រាជធានីភ្នំពេញ ៖ តារាចម្រៀងដែលមានប្រជាប្រិយខ្លាំងនៅក្នុងស្រទាប់យុវវ័យ តាំងពីប្រឡូកនៅក្នុងសិល្បៈដំបូង ពេជ្រ សូលីកា ធ្វើអោយអ្នកគាំទ្រមានការភ្ញាក់ផ្អើលយ៉ាងខ្លាំងទៅលើរូបសម្រស់ដ៏ស្រស់ស្អាត បន្ទាប់ពីសម្រាលកូនដំបូងទើបតែបានជិត១ខែក្តី ។
ប្រិយមិត្តមួយចំនួនប្រហែលជាបានដឹងហើយថា ពេជ្រ សូលីកា ទើបតែសម្រាលបុត្រដ៏គួរអោយស្រលាញ់ និងជាកូនដំបូងរបស់តារាចម្រៀងវ័យក្មេងរូបនេះបានធ្វើអោយមហាជនសរសើរមិនដាច់ពីមាត់នោះទេ ពីព្រោះតែពូកែថែរក្សាសម្រស់បានឆាប់រហ័ស និងមានភាពរឹងមាំយ៉ាងខ្លាំង ត្រឹមតែរយៈពេលខ្លី ។
ទោះបីជានាងមានការប្រែប្រួលរូបកាយ រាងធាត់ជាងមុនបន្តិច ប៉ុន្តែការតុបតែងខ្លួនរបស់តារាចម្រៀងស្រីរូបនេះ តាមរយៈការបង្ហោះរូបស្អាតៗដូចកាលខ្លួននៅក្រមុំ ជារៀងរាល់ថ្ងៃនោះនៅតែធ្វើអោយមហាជនមិនសរសើរមិនបាន នេះក៏ព្រោះតែលោក ហាន គឹម ដែលជាស្វាមី មានការជួយថែទាំកូនប្រុស ហង្ស អ៊ារី វ៉េនស្តេ បានច្រើន ។ នេះបើយាងតាមការបង្ហោះរបស់ពេជ្រ សូលីកាទៅលើបណ្តាសង្គម Instagram ។
គួរបញ្ជាក់ផងដែរថា នេះមិនមែនជាលើកទីមួយនោះទេ ដែលពេជ្រ សូលីកា បានមហាជនលើកសរសើរ ទៅលើការថ្នមខ្លួន ពូកែថែសម្រស់បែបនេះតាំងពីនាងបាត់មុខពីសិល្បៈហើយត្រឡប់មកចូលសិល្បៈវិញក៏រូបនាងនៅតែស្រស់ស្អាតដូចដើម ៕
ចែករំលែកព័តមាននេះ