រាជធានីភ្នំពេញ ៖ បុរសជាបុគ្គលិកដាក់ពាក្យប្តឹងទារសំណងចំនួន៣ម៉ឺន៥ពាន់ដុល្លារ ក្រោយពីកម្លាំងនគរបាលប៉ុស្តិ៍វត្តភ្នំ ធ្វើការសាកសួរបុរសឈ្មោះកាន់ វុទ្ធី ជាម្ចាស់ហាង«ធារ៉ា» ដែលប្រើអំពើហិង្សាយ៉ាងសាហាវព្រៃផ្សៃទៅលើបុរសម្នាក់ជាបុគ្គលិក កាលពីថ្ងៃទី១០ មិថុនា រួចហើយនោះ ក៏ត្រូវបានសម្រេចចាប់ឃាត់ខ្លួននាល្ងាចថ្ងៃដដែល ដើម្បីកសាងសំណុំរឿងបញ្ជូនទៅតុលាកាចាត់ការទៅតាមផ្លូវច្បាប់ ។
បុរសជាបុគ្គលិកក៏បានរកមេធាវីដាក់ពាក្យបណ្តឹងទៅលើបុរសជាម្ចាស់ហាងខាងលើ ទាមទារប្រាក់សំណងចំនួន៣ម៉ឺន៥ពាន់ដុល្លារ ក្រោយពីបានធ្វើសកម្មភាពយកកូនចានទៅគប់ចំកណ្តាលមុខ បណ្តាលអោយដួលសន្លប់ទៅលើដីហើយ ស្ទុះទៅវាយទាត់ធាក់ទាំងកំរោលទៀត កាលពីយប់ថ្ងៃទី ០៦ ខែមិថុន ឆ្នាំ២០២០កន្លងមកនោះ ។ តាមប្រភពព័ត៌មានពីនគរបាលបានប្រាប់ឱ្យដដឹងថា បុរសជាជនដៃដល់បានចាប់ឃាត់ខ្លួនមានឈ្មោះកាន់ វុទ្ធី អាយុ៤០ឆ្នាំ មានប្រពន្ធឈ្មោះជី ធារ៉ា អាយុ៤៥ឆ្នាំ ជាម្ចាស់ភោជនីយដ្ឋាន«ធារ៉ា» ដែលមានទីតាំងផ្ទះលេខ ៧៨ ផ្លូវលេខ១០៨ ក្នុងសង្កាត់វត្តភ្នំ ខណ្ឌដូនពេញ ។
ចំណែកជនរងគ្រោះមានឈ្មោះសុត សុភ័ក្រ ភេទប្រុស អាយុ ៤៨ឆ្នាំ ជាមេការ (និងជាក្មួយរបស់ស្ត្រីជាប្រពន្ធ) បច្ចុប្បន្នស្នាក់នៅហាង«ធារ៉ា»មានស្រុកកំណើតនៅឃុំស្រង់ ស្រុកគងពិសី ខេត្តកំពង់ស្ពឺ។ ក្រោយពីកម្លាំងនគរបាលប៉ុស្តិ៍វត្តភ្នំកោះហៅបុរសជាជនដៃដល់អស់រយៈពេលជាច្រើនម៉ោង ពាក់ព័ន្ធទៅនឹងករណីរូបគាត់បានប្រើអំពើរហិង្សាទៅលើបុរសជាបុគ្គលិកម្នាក់ ក្នុងពេលមានជម្លោះជាមួយស្ត្រីជាប្រពន្ធ បង្កអោយមានការភ្ញាក់ផ្អើល យ៉ាងខ្លាំងនៅលើបណ្តាញសង្គម facebook រួចមកហើយនោះ ។
កម្លាំងមានសម្ថកិច្ចក៏បានធ្វើការចាប់ឃាត់ខ្លួនបញ្ជូនទៅកាន់អធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងបញ្ជូនទៅតុលាកាចាត់ការ ទៅតាមផ្លូវច្បាប់ជាបន្តទៅទៀតផងដែរ។ តាមប្រភពដដែលបានប្រាប់បន្តទៀតថា ស្របពេលដែលកម្លាំងមានសម្ថកិច្ចខណ្ឌដូនពេញធ្វើការសាកសួរ និង ឈានទៅដល់ការចាប់ឃាត់ខ្លួនបុរសឈ្មោះ កាន់ វុទ្ធី ជាម្ចាស់ហាង «ធារ៉ា»ខាងលើនោះ បុរសជាជនរងគ្រោះក៏បានរក មេធាវីដាក់ពាក្យបណ្តឹងទៅលើជនដៃដល់ ដែលបានប្រើអំពើរហិង្សាដោយវាមួយដៃ និងយកចានថ្មគប់ចំកណ្តាលមុខធ្វើ អោយងងឹតមុខដួលសន្លប់ទៅលើដីមិនអស់ចិត្ត បុរសរូបនោះស្ទុះទៅទាត់ធាក់យ៉ាព្រៃផ្សៃបន្ថែមទៀតនោះ។
ដោយក្នុងពាក្យបណ្តឹងនេះដែរ បុរសជាមេការរងគ្រោះបានដាក់ពា្យបណ្តឹងទាមទារសំណងជំងឺចិត្តចំនួន៣ម៉ឺនដុល្លារ និង សំណងការ ខូចខាត និង សេវាកម្មច្បាប់ចំនួន៥ពាន់ដុល្លារបន្ថែមទៀត សរុប៣៥ ០០០ ដុល្លារ។
គួរបញ្ជាក់ថា ករណីបុរសជាម្ចាស់ភោជនីយដ្ឋាន«ធារ៉ា»ប្រើហិង្សាទៅលើបុរសជាមេការហាងរបស់ខ្លួនខាងលើ បានកើតឡើងកាលពីយប់ថ្ងៃទី០៦ មិថុនា ឆ្នាំ ២០២០ កន្លងមកនេះ និងលុះដល់ថ្ងៃទី១០ មិថុនា ម្សិលមិញនេះ ត្រូវបានគេយកមករូបភាពតាមរយៈវីដេអូកាមេរាសុវត្ថិភាព មកបង្ហោះនៅលើបណ្តាញសង្គម facebookទើបបង្កអោយមានការភ្ញាក់ផ្អើលកើតឡើង។
កម្លាំងនគរបាលមានសម្ថកិច្ចប៉ុស្តិ៍វត្តភ្នំ បានហៅបុរសជាជនដៃដល់មកធ្វើការសាកសួរអស់រយៈពេលជាច្រើនម៉ោង ហើយបុរសជាជនរងគ្រោះរកមេធាវីដាក់ពាក្យបណ្តឹង ទើបឈានទៅដល់ការចាប់ឃាត់ខ្លួន និងបញ្ជូនបន្តទៅកាន់អធិការដ្ឋាននគរបាលខណ្ឌដូនពេញ ដើម្បីកសាងសុំណំរឿងបញ្ជូនទៅតុលាកាចាត់ការទៅតាមផ្លូវច្បាប់ជាបន្ត ។
ចែករំលែកព័តមាននេះ