រាជធានីភ្នំពេញ៖ នៅថ្ងៃនេះតុលាការព្រហ្មទណ្ឌបារាំងបានសម្រេចដាក់លោក សម រង្ស៊ី អតីតមេបក្សប្រឆាំងនៅកម្ពុជាស្ថិតនៅក្រោមការចោទប្រកាន់ពីបទ «បរិហាកេរ្តិ៍ជាសាធារណៈលើបុគ្គល» ។ គួររំឮកថា កាលពីខែសីហា ឆ្នាំ២០១៩…
រាជធានីភ្នំពេញ៖ នៅថ្ងៃនេះតុលាការព្រហ្មទណ្ឌបារាំងបានសម្រេចដាក់លោក សម រង្ស៊ី អតីតមេបក្សប្រឆាំងនៅកម្ពុជាស្ថិតនៅក្រោមការចោទប្រកាន់ពីបទ «បរិហាកេរ្តិ៍ជាសាធារណៈលើបុគ្គល» ។
គួររំឮកថា កាលពីខែសីហា ឆ្នាំ២០១៩ សម្តេចតេជោ ហ៊ុន សែន និងលោក ឌី វិជ្ជា អគ្គស្នងការរងនគរបាលជាតិ និងដែលជាកូនប្រុសសពលោក ហុក ឡងឌី បានដាក់ពាក្យប្តឹងលោក សម រង្ស៊ី ពីបទ «បរិហារកេរ្តិ៍ជាសាធារណៈចំពោះបុគ្គល» ទៅកាន់តុលាការទីក្រុងប៉ារីស ប្រទេសបារាំង កាលពីថ្ងៃម្សិលមិញ ចំពោះអ្វីដែលអតីតមេបក្សប្រឆាំងរូបនេះបានចោទប្រកាន់លោកនាយករដ្ឋមន្ត្រីថា នៅពីក្រោយការស្លាប់លោក ហុក ឡងឌី ។
ខាងក្រោមនេះជាខ្លឹមសារ (តុលាការព្រហ្មទណ្ឌទីក្រុងប៉ារីស) ដែលសម្រេចដាក់លោក សម រង្ស៊ី ឱ្យស្ថិតនៅក្រោមការចោទប្រកាន់ពីបទ ” បរិហារកេរ្តិ៍ជាសាធារណៈលើបុគ្គល” ដែលការសម្រេចនេះ គឺឯកសារពីរផ្សេងគ្នានៃសេចក្តីសម្រេចរបស់តុលាការបារាំង ទី១- ពាក់ព័ន្ធនឹងបណ្តឹងរបស់សម្តេច ហ៊ុន សែន
និងទី២- បណ្តឹងរបស់ឯកឧត្តម ឌី វិជ្ជា ៖
ការដាក់ពាក្យបណ្តឹងនេះ ធ្វើឡើងបន្ទាប់ពីលោក សម រង្ស៊ី បានពន្យុះសម្តេច ហ៊ុន សែន និងសម្តេចក្រឡាហោម ស ខេង រដ្ឋមន្ត្រីក្រសួងមហាផ្ទៃ ព្រមទាំងលោក ឌី វិជ្ជា ម្តងហើយម្តងទៀតឲ្យធ្វើការប្ដឹងរូបលោកទៅតុលាការបារាំងជាប្រទេសដែលលោកកំពុងរស់នៅ ។
កាលពីថ្ងៃទី២ ខែមិថុនា ឆ្នាំ២០១៩ ទំព័រហ្វេសប៊ុករបស់លោក សម រង្ស៊ី បានសរសេរបែបសន្និដ្ឋាន និងវិភាគថា សម្តេច ហ៊ុន សែន គឺជាអ្នកបញ្ជាឲ្យមានការសម្លាប់លោក ហុក ឡងឌី តាមរយៈការធ្វើឲ្យផ្ទុះឧទ្ធម្ភាគចក្រដែលលោក ហុក ឡងឌី ជិះពីភ្នំពេញទៅខេត្តស្វាយរៀង កាលពីថ្ងៃទី៩ ខែវិច្ឆិកា ឆ្នាំ២០០៨ ហើយថាកូនប្រុសរបស់លោក ហុក ឡងឌី គឺលោក ឌី វិជ្ជា ដែលជាកូនប្រសារបស់សម្តេច ហ៊ុន សែន ដែរនោះកំពុងរៀបចំផែនការជាមួយលោក ស ខេង ដើម្បីរកវិធីសងសឹកលោកនាយករដ្ឋមន្ត្រី ។
បើតាមសេចក្តីប្រកាសព័ត៌មានរបស់មេធាវីលោក Brosselet លោកមេធាវី Doyez និងលោកមេធាវី Leick ដែលការពារក្តីជូនលោក ហ៊ុន សែន និងលោក ឌី វិជ្ជា បានឲ្យដឹងថាពួកគេបានដាក់ពាក្យបណ្តឹងជាផ្លូវការប្តឹងលោក សម រង្ស៊ី ពីបទ «បរិហារកេរ្តិ៍ជាសាធារណៈចំពោះបុគ្គល» ទៅកាន់តុលាការទីក្រុងប៉ារីស ប្រទេសបារាំង នៅថ្ងៃទី២០ ខែសីហា ឆ្នាំ ២០១៩ ។
គួរឮកទៀតថា នៅពេលដែលសម្តេចតេជោ ហ៊ុន សែន និងលោកឌី វិជ្ជា សម្រេចប្តឹង នោះលោក សម រង្ស៊ី បានប្រកាសស្វាគមន៍ និងថា រងចាំតតាំងក្តីជាមួយគ្នានៅតុលាការប្រទេសបារាំងផងដែរ ៕
ចែករំលែកព័តមាននេះ