដែរថា ០១ទីតាំង ដែលមិនបានរុះរើ តាមសេចក្តីជូនដំណឹងរបស់រដ្ឋបាលខេត្ត គឺម្ចាស់តូប មានវ័យចាស់ជរា និងមានក្មេងតូចម្នាក់ឈឺគ្រុនឈាម លោកក៏បានស្នើឲ្យរថយន្តសង្គ្រោះរបស់មន្ទីរពេទ្យចំការចេក មកដឹកយកទៅព្យាបាលផងដែរ ។
ទោះជាយ៉ាងណា លោកយាយ សុំរុះរើរោងចង្ក្រានធ្វើពីឈើ ដោយខ្លួនឯង រីឯរោងចង្ក្រានធ្វើពីថ្ម លោកយាយសុំយកសម្ភារចេញ និងឲ្យក្រុមការចូលរុះរើ ។
សូមជម្រាបដែរថា ទោះបីម្ចាស់តូបទាំង១១ទីតាំង បានស្ម័គ្រចិត្តរុះរើ ដោយខ្លួនឯងទៅតាមសេចក្តីជូនដំណឹងរបស់រដ្ឋបាលខេត្តក៏ដោយ ប៉ុន្តែទីតាំងពួកគាត់បានបន្សល់ទុកកាកសំណល់ជាច្រើន ពិសេសការចាក់សាបគ្រឹះបេតុងយ៉ាងរឹងមាំ ។ គិតត្រឹមល្ងាចថ្ងៃទី១៩ មីថុនានេះ ក្រុមការងារបានសម្អាត បាន ៨០ភាគរយហើយ និងនៅសល់ ២០ភាគរយទៀត នឹងបន្តសម្អាតឲ្យអស់នាថ្ងៃស្អែក ៕
ចែករំលែកព័តមាននេះ