រាជធានីភ្នំពេញ ៖ នារីម្នាក់ជាអ្នកធ្វើការនៅក្នុងហាងស៊ុបជាប់នឹងគល់ស្ពានជ្រោយចង្វារ កំពុងតែឈរហៅម៉ូយ ស្រាប់តែមានក្មេងទំនើង៣នាក់ជិះម៉ូតូមកទះកំផ្លៀង ហើយរកវ៉ៃទាំងម្ចាស់ហាង ព្រមទាំងលោកអធិការរងនគរបាលខណ្ឌជ្រោយចង្វារ ដែលចុះទៅជួយអន្តរាគមន៍ ទើបសមត្ថកិច្ចឃាត់ខ្លួនបានទាំង៣នាក់ ហេតុការណ៍នេះ…
រាជធានីភ្នំពេញ ៖ នារីម្នាក់ជាអ្នកធ្វើការនៅក្នុងហាងស៊ុបជាប់នឹងគល់ស្ពានជ្រោយចង្វារ កំពុងតែឈរហៅម៉ូយ ស្រាប់តែមានក្មេងទំនើង៣នាក់ជិះម៉ូតូមកទះកំផ្លៀង ហើយរកវ៉ៃទាំងម្ចាស់ហាង ព្រមទាំងលោកអធិការរងនគរបាលខណ្ឌជ្រោយចង្វារ ដែលចុះទៅជួយអន្តរាគមន៍ ទើបសមត្ថកិច្ចឃាត់ខ្លួនបានទាំង៣នាក់ ហេតុការណ៍នេះ បានកើតឡើងកាលពីវេលាម៉ោង១០ និង៣០នាទីយប់ថ្ងៃទី១១ មិថុនា តាមបណ្តោយផ្លូវជាតិលេខ6 នៅចំណុចកន្លែងក្មេងលេងត្រង់ចំណុចគល់ស្ពានជ្រោយចង្វារស្ថិតនៅក្នុងសង្កាត់ជ្រោយចង្វារខណ្ឌជ្រោយចង្វារ ។
តាមប្រភពព័ត៌មានពីជនរងគ្រោះមានឈ្មោះ ស្រី រត្ន័ អាយុ២០ឆ្នាំ ស្នាក់នៅជាមួយថៅហាងស៊ុប មានស្រុកកំណើតនៅខេត្តកណ្តាលបានអោយដឹងថា មុនពេលកើតហេតុខាងលើ នារីរងគ្រោះកំពុងតែឈរហៅម៉ូយនៅមុខហាងបានមួយសន្ទុះ ក្រោយមកស្រាប់តែមានក្មេងទំនើងមានគ្នា៣នាក់បានជិះម៉ូតូមួយគ្រឿងម៉ាកZoomer-Xពណ៌ទឹកសមុទ្រមិនចាំស្លាកលេខបានជិះកាត់មុខស្ត្រីរងគ្រោះ ។
ក្រោយមកក៏ឈប់ម៉ូតូចុះមកទះកំផ្លៀងស្ត្រីរងគ្រោះមួយកំផ្លៀង បណ្តាលអោយហើមមុខមួយជំហៀងខាងឆ្វេង ។ ភ្លាមៗនោះ មានបងប្រុសរបស់ម្ចាស់ហាងគាត់រត់ចូលមកជួយ ក៏ត្រូវបានក្មេងទំនើងទាំងនោះយកមួកសុវត្ថិភាពវាយថែមទៀត ស្រាប់តែកម្លាំងអន្តរាគមន៍ខណ្ឌជ្រោយចង្វារ បានមកដល់ក្មេងទំនើងចង់រកវាយទាំងលោកអធិការរងទទួលផែនអន្តរាគមន៍ដោយបបួលវ៉ៃមួយស្មើថែមទៀតផ្អើលអស់ភ្ញៀវក្នុងហាងនឹងភ្ញៀវមកកម្សាន្តត្រូវបានសមត្ថកិច្ចធ្វើការក្របួចបានភ្លាមៗទាំង៣នាក់ដើម្បីយកទៅសួរនាំនៅប៉ុស្តិ៍រដ្ឋបាលនគរបាលជ្រោយចង្វារ ។
តាមរយៈការអះអាងរបស់នារីរងគ្រោះបានឲ្យដឹងថា ពីមុនមករូបគាត់មិនដែលបានស្គាល់គ្នាពីមុខនោះទេ ប៉ុន្តែស្រុកកំណើតនៅជាមួយគ្នាហើយបច្ចុប្បន្នគឺស្គាល់គ្នាតាមរយះលក់ស៊ុបនៅក្បែរគ្នាតែប៉ុណ្ណោះមិនដែលបាននិយាយគ្នានោះទេ ។ ក្រោយពេលកើតហេតុខាងលើនេះ គឺជនរងគ្រោះបានទៅដាក់ពាក្យបណ្តឹងនៅប៉ុស្តិ៍រដ្ឋបាលនគរបាលជ្រោយចង្វារដើម្បីចាត់ការទៅតាមនិតិវិធី ៕
ចែករំលែកព័តមាននេះ