រាជធានីភ្នំពេញ ៖ អ្នកច្នៃម៉ូដ និងដើរម៉ូដដោយខ្លួនឯងម្នាក់ កំពុងតែមានឈ្មោះបោះសំឡេងទៅលើវិស័យសិល្បៈខាងហ្វេសិន ( Fashion ) នាពេលបច្ចុប្បន្ន កំពុងតែក្លាយជាបុគ្គលម្នាក់ធ្វើឱ្យមហាជនមានការចាប់អារម្មណ៍ជាខ្លាំងទៅលើភាពជោគជ័យ និងអ្នកគាំទ្រមួយចំនួនកំពុងតែយកគំរូតាមនោះ លោក Oliva kong តែងប្រកាន់ខ្ជាប់នូវពាក្យទាំងនេះជានិច្ចទើបទទួលបានភាពជោញជ័យ ។
ដោយសព្វថ្ងៃនេះនៅក្នុងវិស័យសិល្បៈការច្នៃម៉ូដសម្លៀកបំពាក់ កំពុងតែមានការចាប់អារម្មណ៍ច្រើនពីសំណាក់មហាជននោះ និងមានអ្នកគាំទ្រមួយចំនួនតែងតែតាមសួរពីភាពជោគជ័យរបស់លោក ម៉ែន សីហា ដោយអ្នកគ្រប់គ្នាស្គាល់ឈ្មោះថា Oliva Kong បានប្រាប់ពីពាក្យជោគជ័យ ដែលលោកតែងមាននៅក្នុងខ្លួនជានិច្ចថា «ម្នាក់ៗតែងតែសួរខ្ញុំធ្វើដូចម្ដេចខ្លះដើម្បីបានដូចបង (ច្នៃម៉ូដ និង ដើរម៉ូដ) ហើយខ្ញុំមិនចង់និយាយច្រើនទេ ដោយគ្រាន់តែលុបពាក្យ ខ្មាស់អៀន ហត់នឿយ អត់លុយ មនុស្សនៅក្បែរមិនគាំទ្រ មិនស្គាល់គេ និងមិនមានពេលវេលា នោះនឹងមានភាពជឿជាក់លើខ្លួនឯងច្រើនជាងមុន» ។
នេះក៏ព្រោះតែអ្នកគាំទ្រតែងតែឃើញពីភាពជឿជាក់ និងភាពស្វាហាប់របស់អ្នកច្នៃម៉ូដមួយរូបនេះ នៅពេលដើរនៅលើឆាកម្តងៗ ទទួលបានការកោតសរសើរ ពីទេពកោសល្យនៃការដើរទៅមុខយ៉ាងមានទំនុកចិត្ត និងក្លាយជាបុគ្គលម្នាក់ទទួលបានភាពជោគជ័យ ។
គូរបញ្ជាក់ផងដែរថា លោក Oliva Kong ជាអ្នកច្នៃម៉ូដសម្លៀកបំពាក់ម្នាក់ ដែលមានឈ្មោះល្បីល្បាញ ដោយការរៀនច្នៃម៉ូដដោយខ្លួនឯងតាមរយៈបណ្តាញអ៊ីនធឺណេត YOUTUBE និងសព្វថ្ងៃនេះក្លាយជាគ្រូបង្ហាត់ដើរម៉ូដម្នាក់ដែលមានឈ្មោះថា Queen Victoria និងមានការចូលរួមរៀនជាច្រើនពីសំណាក់អ្នកដែលស្រលាញ់នូវវិស័យមួយនេះ ៕
ចែករំលែកព័តមាននេះ