សហរដ្ឋអាមេរិក ៖ បន្ទាប់ពីមរណភាពរបស់លោក ចច ផ្លយ ធ្វើឲ្យជនជាតិអាមេរិកស្បែកខ្មៅ ផ្ទុះការខឹងសម្បារ និងតវ៉ាធ្វើបាតុកម្មចលាចលពេញសហរដ្ឋអាមេរិកកន្លងមក ស្រាប់តែនៅពេលនេះ ផ្ទុះការតវ៉ាមួយផ្សេងទៀត…
សហរដ្ឋអាមេរិក ៖ បន្ទាប់ពីមរណភាពរបស់លោក ចច ផ្លយ ធ្វើឲ្យជនជាតិអាមេរិកស្បែកខ្មៅ ផ្ទុះការខឹងសម្បារ និងតវ៉ាធ្វើបាតុកម្មចលាចលពេញសហរដ្ឋអាមេរិកកន្លងមក ស្រាប់តែនៅពេលនេះ ផ្ទុះការតវ៉ាមួយផ្សេងទៀត បន្ទាប់ពីការស្លាប់របស់ជនជាតិអាមេរិកស្បែកខ្មៅម្នាក់ ដែលត្រូវបានបាញ់សម្លាប់ ដោយមន្ត្រីស្បែកស នៅខាងក្រៅភោជនីយដ្ឋានមួយកន្លែង នៅទីក្រុងអាត្លង់តា នេះបើយោងតាមប្រភពពី BBC ។
ការស្លាប់មួយទៀតរបស់បុរសស្បែកខ្មៅ ជនជាតិអាមេរិក កាត់អាហ្វ្រិកម្នាក់ អំឡុងពេលចាប់ខ្លួន ដោយក្រុមប៉ូលីស ធ្វើឲ្យមានការអារម្មណ៍យ៉ាងខ្លាំង នៅសហរដ្ឋអាមេរិក ។
Rayshard Brooks អាយុ២៧ ឆ្នាំត្រូវបានបាញ់សម្លាប់ ខណៈពេលដែលរូបលោកមានការប្រឈមមុខដាក់គ្នាជាមួយប៉ូលិស គឺបានរត់គេចពីមន្ត្រីប៉ូលិស នៅក្នុងកន្លែងចតរថយន្ត នៅភោជនីយដ្ឋានមួយ នៅទីក្រុងអាត្លង់តា កាលពីថ្ងៃសុក្រ(ម៉ោងក្នុងតំបន់)ម៉ោងប្រហែល ២២ និង ៣៣ នាទីម៉ោង ក្នុងថ្ងៃទី១២ ខែមិថុនា ។
នាយប៉ូលិសអាត្លង់តា ម្នាក់បានលាលែង ហើយមន្ត្រីម្នាក់ទៀត ដែលពាក់ព័ន្ធ ត្រូវបានបណ្តេញចេញ ។
ការបាញ់ប្រហារនេះបានបង្កឱ្យមានការតវ៉ាប្រឆាំងនឹងការរើសអើងជាតិសាសន៍មួយផ្សេងទៀត ។
ក្រុមអ្នកស៊ើបអង្កេត បាននិយាយថា លោក Rayshard Brooks ត្រូវបានប៉ូលិសបាញ់សម្លាប់ បន្ទាប់ពីគាត់បានចាប់យក Taser (អាវុធអគ្គិសនី) ពីមន្ត្រីប៉ូលិសម្នាក់ នៅពេលគាត់បានរត់គេចពីកន្លែងកើតហេតុ ។
ដោយឡែក លោកអភិបាលក្រុងអាត្លង់តា និងអ្នកនយោបាយដទៃទៀត បាននិយាយថា ការប្រើប្រាស់កម្លាំងដ៍សាហាវដោយប៉ូលីស មិនមានភាពត្រឹមត្រូវទេ ក្នុងករណីនេះ ។
ព្រឹត្តិការណ៍ដែលនាំឲ្យមានការបាញ់សម្លាប់លោក Brooks ត្រូវបានចាប់ដោយកាមេរ៉ាស៊ីស៊ីធីវី មានដូចខាងក្រោមនេះ ៖
ចែករំលែកព័តមាននេះ