រាជធានីភ្នំពេញ ៖ តាមរយៈសេចក្តីព្រាងច្បាប់ស្តីពីការប្រឆាំងដល់ការរីកសាយភាយអាវុធ មហាប្រល័យកម្ពុជាមិនអាចធ្លាក់ក្នុងប្រទេសផ្តល់ហិរញ្ញប្បទានដល់ប្រទេសណាមួយធ្វើអាវុធមហាប្រល័យនោះទេ ។ នេះ បើតាមរដ្ឋមន្ត្រីក្រសួងយុត្តិធម៌ ។ លោក កើត…
រាជធានីភ្នំពេញ ៖ តាមរយៈសេចក្តីព្រាងច្បាប់ស្តីពីការប្រឆាំងដល់ការរីកសាយភាយអាវុធ មហាប្រល័យកម្ពុជាមិនអាចធ្លាក់ក្នុងប្រទេសផ្តល់ហិរញ្ញប្បទានដល់ប្រទេសណាមួយធ្វើអាវុធមហាប្រល័យនោះទេ ។ នេះ បើតាមរដ្ឋមន្ត្រីក្រសួងយុត្តិធម៌ ។
លោក កើត រិទ្ធ រដ្ឋមន្ត្រីក្រសួងយុត្តិធម៌បានលើកឡើងក្នុងសម័យប្រជុំពេញអង្គព្រឹទ្ធសភានីតិកាលទី៤ នាព្រឹកថ្ងៃទី១៦ ខែមិថុនា ឆ្នាំ២០២០ ក្រោមអធិបតីភាពសម្តេច វិបុល សេនា ភក្តីសាយឈុំប្រធានព្រឹទ្ធសភាដោយមានសមាជិកព្រឹទ្ធសភាចូលរួមប្រជុំ៥៨ រូប ថាសេចក្តីព្រាងច្បាប់ស្តីពីការប្រឆាំងដល់ការរីកសាយភាយអាវុធមហាប្រល័យ គឺធ្វើឡើងសំដៅដល់កាតព្វកិច្ចរបស់ព្រះរាជាណាចក្រកម្ពុជា ក្នុងនាមជាសមាជិករបស់នៃក្រុមប្រទេសអាស៊ីប៉ាស៊ីហ្វិក ស្តីពីការសម្អាតប្រាក់ ដើម្បីធ្វើរបាយការណ៍នៃប្រយុទ្ធប្រឆាំងដល់ការរីកសាយភាពនៃអាវុធមហាប្រល័យ ។
ច្បាប់នេះទាក់ទង និងការធ្វើឲ្យមានអាវុធមហាប្រល័យនានា ប៉ុន្តែប្រឆាំងនឹងការធ្វើហិរញ្ញប្បទានដែលការរីកសាយភាយនៃអាវុធមហាប្រល័យក្នុងតំបន់ក៏ដូចជា ក្នុងពិភពលោក ។ លោករដ្ឋមន្ត្រីបញ្ជាក់ថា ៖«ច្បាប់នេះនឹងធ្វើឲ្យប្រទេសកម្ពុជាជាប្រទេសមួយមិនមែនជាប្រទេសផ្តល់ហិរញ្ញប្បទានដល់ប្រទេសណាមួយអង្កការណាមួយធ្វើអាវុធមហាប្រល័យណាមួយ ។ អីញ្ចឹងហើយបានជាជំហរច្បាប់នេះ គឺការប្រឆាំងហិរញ្ញប្បទានដល់រីកសាយភាយនៃអាវុធមហាប្រល័យ» ។
លោករដ្ឋមន្ត្រីបន្តថា ច្បាប់នេះក៏ធានាឲ្យកម្ពុជាក្នុងការអនុវត្តនូវកាតព្វកិច្ចរបស់ខ្លួន ។ តាមរយៈច្បាប់នេះក៏បានភ្ជាប់នឹងឧបសម្ព័ន្ធដែលសុទ្ធតែជាការសម្រេចចិត្តរបស់ក្រុមប្រឹក្សាសន្តិសុខរបស់អង្កការសហប្រជាជាតិដែលកម្ពុជាមានឋានៈជាសមាជិក មានកាតព្វកិច្ចក្នុងការសម្រេចតាម ។ លោកបញ្ជាក់ថា៖«អីញ្ចឹងនៅមានការសម្រេចចិត្តរបស់ក្រុមប្រឹក្សាសន្តិសុខអង្កការសហប្រជាជាតិ ទាក់ទង និងការហាមឃាត់ចំពោះសកម្មភាពណាមួយនៅកម្ពុជានោះកម្ពុជាមានកាតព្វកិច្ចត្រូវតែចូលក្នុងការអនុវត្តន៍ ។
ធាតុពិតកម្ពុជាធ្វើបានក្នុងរូបភាពកិច្ចសហប្រតិបត្តិការ ឬទំនាក់ទំនងនូវការរកស៊ី ។ អីញ្ចឹងអាចមានបុគ្គលមួយចំនួនគាត់ធ្វើការស៊ីនៅកម្ពុជា ប៉ុន្តែនៅពេលគាត់រកស៊ីនៅកម្ពុជាគាត់បានផ្តល់ចំណូលដល់អង្កការណាមួយដែលបានហាមឃាត់ដោយ សម្រេចចិត្តរបស់ក្រុមប្រឹក្សាសន្តិសុខអង្កការសហប្រជាតិនោះ កម្ពុជាត្រូវតែមានកាតព្វកិច្ចក្នុងការអនុវត្ត» ។
លោករដ្ឋមន្ត្រីក៏បានលើកឡើងថា ការធ្វើច្បាប់ខាងលើនេះក៏បានបង្ហាញឲ្យឃើញថាកម្ពុជាមានភាពស្អាតស្អំ ហើយបានចូលរួមជាសកម្មភាពដែលពាក់ព័ន្ធនឹងសន្តិសុខ ។ ជាងនេះច្បាប់នេះក៏បានជួយកម្ពុជាដែលកន្លងមកគេបានដាក់កម្ពុជាក្នុងបញ្ជីប្រផះ ដោយសារគេរកឃើញកម្ពុជាខ្វះខាតមូលដ្ឋានគតិយុត្តមួយក្នុងការប្រឆាំងហិរញ្ញប្បទាននៃការរីកសាយភាយអាវុធមហាប្រល័យ ។ លោកបន្ថែមថា ច្បាប់ទាំងនេះនឹងជួយឲ្យកម្ពុជារួចផុតពីការដាក់ចូលក្នុងបញ្ជីប្រផះ ឬដាក់ក្នុងបញ្ជីខ្មៅផងដែរ ៕
ចែករំលែកព័តមាននេះ