ប្រទេសឥណ្ឌូនេស៊ី ៖ តាមបណ្តាញសារព័ត៌មានឥណ្ឌូនេស៊ីថ្មីៗនេះ បានរាយការណ៍ពីករណីដ៏ចម្លែករបស់បុរសអាយុ៣១ឆ្នាំម្នាក់ ដែលបានរៀបការជាមួយនារីម្នាក់ដែលគាត់បានជួបតាមបណ្តាញសង្គមហ្វេសប៊ុក ហើយក្រោយពេលរៀបការរួច នៅយប់ផ្សំដំណេកនាងបដិសេធម្តងហើយម្តងទៀត លុះដល់យប់ទី៣ ទើបដឹងថា តាមពិតនាងគឺជាមនុស្សប្រុសសោះ។
បុរសដែលត្រូវបានគេស្គាល់ឈ្មោះថា Muh ត្រូវបានគេរាយការណ៍ថា បានជួបប្រពន្ធរបស់គាត់ឈ្មោះ Mita នៅលើហ្វេសប៊ុកប្រហែលមួយខែមុន។ បន្ទាប់ពីស្គាល់គ្នា និងបង្កើតទំនាក់ទំនងស្នេហាតាមអនឡាញ ក្រោយមកអ្នកទាំងពីរក៏សម្រេចចិត្តជួបគ្នាក្នុងជីវិតពិតផងដែរ។
ពួកគេទាំង២នាក់បានចេញទៅហាងកាហ្វេមួយកន្លែង ដើម្បីជួបគ្នា ហើយបុរសអាយុ៣១ឆ្នាំរូបនេះអះអាងទៀតថា ពេលជួបគ្នានោះ គឺគ្មានអ្វីដែលគួរឱ្យសង្ស័យនោះទេ ចំពោះរូបរាង និងសំលេងរបស់ខាងស្រីទេ។ នាងមើលទៅស្រស់ស្អាត និងទន់ភ្លន់ ដែលធ្វើឱ្យគាត់លង់ស្រលាញ់នាងភ្លាមៗតែម្តង បន្ទាប់ពីបានណាត់ជួបគ្នាពីរទៅបីសប្តាហ៍ហើយ គាត់ក៏បានសម្រេចចិត្តរៀបការជាមួយនឹងនាង។
កាលពីខែមុន Muh បានប្រាប់ក្រុមគ្រួសាររបស់គាត់អំពីផែនការរៀបការរបស់គាត់ ហើយគាត់និងឪពុកម្តាយរបស់គាត់ បានទៅលេងផ្ទះរបស់ Mita ដើម្បីយកថ្លៃបណ្ណាការដូចតាមទម្លាប់ប្រពៃណី។ ហើយប្រាក់ចំនួន ២០លានរូពី (១,៤៣០ដុល្លារ) ដែលត្រូវបានផ្តល់ជូនដោយក្រុមគ្រួសារ និងត្រូវបានគេចាត់ទុកថា ជាថ្លៃទឹកដោះមួយដែលមិនប្រក្រតី។
នៅព្រឹកថ្ងៃទី២ ខែមិថុនា កូនកំលោះ Muh និងកូនក្រមុំ Mita បានទៅដល់ការិយាល័យកិច្ចការសាសនានៅស្រុក Kediri នៃកោះជ្វា ភាគកណ្តាលប្រទេសឥណ្ឌូនេស៊ី ដើម្បីរៀបពិធីអាពាហ៍ពិពាហ៍របស់គាត់។ ពិធីមង្គលការរបស់ពួកគេត្រូវបានចូលរួមដោយអ្នកដឹកនាំសាសនាមកពីជុំវិញតំបន់ ដែលគ្មាននរណាម្នាក់សង្ស័យអំពីភេទរបស់កូនក្រមុំឡើយ។
អ្វីៗបានចាប់ផ្តើមចម្លែកនៅពេលដែល ខាងប្រុសសុំខាងស្រីផ្សំដំណេក ហើយខាងស្រីចេះតែបដិសេធម្តងហើយម្តងទៀត។ បន្ទាប់ពីយប់ទី៣ បានកន្លងផុតទៅ ខាងប្រុសក៏បានដឹងថា ប្រពន្ធរបស់គាត់តាមការពិត គឺជាមនុស្សប្រុសសោះ។
ដោយមានកំហឹងខ្លាំងពេក ខាងប្រុសក៏បានសម្រេចចិត្តលែងលះភ្លាមៗ។ ដោយមានអារម្មណ៍ថា ចាញ់បោកមនុស្សដែលគាត់បានគិតថាជា មិត្តរួមជីវិត គាត់ក៏បានជូនដំណឹងដល់ប៉ូលិសពីអំពីការបោកបញ្ឆោតរបស់កូនក្រមុំ ហើយបានចោទប្រកាន់នាងថា «ជាមនុស្សក្លែងបន្លំ»៕ ដកស្រង់ចេញពីវេបសាយ ៖ odditycentral (កែសម្រួលដោយ ៖ បុប្ផា)
ចែករំលែកព័តមាននេះ