ជំនួយស្បៀងហូរចូលមកកាន់តែច្រើនប្រជាជនជប៉ុនដែលរងគ្រោះដោយការរញ្ជួយដី និងស៊ូណាមីបានដំណើរការជីវភាពរបស់ពួកគេឡើងវិញបន្តិចម្តងៗ ហើយធនាគារទាំងឡាយក៏បានស្តារវិញនៅភាគខាងជើងជប៉ុន ។
ជិត២សបា្តហ៍ បន្ទាប់ពីការរញ្ជួយដី និងស៊ូ ណាមីយ៉ាងបំផ្លិចបំផ្លាញកាលពីថ្ងៃទី១១ មីនា កន្លងមកនេះទីលានដែលរងការបំផ្លាញជំនួសដោយប្រតិបត្តិការមនុស្សធម៌ដ៏មានប្រសិទ្ធភាពទោះបីជាទំហំនៃវិបត្តិត្រូវបាននាយករដ្ឋមន្ត្រីជប៉ុនលោកណាអូតូកានវិនិច្ឆ័យថា ធំធេងបំផុតពុំធ្លាប់មានចាប់តាំងពីសង្គ្រាមលោកលើកទី២មកក៏ដោយ ។
លោកស៊ូកូមូហ៊ីរ៉ាយ៉ាម៉ា ជាឪពុកនៃគ្រួសារមួយដែលមកស្នាក់នៅមជ្ឈមណ្ឌលមួយសម្រាប់បណ្តាអ្នករងគ្រោះនៅអូហ្វូណាតូជាប់ឆ្នេរសមុទ្រប៉ាស៊ីហ្វិកជាមួយភរិយាគាត់ ម្តាយគាត់ និងកូនៗ ៣នាក់និយាយថា អ្វីៗមានភាពកាន់តែប្រសើរឡើង ។ ពីមុននេះយើងមានអ្វីតិចតួចបំផុតសម្រាប់ហូបចុក សូម្បីតែទឹកក៏ខ្វះដែរ តែពេលនេះយើងមានស្បៀងច្រើនណាស់ ។ រូប គាត់ស្ថិតក្នុងចំណោមមនុស្ស២៥៦.៧១៤នាក់ ដែលរងគ្រោះហើយបាត់បង់អ្វីៗទាំងអស់ ដោយសារការរញ្ជួយដី និងស៊ូណាមី ដែលបណ្តាលឱ្យមនុស្សស្លាប់ និងបាត់ខ្លួនជិត២៦.០០០នាក់ ៕
ចែករំលែកព័តមាននេះ