រាជធានីភ្នំពេញ ៖ ក្នុងដំណាក់កាលជំងឺកូវីដ១៩ ធ្វើអោយប៉ះពាល់ដល់វិស័យអាកាសចរណ៍យ៉ាងធ្ងន់ធ្ងរបែបនេះ ក្រុមហ៊ុនអាកាសចរណ៍មួយចំនួនលើពិភពលោកប្រកាសពីវិបត្តិហិរញ្ញវត្ថុ និងឈានដល់ការប្រកាសក្ស័យធន ។ តែអ្វីដែលជាការកត់សម្គាល់នោះ មានក្រុមហ៊ុនអាកាសចរណ៍ថ្មីមួយបែរជាស្នើរធ្វើប្រតិបត្តិការហោះហើរនៅកម្ពុជាទៅវិញ ។
រូបតំណាង យោងតាមសេចក្តីប្រកាសរបស់រដ្ឋលេខាធិការដ្ឋានអាកាសចរណ៍ស៊ីវិលបានអោយដឹងថា រដ្ឋលេខាធិការដ្ឋានអាកាសចរណ៍ស៊ីវិលបានប្រគល់វិញ្ញាបនប័ត្រប្រតិបត្តិការហោះហើរ ដល់ក្រុមហ៊ុនអាកាសចរណ៍កម្ពុជាមួយទៀត គឺក្រុមហ៊ុន Prince International Airlines ។
រូបតំណាង ក្នុងសេចក្តីប្រកាសនេះបានអោយដឹងថា មុននឹងឈានដល់ការប្រគល់វិញ្ញាបនប័ត្រនេះក្រុមហ៊ុនអាកាសចរណ៍ថ្មីនេះត្រូវបំពេញលក្ខខណ្ឌបច្ចេកទេស ដែលមានចំនួន៥ដំណាក់កាលត្រួតពិនិត្យយ៉ាងតឹងរឹងដោយមន្ត្រីជំនាញរបស់រដ្ឋលេខាធិការដ្ឋានអាកាសចរណ៍ស៊ីវិល ស្របតាមបទប្បញ្ញត្តិកម្ពុជា ដើម្បីធានានូវប្រតិបត្តិការប្រកបដោយសុវត្ថិភាពនិងអាចប្រតិបត្តិការក្នុងស្រុក និងអន្តរជាតិ ។
លោកស៊ីន ចាន់សេរីវុត្ថាអ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិលបានអោយដឹងថា ក្រុមហ៊ុនដែលទទួលបានវិញ្ញាបនប័ត្រពីរដ្ឋលេខាធិការដ្ឋានអាកាសចរណ៍ស៊ីវិលនេះគឺជាក្រុមហ៊ុនអាកាសចរណ៍ប្រភេទ ហេឡេកុបទ័រ សម្រាប់ទុកជិះខ្លួនឯង និងសម្រាប់ជួលទៅដៃគូរអាជីវកម្មផង ហើយក្រុមហ៊ុននេះ មិនទាន់ធ្វើអាជីវកម្មបាននៅឡើយទេ ព្រោះទើបតែទទួលបានវិញ្ញាបនប័ត្រ ដោយរង់ចាំរាល់ឯកសារគ្រប់គ្រាន់ធ្វើអាចធ្វើអាជីវកម្មបាន ។ លោកបានបន្តថា « ប្រតិបត្តិការហោះហើររបស់ក្រុមហ៊ុននេះ អាចនឹងចាប់ផ្ដើមនៅរយៈពេលពីរបីអាទិត្យក្រោយពីទទួលបានវិញ្ញាបនប័ត្រ តែសូមបញ្ជាក់ថា ក្រុមហ៊ុននេះ គឺជាប្រភេទក្រុមហ៊ុន ឧទ្ថម្ភាចក្រ សម្រាប់ជួលអោយគេនិងសម្រាប់ជិះខ្លួនឯងផង »។
គួរបញ្ជាក់ថា រហូតមកដល់ពេលនេះ ប្រទេសកម្ពុជាមាន ក្រុមហ៊ុនអាកាសចរចំនួយ០៧ គឺ 1- Cambodia Angkor Air, 2-Sky Angkor Airlines 3-Bassaka Air 4-JC (Cambodia)International Airlines 5-Lanmei Airlines 6-Cambodia Airways 7- Prince International Airlines រួមទាំង ក្រុមហ៊ុន Helicopter ចំនួន០២ គឺ 1-Helicopter Cambodia និង 2-Helistar Cambodia ៕
ចែករំលែកព័តមាននេះ