រាជធានីភ្នំពេញ ៖ មួយរយៈពេលចុងក្រោយនេះ គេសង្កេតឃើញថា ស្រីស្អាតសាច់សម៉ត់ខៃ ដែលមានរហ័សនាម «រាជនីក្រមា» មាន សូនីតា បានបង្ហោះរូបភាពសិចស៊ីក្នុងឈុតប៊ីគីនី…
រាជធានីភ្នំពេញ ៖ មួយរយៈពេលចុងក្រោយនេះ គេសង្កេតឃើញថា ស្រីស្អាតសាច់សម៉ត់ខៃ ដែលមានរហ័សនាម «រាជនីក្រមា» មាន សូនីតា បានបង្ហោះរូបភាពសិចស៊ីក្នុងឈុតប៊ីគីនី រហូតក្លាយជាចំណីភ្នែក និងជាទីចំណាប់អារម្មណ៍របស់មហាជនយ៉ាងខ្លាំង ។
ទន្ទឹមនឹងមានអ្នកគាំទ្រពោលសរសើរពីរូបសម្រស់ស្រស់សោភា ក្នុងឈុតប៊ីគីនី នៅមាត់សមុទ្រនោះ រូបថតដែលនាង មាន សូនីតា បានថតរូបបង្ហោះជាមួយនឹងការស្លៀកពាក់ឈុតប៊ីគីនី នៅលើកោះសង្សារ បង្ហាញពីភាពសិចស៊ី និងជើងស្រឡូនសស្គុយ ក៏ធ្វើអោយមហាជនមួយចំនួនទទួលយកមិនទាន់បាន ដោយរិះគន់ខ្លាំងៗថា នាងស្លៀកឈុតបែបនោះនៅសមុទ្រមិនខុសទេ តែវាមិនអាចទទួលយកបានពេលយករូបទាំងនោះបង្ហោះក្នុងបណ្តាញសង្គម ។ ក្រៅពីរូបថតសិចស៊ីដែលជាដើមចម បង្កឲ្យមានការរិះគន់យ៉ាងចាស់ដៃដល់រូបនាង សូម្បីតែខ្លឹមសារដែលនាងបង្ហោះបង្ហាញពីទស្សនៈយល់ឃើញថា ការស្លៀកពាក់សិចស៊ី មិនមែនជាដើមចមនៃករណីរំលោភនោះទេ ព្រោះពេលខ្លះជនរងគ្រោះមិនបានស្លៀកពាក់សិចស៊ី បែរជាត្រូវជនល្មើសចាប់រំលោភដែរ ។
អ្នករិះគន់ម្នាក់បានសរសេររិះគន់មាន សូនីតា យ៉ាងដូច្នេះ «ថា មិនមែនរឿងដើរលេងសមុទ្រ ឬដេកស្រាតនៅផ្ទះទេ រឿងដែលរិះគន់នោះ គឺផុសក្នុងបណ្តាញសង្គម អ្នកឯងស្រាតលេងទឹក ក៏គ្មានអ្នកថាដែរ កុំតែយកមកបង្ហោះជាសាធារណៈ គេជាមនុស្សគេមើលទៅវាមិនសម ។ មិនដឹងរៀនពីគ្រូណា អាញញឹមៗ សប្បាយៗ សើចៗ តែក្នុងចិត្តក្តៅលេងខូចគេបែបណឹង» ។
ចំណែកអ្នកលេងបណ្តាញសង្គមខ្លះទៀត បានសរសេរថា «មើលទៅការការសរសេរចុះ! គិតថា ទង្វើខ្លួនធ្វើហ្នឹងសមរម្យណាស់ហើយយ៉ាង បានខំការពារម្លេះ! បើមើលសំនេរយល់ថា មនុស្សនេះដូចទើបចេញមកពីព្រៃមិនដឹងស្អីជាស្អីចឹង ចោរវាគិតអី…បានវាមានសិទ្ធិលួចប្លង់គេ! ថា គ្មានសិទ្ធប្លន់របស់គេទេតែព្រោះតែវាចង់បាន ទើបលួចហើយជាទូទៅ គឺមិនមែនជាមនុស្សល្អនោះឡើយដូចទៅហ្នឹងរឿងរំលោភគេចឹង តើមនុស្សល្អឯណាទៅរំលោភគេកើតនោះ គឺមានតែអាមនុស្សអត់ការគិតនឹងហើយ ដែលវាអាចធ្វើចឹងបាននោះ ហើយនាងចង់ទាមទារអោយមនុស្សទាំងអស់ត្រូវមានការគិតទាំងអស់គ្នា ចឹងលុះត្រានាងទៅប្រាប់ចោរថា កុំអោយលួច ។
ត្រូវដឹងថា ការដែលអ្នកបង្ហាញរូបសិចស៊ីមិនមែនសុទ្ធតែត្រូវគេរំលោភនោះទេ តែវាជាហេតុមួយចំណែកបណ្ដាលអោយកើតកាមតណ្ហាដែលអាចបង្កគ្រោះទៅបុគ្គលផ្សេងទៀត ដែលហេតុការររំលោភនេះកំពុងតែកើតមានជាញឹកញយនោះណា» ។
បើទោះបីជាមានការរិះគន់ពេញបណ្តាញសង្គមក្តី តារាសម្តែងស្រីវ័យ ៣០ ដែលមានសម្លេងស្រួយឆ្មារប្លែកពីគេរូបនេះ ហាក់ដូចជា មិនតបត និងមិនខ្វល់ពីពាក្យសំដីរបស់អ្នករិះគន់មួយចំនួន ដែលមិនពេញចិត្តចំពោះរូបនាងនោះឡើយ ប៉ុន្តែ មាន សូនីតា នៅតែបង្ហាញពីភាពស៊ីវិស័យ និងភាពសប្បាយរបស់ខ្លួនកំពុងមាននៅពេលនេះទៅវិញ ។
ជាការពិតណាស់ ចូលដល់វ័យមួយអាយុកាន់តែច្រើន មាន សូនីតា កាន់តែមិនខ្វល់ពីភាពនៅលីវរបស់ខ្លូននោះឡើយ ហើយកាន់តែចាយសម្រស់យ៉ាងស្រស់ស្អាតបន្ថែមទៀត និងធ្វើរឿងដែលខ្លួនឯងចង់ធ្វើតទៅមុខទៀត ៕
ចែករំលែកព័តមាននេះ