បុរសស្ត្រីរូបណាជាអ្នកមិនធ្វេសប្រហែស មិនភ្លេចស្មារតី មិនបណ្តោយឱ្យកាលវេលាកន្លងហួសទៅទទេៗ បុរសស្ត្រីនោះនឹងមិនវិនាសចាកផលប្រយោជន៍ដែលបានសម្រេចនោះទេ ទាំងមិនមែនមិនសម្រេចផលប្រយោជន៍ដែលមិនទាន់បានសម្រចនោះដែរ ។ បើនិយាយក្នុងក្រុមអ្នករៀនសូត្រ អ្នកដែលមិនធ្វេសស្មារតីក៏រមែងមិនភ្លេចចំណេះដឹងដែលចេះហើយនោះឡើយ ហើយប្រាកដជានឹងចេះចំណេះដទៃទៀតដែលខ្លួនមិនទាន់ចេះផងដែរ ។…
បុរសស្ត្រីរូបណាជាអ្នកមិនធ្វេសប្រហែស មិនភ្លេចស្មារតី មិនបណ្តោយឱ្យកាលវេលាកន្លងហួសទៅទទេៗ បុរសស្ត្រីនោះនឹងមិនវិនាសចាកផលប្រយោជន៍ដែលបានសម្រេចនោះទេ ទាំងមិនមែនមិនសម្រេចផលប្រយោជន៍ដែលមិនទាន់បានសម្រចនោះដែរ ។
បើនិយាយក្នុងក្រុមអ្នករៀនសូត្រ អ្នកដែលមិនធ្វេសស្មារតីក៏រមែងមិនភ្លេចចំណេះដឹងដែលចេះហើយនោះឡើយ ហើយប្រាកដជានឹងចេះចំណេះដទៃទៀតដែលខ្លួនមិនទាន់ចេះផងដែរ ។
បើនិយាយក្នុងក្រុមអ្នកប្រកបរបររកទទួលទានបុគ្គលអ្នកមានសេចក្តីមិនធ្វេសប្រហែសរមែងមិនខាតបង់របស់ដែលរកបានហើយផង និងប្រាកដជារកបានទ្រព្យដែលមិនទាន់បានទៀតផង ។
បើនិយាយក្នុងក្រុមអ្នកមានយសស័ក្តិ អ្នកមិនធ្វេសប្រហែសរមែងមិនថយយសស័ក្តិដែលធ្លាប់មានហើយផង និងទៀងតែនឹងបានទទួលយសស័ក្តិដែលមិនទាន់បានថែមទៀតផង ។
នៅក្នុងវចនានុក្រមខ្មែរសម្តេចព្រះសង្ឃរាជ ជួន ណាត បានសរសេរថា ជនណាប្រមាទប្រព្រឹត្តឃ្លៀងឃ្លាតចាកធម៌សុចរិត ជននោះទោះបីនៅមានជីវិត ក៏ចាត់ថាបានស្លាប់ស្រេចបាត់ទៅហើយ ។ ចំណុចនេះត្រូវគ្នានឹងពុទ្ធភាសិតត្រាស់ថា ជនណាប្រមាទ ជននោះទុកដូចជាបុគ្គលស្លាប់ គឺស្លាប់ប្រយោជន៍ក្នុងជាតិនេះផង និងបរលោកផង ។ សាន សារិន
ចែករំលែកព័តមាននេះ