អ្នកដែលឆ្ងល់ទេថា ហេតុអ្វីបានជាអ្នកមានកាន់តែមាន?ជាក់ស្តែង ចម្លើយទៅនឹងសំណួរនេះមានច្រើនណាស់ ប៉ុន្តែក្នុងនោះរួមមានព្រោះតែផ្នត់គំនិតរបស់ពួកគេដែលខុសពីអ្នកដទៃ ។ មានន័យថា ប្រសិនបើអ្នកចង់ក្លាយជាអ្នកមាន អ្នកប្រហែលជាត្រូវផ្លាស់ប្តូរផ្នត់គំនិតរបស់អ្នកវិញដែរ ។ខាងក្រោមជាផ្នត់គំនិតមួយចំនួនដែលរារាំងអ្នកមិនឲ្យក្លាយជាអ្នកមាន ៖
១. ធ្វើការងារដែលខ្លួនមិនស្រលាញ់នឹងធ្វើឲ្យខ្លួនក្លាយជាអ្នកមាន
មនុស្សជាច្រើនទទួលយកការងារដែលអាចទទួលបាន និងនៅធ្វើវារាប់ឆ្នាំរហូតដល់ឡើងប្រាក់ខែ និងចូលនិវត្តន៍ ។ ប៉ុន្តែការខិតខំប្រឹងប្រែងធ្វើការនៅមួយកន្លែងមិនតែងតែធានាថា អ្នកនឹងទទួលបានលទ្ធផលល្អទេ ។ អ្នកមានភាគច្រើនជាមនុស្សដែលធ្វើតែការងារដែលខ្លួនស្រលាញ់ទេ មុននឹងវិនិយោគអស់ពីខ្លួនលើការងាររបស់ខ្លួន ។
២. អ្នកមិនអាចក្លាយជាអ្នកមានទេប្រសិនបើអ្នកមិនទទួលបានការអប់រំខ្ពស់ខ្ពស់
ការវិនិយោគធនធានលើការអប់រំខ្ពស់ខ្ពស់មិនប្រាកដថា នឹងជួយឲ្យមនុស្សក្លាយជាអ្នកមានទេ ។ ហើយអ្នកដែលមានពិន្ទុខ្ពស់ជាងគេក្នុងថ្នាក់ក៏មិនប្រាកដថាពួកគេនឹងក្លាយជាមហាសេដ្ឋីដែរ ។ អ្នកមានដឹងថា ពួកគេមិនចាំបាច់ត្រូវទន្ទេញមេរៀនចាំមាត់ដើម្បីរកលុយទេ ។ ផ្ទុយមកវិញពួកគេផ្តោតកម្លាំងលើការទទួលបានចំណេះដឹងមួយចំនួនដូចជាវិធីវិនិយោគ ឬបង្កើតទំនាក់ទំនងជាមួយមនុស្សដែលមានឥទ្ធិពលជាដើម ។
៣. អ្នកមានជាមនុស្សដែលមានសំណាងល្អ
មនុស្សដែលមិនអាចក្លាយជាអ្នកមានជាមនុស្សដែលគិតថាពួកគេត្រូវមានសំណាងល្អដើម្បីអាចរកលុយបានច្រើន ។ ជាក់ស្តែង វាអាចនឹងពិតក្នុងករណីមួយចំនួន តែវាមិនប្រាកដថាអ្នកដែលសំណាងមិនល្អមិនអាចគ្មានថ្ងៃជោគជ័យទេ ។ អ្នកមានដឹងថាប្រសិនបើពួកគេជួយអ្នកដទៃដោះស្រាយបញ្ហារបស់ពួកគេ នោះពួកគេគ្មានថ្ងៃដែលបរាជ័យទេព្រោះអ្នកដទៃនឹងតែងតែត្រូវការពួកគេ ។
៤. ជីវភាពធូរធារល្មមៗគឺគ្រប់គ្រាន់ហើយ
អ្នកមានដឹងច្បាស់ថា ពួកគេមិនអាចឈប់បានទេទោះជាពួកគេមានជីវភាពធូរធារល្មមពិតមែនក្តី ព្រោះពួកគេដឹងថា ពួកគេនឹងសម្រេចបានច្រើនជាងនេះទៅទៀតប្រសិនបើពួកគេពុះពារ និងជំនះផុតការលំបាកដែលនៅខាងមុខ ។ ផ្ទុយមកវិញ អ្នកដែលមានផ្នត់គំនិតជាអ្នកក្រជាមនុស្សដែលខ្លាចការធ្វើអ្វីដែលខ្លួនមិនចូលចិត្ត ឬអ្វីដែលពិបាកទោះជាវានាំយកឱកាសរកលុយផ្សេងៗពិតមែនក្តី ៕
ចែករំលែកព័តមាននេះ