រាជធានីភ្នំពេញ ៖ នៅអំឡុងពេលដែលទីផ្សារសិល្បៈហាក់ស្ងាត់ស្ងៀម និងធ្លាក់ចុះនូវការសម្តែងនានា ដោយសារជំងឺកូវីដ១៩ តារាចម្រៀង និងពិធីការិនីពូកែវោហាស័ព្ទ ចាក់ទឹកមិនលិច កញ្ញា សុភ័ក្ត្រ កុសុម៉ា បែរជាឆ្លៀតទៅកែគន់សម្រស់បន្ថែមទៀត ដើម្បីឲ្យកាន់តែស្រស់ស្អាត និងមានភាពទាក់ទាញ បង្កនូវការភ្ញាក់ផ្អើលទៅដល់អ្នកគាំទ្រជាខ្លាំង ។
ពិធីការិនីសម្បុរស្រអែមស្រស់រូបនេះ ទើបតែបង្ហាញពីសម្រស់របស់នាង បន្ទាប់ពីធ្វើការសម្រេចចិត្តវះកាត់ ត្របកភ្នែកពីរជាន់ ឲ្យធំកាន់តែខ្លាំង ដើម្បីបន្ថែមសម្រស់លើផ្ទៃមុខឱ្យកាន់តែមានភាពទាក់ទាញនៅក្នុងទីផ្សារសិល្បៈ និងបានធ្វើឱ្យមហាជនសរសើរជាខ្លាំងទៅដល់រូបនាងថា បានចូលប្រឡូកក្នុងសិល្បៈរាល់ឆ្នាំហើយ នេះជាលើកទី១ហើយដែលនាងបានធ្វើការកែគុនបែបនេះ។
យ៉ាងណាមិញ បន្ទាប់ពីកែសម្រស់ឱ្យស្រស់ស្អាតជាងមុន ស្រីស្អាតរូបនេះកាន់តែមានទីផ្សារសិល្បៈ និងយីអ៊ុនកាន់តែឡើងខ្ពស់ ដោយគេបានសង្កេតឃើញថា នាងមានភាពមមាញឹកជាងមុន និងឧស្សាហ៍លេចមុខ ទៅចូលរួមនៅក្នុងកម្មវិធី របស់ស្ថានីយទូរទស្សន៍នានា ក៏ដូចជាការថតឱ្យផលិតផលមួយចំនួនផងដែរ។
គួរបញ្ជាក់ផងដែរថា នេះក៏ព្រោះតែពិធីការិនីក្រមិចក្រមើម និងពូកែកំប្លុកកំប្លែងមិនចាញ់តារាកំប្លែងអាជីពនោះ មានសមត្ថភាពខ្ពស់ ពូកែទាក់សំណើច និងតែងបង្កឲ្យកម្មវិធីនានាផ្ទុះសំណើច ក្នុងចំណោមមហាជននៅពេលមើលការសម្តែងរបស់នាងម្តងៗ ទៅលើទេពកោសល្យថ្វីមាត់ ដែលអាចឱ្យនាងឆក់បានប្រជាប្រិយភាពខ្ពស់នាពេលបច្ចុប្បន្ននេះ ។
តោះទៅមើលសម្រស់របស់អាយដលរបស់អ្នកថា តើក្រោយពីវះកាត់ត្របកភ្នែកពីរជាន់ឲ្យធំជាងមុននោះ មានការប្រែប្រួលសម្រស់យ៉ាងណាខ្លះ?
ចែករំលែកព័តមាននេះ