ខេត្តសៀមរាប ៖ នៅថ្ងៃទី១៣ និង១៤ មិថុនា លោកសូរ ប្លាតុង អភិបាលស្រុកប្រាសាទបាគង បានឱ្យកម្លាំងសមត្ថកិច្ចដកយកសម្ភារឧបករណ៍ និងម៉ាស៊ីនបូមទឹកចេញពីក្នុងកសិន្ធុប្រាសាទបាគង…
ខេត្តសៀមរាប ៖ នៅថ្ងៃទី១៣ និង១៤ មិថុនា លោកសូរ ប្លាតុង អភិបាលស្រុកប្រាសាទបាគង បានឱ្យកម្លាំងសមត្ថកិច្ចដកយកសម្ភារឧបករណ៍ និងម៉ាស៊ីនបូមទឹកចេញពីក្នុងកសិន្ធុប្រាសាទបាគង បន្ទាប់ពីយើងបានប្រើប្រាស់រយៈពេលបីថ្ងៃ ដើម្បីជួយសង្គ្រោះត្រីប្រាដែលនៅសេសសល់ ហើយត្រូវបានព្រះភិរុណ បង្អុរទឹកភ្លៀងមកជួយបន្ថែម ទើបទឹកក្នុងកសិន្ទុពេញច្រើន។ សូមរំលឹកថា៖ អាជ្ញាធរសហការគ្នាដឹកទឹកមកបញ្ចូលក្នុងកស្សិណប្រាសាទបាគង «សង្គ្រោះត្រី»
ក្នុងឱកាសនោះដែរ លោកអភិបាលស្រុក ក៏បានថ្លែងអំណរគុណដល់់កងកម្លាំង នគរបាលនៃស្នងការដ្ឋាននគរបាលខេត្តសៀមរាប និងទីបញ្ជាការដ្ឋានកងរាជអាវុធហត្ថខេត្តសៀមរាប ព្រមទាំងអធិការដ្ឋាននគរបាលស្រុកប្រាសាទបាគង និងបងប្អូនប្រជា ការពារបងប្អូនប្រជាពលរដ្ឋសប្បុរសជន និងក្រុមការងារចុះជួយស្រុកប្រាសាទបាគង ជាពិសេស សូមគោរពអរគុណចំពោះ លោក ទៀ សីហា អភិបាលនៃគណៈអភិ បាលខេត្តសៀមរាប ដែលបានជួយជម្រុញគ្រប់បែបយ៉ាង នឹងយកចិត្តទុកដាក់ខ្ពស់ចំពោះកិច្ចការងារនេះផងដែរ។
លោកបានធ្វើពិធីបួងសួងសែនដង្វាយ ថ្វាយភ្លេង ដល់ម្ចាស់ទឹកដី និងអ្នកថែរក្សាប្រាង្គប្រាសាទបាគង សុំលាបំនន់ បន្ទាប់ពីកិច្ចការងារសង្គ្រោះត្រីក្នុងស្រះទឹកកសិន្ធុបានបញ្ចប់និងសុំសេចក្តីសុខ សេចក្តីចម្រើន សម្រាប់ក្រុមការងារ និងបងប្អូនប្រជាពលរដ្ឋ ទូទាំងស្រុកប្រាសាទបាគងផងដែរ ។ សូមបញ្ជាក់ថា ត្រី ដែលយកទៅផ្ញើនៅវត្តរការនោះបានយកមកលែងនៅក្នុងកសិន្ទប្រាសាទបាគងវិញហើយ ។ សូមរំលឹកថា ៖ មើល៍ថាតើស្តាយយ៉ាងណា? ត្រីប្រាដ៏ធំ១៤ក្បាលងាប់២ថ្ងៃជាប់គ្នា
ចែករំលែកព័តមាននេះ