Eriksen លើកបាល់ជ្រុងបញ្ចូលទីយ៉ាងអស្ចារ្យ តែ Inter មិនអាចឆ្លងទៅវគ្គផ្តាច់ព្រ័ត្រ
ប្រទេសអុីតាលី ៖ ក្រុម Napoli បានបន្តឡើងទៅកាន់វគ្គផ្តាច់ព្រ័ត្រពាន់រង្វាន់ Coppa Italia បន្ទាប់ពីស្មើ ១-១ ជាមួយក្រុម…
ប្រទេសអុីតាលី ៖ ក្រុម Napoli បានបន្តឡើងទៅកាន់វគ្គផ្តាច់ព្រ័ត្រពាន់រង្វាន់ Coppa Italia បន្ទាប់ពីស្មើ ១-១ ជាមួយក្រុម Inter Milan ក្នុងការប្រកួតជើងទីពីរ។
សូមរំលឹកជូនថា កាលពីជើងទីមួយនៅទឹកដី San Siro របស់ Inter Milan ក្រុមទាំងពីរបានបញ្ចប់ទៅដោយ Napoli យកឈ្នះ ១-០។ ដោយឡែកសម្រាប់ការប្រកួតជើងទីពីរនៅទឹកដី San Paolo កាលពីយប់មិញ ក្រុមភ្ញៀវបានបើកការនាំមុខមុននៅនាទី ២ ដោយការលើកបាល់ជ្រុងបញ្ចូលទីយ៉ាងអស្ចារ្យ ពីខ្សែបម្រើប្រយុទ្ធដាណឺម៉ាក Christian Eriksen។
ការប្រកួតជិតបញ្ចប់ក្នុងវគ្គទីមួយទៅហើយ ខ្សែប្រយុទ្ធបែលហ្ស៊ិក Dries Mertens ក៏បានសម្រេចគ្រាប់តាមស្មើមកវិញនៅនាទី ៤១ ហើយលទ្ធផលនេះ បានរក្សារហូតដល់ចប់ការប្រកួត។
សរុបលទ្ធផលទាំងពីរជើងក្រុម Napoli បានយកឈ្នះលើក្រុម Inter Milan ដោយលទ្ធផល ២-១ បន្តឡើងទៅវគ្គផ្តាច់ព្រ័ត្រដោយត្រូវជួបក្រុម Juventus ដែលនឹងត្រូវធ្វើឡើងនៅថ្ងៃទី១៧ ខែមិថុនា ឆ្នាំ២០២០ នៅកីឡដ្ឋាន Olimpico ក្នុងទីក្រុងរ៉ូមឆាប់ៗខាងមុខនេះ ៕
ចែករំលែកព័តមាននេះ