ប្រទេសស្វីស ៖ សហព័ន្ធបាល់ទាត់ពិភពលោក FIFA បានប្រកាសកាលពីថ្ងៃព្រហស្បតិ៍ ទី១១ ខែមិថុនាថា ទីផ្សារដោះដូរកីឡាករនឹងត្រូវអនុញ្ញាតឱ្យបើកមុនពេលរដូវកាលនេះបញ្ចប់ ដែលត្រូវបានពន្យារពេលរយៈពេលវែង ដោយសារតែវិបតិ្តកូវីដ-១៩…
ប្រទេសស្វីស ៖ សហព័ន្ធបាល់ទាត់ពិភពលោក FIFA បានប្រកាសកាលពីថ្ងៃព្រហស្បតិ៍ ទី១១ ខែមិថុនាថា ទីផ្សារដោះដូរកីឡាករនឹងត្រូវអនុញ្ញាតឱ្យបើកមុនពេលរដូវកាលនេះបញ្ចប់ ដែលត្រូវបានពន្យារពេលរយៈពេលវែង ដោយសារតែវិបតិ្តកូវីដ-១៩ នៅទូទាំងពិភពលោក។
សូមជម្រាបជូនថា ចាប់តាំងពីផ្ទុះឡើងនៃវីរុសជាសកលកូវីដ-១៩ FIFA បានឆ្លងកាត់ការធ្វើវិសោធនកម្មច្បាប់បណ្តោះអាសន្នជាបន្តបន្ទាប់ ដើម្បីជួយដោះស្រាយជាមួយការប៉ះពាល់ ទៅលើកាលវិភាគប្រកួតលីគបាល់ទាត់ ដែលបណ្តាលមកពីវិបត្តិសុខភាពពិភពលោក។
បើទោះបីមានការអនុញ្ញាតពី FIFA ចំពោះសមាជិកទាំងអស់របស់ខ្លួន ក្នុងការទិញដូរកីឡាករប្រសិនបើពួកគេចង់ក៏ដោយ ក៏សហព័ន្ធជាសមាជិកមួយចំនួន មិនទាន់សម្រេចពេលវេលានៅឡើយទេ។
ជាក់ស្តែងនាយកប្រតិបត្តិក្របខណ្ឌ Premier League លោក Richard Masters បាននិយាយរួចហើយថា លីគកំពូលអង់គ្លេស នឹងមិនអនុញ្ញាតឱ្យក្លិបចុះហត្ថលេខាដោះដូរកីឡាករមុនថ្ងៃទី២៥ ខែកក្កដានោះទេ រហូតទាល់តែរដូវកាលដែលពន្យារពេលត្រូវបានបញ្ចប់ ។
មិនខុសគ្នាពីអង់គ្លេស កាលពីព្រឹកថ្ងៃព្រហស្បតិ៍ ប្រធាន La Liga លោក Javier Tebas ក៏បានបញ្ជាក់ថា ទីផ្សារដោះដូរកីឡាករនៅប្រទេសអេស្ប៉ាញ អនុញ្ញាតឱ្យបើករហូតទាល់តែរដូវកាលនេះបញ្ចប់ ហើយនិងដំណើរការចាប់ពីចុងខែកក្កដា ដល់ដើមខែតុលាខាងមុខ ៕ (ដកស្រង់ចេញពី AFP)
ចែករំលែកព័តមាននេះ