រាជធានីភ្នំពេញ ៖ ជនសង្ស័យម្នាក់ ជាជនជាតិវៀតណាម ដែលជាប់ពាក់ព័ន្ធករណីជួញដូរនួវសារធាតុញៀនជាង៣១គីឡូក្រាម ត្រូវសមត្ថកិច្ចមន្ទីប្រឆាំងគ្រឿងញៀនបញ្ជូនទៅសាលាដំបូងរាជធានីភ្នំពេញ កាលពីព្រឹកថ្ងៃទី១៨ ខែមិថុនា ឆ្នាំ២០២០ ដើម្បីចាត់ការតាមច្បាប់…
រាជធានីភ្នំពេញ ៖ ជនសង្ស័យម្នាក់ ជាជនជាតិវៀតណាម ដែលជាប់ពាក់ព័ន្ធករណីជួញដូរនួវសារធាតុញៀនជាង៣១គីឡូក្រាម ត្រូវសមត្ថកិច្ចមន្ទីប្រឆាំងគ្រឿងញៀនបញ្ជូនទៅសាលាដំបូងរាជធានីភ្នំពេញ កាលពីព្រឹកថ្ងៃទី១៨ ខែមិថុនា ឆ្នាំ២០២០ ដើម្បីចាត់ការតាមច្បាប់ ។ រហូតមកដល់រសៀលថ្ងៃដដែលនេះ លោក សាយ ណូរ៉ា ព្រះរាជអាជ្ញារងអមសាលាដំបូងរាជធានីភ្នំពេញកំពុងធ្វើការសាកសួរ ។
ជនសង្ស័យម្នាក់ត្រូវឃាត់ខ្លួនមានឈ្មោះ NGUYEN NGOC QUI ភេទប្រុស អាយុ៣០ឆ្នាំ ជនជាតិវៀតណាម កាន់អត្តសញ្ញាណប័ណ្ណ(វៀតណាម) លេខ351862299 ។
ប្រតិបត្ដិការបង្ក្រាបគ្រឿងញៀននេះ ធ្វើឡើងនៅវេលាម៉ោងជាង២រសៀលថ្ងៃទី១៥ ខែមិថុនា ឆ្នាំ២០២០ នៅចំណុចផ្ទះលេខ៥៧ E1 ផ្លូវព្រះស៊ីសុវត្តិ សង្កាត់ចតុមុខ ខណ្ឌដូនពេញ រាជធានីភ្នំពេញ ដោយកម្លាំងជំនាញ នៃមន្ទីរប្រឆាំងគ្រឿងញៀន (ក១០) នៃអគ្គស្នងការដ្ឋាននគរបាលជាតិ ដឹកនាំដោយ លោកឧត្តមសេនីយ៍ទោ សារី បុត្រសត្យា និងលោកវរសេនីយ៍ឯក យឹម សែនឧត្តម នាយករងមន្ទីរ ដោយមានការសម្របសម្រួលពីលោក គុជ គឹមឡុង ព្រះរាជអាជ្ញារងអម សាលាដំបូងរាជធានីភ្នំពេញ ។
ជាលទ្ធផលសមត្ថកិច្ចដកហូតបានវត្ថុតាង រួមមាន សារធាតុញៀន សរុបទម្ងន់៣១,៧០៥.០៦ ក្រាម ទី១-កេតាមីន រាវ (Ketamine) ៣,០០០ដប ស្មើទម្ងន់ 31,650ក្រាម, ទី២-កេតាមីន (Ketamine) ទម្ងន់ 4.48ក្រាម, ទី៣-អ៊ិចស្តាស៊ី (MDMA) ស្មើទម្ងន់ 33.28ក្រាម, ទី៤-មេតំហ្វេតាមីន (ICE) ស្មើទម្ងន់ 4.09ក្រាម, ទី៥-មេតំហ្វេតាមីន (គ្រាប់) ទម្ងន់ 13.21ក្រាម និងរថយន្ត១គ្រឿង ទូរស័ព្ទដៃ១ គ្រឿង ផងដែរ៕
គួររម្លឹកថា ដល់ក! បុរសវៀតណាមម្នាក់ជួញដូរជាង៣១គីឡូ លើទឹកដីកម្ពុជា
ចែករំលែកព័តមាននេះ