ខេត្តសៀមរាប ៖ សំណង់អគារអាជ្ញាធរជាតិអប្សរានៅមុខប្រាសាទអង្គរវត្តត្រូវបានរុះរើជាស្ថាពរ ដោយមានការចូលរួមសហការដោយមន្ទីរទេសចរណ៍ខេត្តសៀមរាប ក្រោមគម្រោងអភិវឌ្ឍន៍របស់អាជ្ញាធរជាតិអប្សរា កាលពីរសៀលថ្ងៃទី១១ ខែមិថុនា ឆ្នាំ២០២០។ នេះជាសំណង់ទី១០ហើយ ដែលត្រូវបានរុះរើដោយ…
ខេត្តសៀមរាប ៖ សំណង់អគារអាជ្ញាធរជាតិអប្សរានៅមុខប្រាសាទអង្គរវត្តត្រូវបានរុះរើជាស្ថាពរ ដោយមានការចូលរួមសហការដោយមន្ទីរទេសចរណ៍ខេត្តសៀមរាប ក្រោមគម្រោងអភិវឌ្ឍន៍របស់អាជ្ញាធរជាតិអប្សរា កាលពីរសៀលថ្ងៃទី១១ ខែមិថុនា ឆ្នាំ២០២០។ នេះជាសំណង់ទី១០ហើយ ដែលត្រូវបានរុះរើដោយ ស្ម័គ្រចិត្តនិងប្រគល់ទីតាំងជូនអាជ្ញាធរជាតិអប្សរាអភិវឌ្ឍន៍ហេដ្ឋារចនាសម្ព័ន្ធនិងសម្បទានទេសចរណ៍។
លោក សឿង ស៊ីថា ប្រធានការិយា ល័យទីក្រុងស្អាតនៃមន្ទីរទេសចរណ៍ខេត្តសៀមរាប បានឱ្យដឹងថា អគារនេះបានបន្សល់ទុកនូវការចងចាំដ៏ល្អនិងអនុស្សាវរីយ៍ជាច្រើនដោយធ្លាប់បានប្រើប្រាស់ដំបូងគេបង្អស់នៅមុខប្រាសាទ អង្គរវត្តលើផ្នែកសេវាកម្មភេសជ្ជៈនិងបន្ទប់ទឹកស្អាត។ ដោយចំពោះការរុះរើនាពេលនេះ លោកបានបញ្ជាក់ថា ក្រសួងនិងមន្ទីរទេសចរណ៍សប្បាយរីករាយសហការជាមួយអាជ្ញាធរជាតិអប្សរាដើម្បីរួមចំណែកអភិវឌ្ឍន៍កែលម្អជាសួនច្បារ ដាំដើមឈើឱ្យមានការទាក់ទាញភ្ញៀវទេសចរមកលេងកាន់តែច្រើនក្នុងតំបន់បេតិកភណ្ឌមួយនេះ។
លោក យិត ចាន់ដារដ្ឋ អគ្គនាយករងអាជ្ញាធរជាតិអប្សរាបញ្ជាក់ថា ការរុះរើសំណង់ទាំងអស់មុខប្រាសាទអង្គរវត្ត គឺមិនត្រូវបានលើកលែងអគារណាមួយទេ សូម្បីសំណង់របស់អាជ្ញាធរជាតិអប្សរាផ្ទាល់ ។ លោក ក្នុងនាមអាជ្ញាធរជាតិអប្សរា សូមថ្លែងអំណរគុណចំពោះកិច្ចសហការដ៏ល្អរបស់ក្រសួងនិងមន្ទីរទេសចរណ៍ខេត្តសៀមរាប ក៏ដូចអាជីវករទាំងអស់ ដែលបានលះបង់ទ្រព្យធនរបស់ខ្លួនក្នុងការបបម្រើផលប្រយោជន៍រួម និងស្គាល់ពីតម្លៃអង្គរ ដើម្បីទុកលទ្ធភាពជូនអាជ្ញាធរជាតិអប្សរាអភិវឌ្ឍន៍ទីលានមុខប្រាសាទអង្គរវត្តក្លាយជាទីចាប់អារម្មណ៍បំផុត ៕ (កែសម្រួលដោយ ៖ ធីតា)
ចែករំលែកព័តមាននេះ