រាជធានីភ្នំពេញ ៖ អ្នកជំនាញ និងជាមន្ត្រីជាន់ខ្ពស់នៃអគ្គនាយកដ្ឋានកសិកម្មនៃក្រសួងកសិកម្ម រុក្ខាប្រមាញ់ និងនេសាទបានជំរុញ ឬលើកទឹកចិត្តទៅដល់ប្រជាកសិករ ក៏ដូចជាវិនិយោគិនឱ្យចាប់អារម្មណ៍ដាំបន្លែសេរីរាង្គ ឬបន្លែបែបធម្មជាតិ គ្មានជាតិគីមី…
រាជធានីភ្នំពេញ ៖ អ្នកជំនាញ និងជាមន្ត្រីជាន់ខ្ពស់នៃអគ្គនាយកដ្ឋានកសិកម្មនៃក្រសួងកសិកម្ម រុក្ខាប្រមាញ់ និងនេសាទបានជំរុញ ឬលើកទឹកចិត្តទៅដល់ប្រជាកសិករ ក៏ដូចជាវិនិយោគិនឱ្យចាប់អារម្មណ៍ដាំបន្លែសេរីរាង្គ ឬបន្លែបែបធម្មជាតិ គ្មានជាតិគីមី ដើម្បីនាំទៅទីផ្សារសហគមន៍អឺរ៉ុបបន្ថែម ខណៈប្រទេសជិតខាងកម្ពុជា ដូចជាវៀតណាមនិងប្រទេសថៃទទួលបានការព្រមាន ឬកាតក្រហមមិនអនុញ្ញាតឱ្យនាំបន្លែស្រស់ចូលទៅក្នុងប្រទេសសរបស់គេ ។
បើតាមអគ្គនាយកនៃអគ្គនាយកដ្ឋានកសិកម្មថា ទន្ទឹមនឹងប្រទេសវៀតណាមនិងប្រទេសមិនទទួលបានការអនុញ្ញាតឱ្យនាំបន្លែស្រស់ឬបន្លែបែបធម្មជាតិ កម្ពុជាក៏ធ្លាប់ទទួលបានកាតលឿងពីសហគមន៍អឺរ៉ុបហើយរាល់ការនាំចេញពីកម្ពុជាមានការត្រួតពិនិត្យតឹងតែង តែមកដល់ពេលថ្មីៗកន្លងទៅនេះ កម្ពុជាបានព្យាយាមចរចារដោះបំរាម ឬកាតលឿនប្រកបដោយជោគជ័យ។
លោក ងិន ឆាយ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានកសិកម្មនៃក្រសួងកសិកម្មរុក្ខាប្រមាញ់និងនេសាទបានលើកឡើងថាប្រទេសវៀត ណាមនិងប្រទេសថៃ ដោយសារការនាំចេញបន្លែស្រស់ គេចេញកាតលឿងព្រមាននិងកាតក្រហមគឺមិនឱ្យនាំបន្លែស្រស់ចូលទៅក្នុងទឹកដីសហគមន៍អឺរ៉ុបតាំងពី១០ឆ្នាំមុន។ តែកម្ពុជានូវតែអាចនាំចូលបាន ប៉ុន្តែកម្ពុជាធ្លាប់ទទួលបានកាតលឿងកាលពី៦ឆ្នាំមុន។
លោក ងិនឆាយមានប្រសាសន៍ថា «៦ឆ្នាំមុនគេឱ្យកាតលឿងមួយមក ហើយគេបានបញ្ជូនភ្នាក់ងារអធិការកិច្ចប្រមាណ៧ឬ៨នាក់មកពីសហគមន៍អឺរ៉ុបមកសិក្សានៅក្នុងប្រទេសកម្ពុជា។ដោយសារមូលហេតុអ្វី? គឺដោយសារអ្នកដាំដុះមួយចំនួនមិនមានភាពស្មោះត្រង់ មិនមានក្រមសីលធម៌វិជ្ជាជីវៈ។ដាំបន្លែសេរីរាង្គថាមិនប្រើសារធាតុគីមីតែលួចបាញ់,បន្លែខ្លួនឯងមិនគ្រប់ចំនួនបែរយកបន្លែពីគេ(ទិញ)មកដាក់បង្គ្រប់ តែដល់សហគមន៍អឺរ៉ុបគេធ្វើតេស្ត រកឃើញមានសំណល់ថ្នាំកសិកម្មហើយនិងសត្វល្អិតមួយចំនួនផងដែរ»។
លោកអគ្គនាយកគូសបញ្ជាក់ថា« ខ្ញុំបានធ្វើការជាង៦ឆ្នាំបានចរចារដោះអាកាតលឿងនេះរួច ហើយដោះកាតលឿងនេះរួចទើបបានពីរខែមុននេះនៅពេលខ្ញុំឡើងជាប្រតិភូរាជរដ្ឋាភិបាល។ជិតមួយឆ្នាំនេះចរចារដោះកាតលឿងនេះរហូត ថាឥលូវកាតលឿងក៏អត់សម្រាប់នាំចេញបន្លែស្រស់នៅសហគមន៍អឺរ៉ុប។ប៉ុន្តែសម្រាប់ប្រទេសជិតខាងទាំងពីរខាងលើប្រហែលមានកាតក្រហមនៅឡើយនោះទេ បើតាមខ្ញុំដឹងមិនទាន់អាចនាំចូលបន្លែស្រស់បានទេ»។
បើតាមអ្នកជំនាញរូបនេះ «ខ្ញុំចង់ឃើញថានៅពេលគេឃើញកសិផលរបស់កម្ពុជាគេលើកមេដាយបង្ហាញថាបន្លែនាំមកពីកម្ពុជាមានគុណភាពល្អ។នេះជាដំណឹងល្អមួយសម្រាប់កសិក អ្នកវិនិយោគដែលចង់ដាំបន្លែនាំចេញទៅសហគមន៍អឺរ៉ុប យើងអាចនាំទៅបាន»។
បើតាមប្រតិភូរាជរដ្ឋាភិបាលកាលពីឆ្នាំ២០១៩កម្ពុជាបាននាំចេញបន្លែស្រស់ទៅសហគមន៍អឺរ៉ុបប្រមាណ១៨០តោន៕
ចែករំលែកព័តមាននេះ