ប្រទេសអង់គ្លេស ៖ ការប្រកួតនៃក្របខណ្ឌកំពូលរបស់អឺរ៉ុប UEFA Champions League គ្រោងនឹងបញ្ចប់នៅក្នុងការប្រកួតដែលមានរយៈពេល ១២ថ្ងៃ ដែលនឹងត្រូវធ្វើឡើងក្នុងរដ្ឋធានីលីសបោន ប្រទេសព័រទុយហ្គាល់នៅក្នុងខែសីហាខាងមុខនេះ…
ប្រទេសអង់គ្លេស ៖ ការប្រកួតនៃក្របខណ្ឌកំពូលរបស់អឺរ៉ុប UEFA Champions League គ្រោងនឹងបញ្ចប់នៅក្នុងការប្រកួតដែលមានរយៈពេល ១២ថ្ងៃ ដែលនឹងត្រូវធ្វើឡើងក្នុងរដ្ឋធានីលីសបោន ប្រទេសព័រទុយហ្គាល់នៅក្នុងខែសីហាខាងមុខនេះ ដោយបិទទ្វារកីឡដ្ឋាន។
រដ្ឋធានីធំបំផុតរបស់ព័រទុយហ្កាល់មួយនេះ នឹងក្លាយជាម្ចាស់ផ្ទះចាប់ពីវគ្គ ៨ក្រុមចុងក្រោយ រហូតដល់វគ្គផ្តាច់ព្រ័ត្រចន្លោះពីថ្ងៃទី ១២-២៣ ខែសីហា។
បើតាមការចុះផ្សាយពី Sky Sports បានឱ្យដឹងថា ការប្រកួតទាំងអស់នឹងត្រូវលេងតែមួយជើងប៉ុណ្ណោះ ដោយត្រូវប្រើប្រាស់កីឡដ្ឋានចំនួនពីរក្នុងទីក្រុងលីសបោនគឺ Estadio da Luz និង Estadio Jose Alvalade។
គណៈកម្មាធិការប្រតិបត្តិរបស់ UEFA បានរំពឹងថា ការអនុម័តច្បាប់សម្រាប់ការប្រកួតថ្មីនេះ នឹងត្រូវធ្វើឡើងនៅក្នុងកិច្ចប្រជុំមួយនៅថ្ងៃពុធនេះ។
ដោយឡែកទីក្រុងអ៊ីស្តង់ប៊ុល ប្រទេសតួកគី ដែលតាមកាលវិភាគចាស់គឺជាម្ចាស់ផ្ទះសម្រាប់ការប្រកួតវគ្គផ្តាច់ព្រ័ត្ររដូវកាលនេះ នឹងត្រូវបានសងជំងឺចិត្ត ជាមួយនឹងការផ្តល់សិទ្ធិសម្រាប់ការប្រកួតវគ្គផ្តាច់ព្រ័ត្រនាពេលអនាគត។
ក្រឡេកមកមើលសមាសភាពក្រុមវិញ PSG, RB Leipzig, Atalanta និង Atlético Madrid បានកក់កៅអីវគ្គ ៨ក្រុមចុងក្រោយរួចរាល់។ ខណៈនៅសល់ការប្រកួតចំនួន ៤គូផ្សេងទៀតក្នុងវគ្គ ១៦ក្រុមចុងក្រោយ ដែលត្រូវលេងសម្រាប់ជើងទី២ ដើម្បីយក ៤ក្រុមមកបង្គ្រប់វគ្គ ៨ក្រុមចុងក្រោយ៕ (ដកស្រង់ចេញពី៖ Sky Sports)
ចែករំលែកព័តមាននេះ