ប្រេងជាង២ម៉ឺនតោនធ្លាយចេញពីអាងស្តុកប្រេងចូលទន្លេ បុគ្គលិក៣ត្រូវចាប់ខ្លួន
រុស្ស៊ី ៖ តាមប្រភពព័ត៌មាន Bangkok Post បានឱ្យដឹងថា ក្រុមអ្នកស៊ើបអង្កេតរុស្ស៊ី កាលពីថ្ងៃពុធ បានឃុំខ្លួនបុគ្គលិក ៣នាក់នៃរោងចក្រថាមពលមួយ…
រុស្ស៊ី ៖ តាមប្រភពព័ត៌មាន Bangkok Post បានឱ្យដឹងថា ក្រុមអ្នកស៊ើបអង្កេតរុស្ស៊ី កាលពីថ្ងៃពុធ បានឃុំខ្លួនបុគ្គលិក ៣នាក់នៃរោងចក្រថាមពលមួយ…
រុស្ស៊ី ៖ តាមប្រភពព័ត៌មាន Bangkok Post បានឱ្យដឹងថា ក្រុមអ្នកស៊ើបអង្កេតរុស្ស៊ី កាលពីថ្ងៃពុធ បានឃុំខ្លួនបុគ្គលិក ៣នាក់នៃរោងចក្រថាមពលមួយ ជុំវិញការលេចធ្លាយប្រេងដ៏ធំជាង២ម៉ឺនតោនចូលទៅក្នុងទន្លេ នៅតំបន់អាក់ទិក ខណៈក្រុមឆ្លើយតបបានព្រមានថា ការសម្អាតឱ្យអស់ប្រេងពីលើទឹកនឹងចំណាយពេលច្រើនឆ្នាំ។
ការលេចធ្លាយប្រេងជាង ២១,០០០តោន បានកើតឡើង បន្ទាប់ពីអាងស្តុកប្រេងឥន្ធនៈមួយបានដួលរលំ កាលពីខែមុននៅឯរោងចក្រថាមពល ដែលដំណើរការដោយក្រុមហ៊ុនបុត្រសម្ព័ន្ធរបស់ក្រុមហ៊ុនយក្ស Norilsk Nickel នៅក្នុងទីក្រុង Norilsk។
អ្នកបរិស្ថាននិយាយថា វាជារឿងដ៏អាក្រក់បំផុត ដែលមិនធ្លាប់មាននៅតំបន់អាក់ទិក។
លោក Viktor Bronnikov អគ្គនាយកក្រុមហ៊ុនដឹកជញ្ជូនប្រេងនិងឧស្ម័ន Transneft Siberia បាននិយាយថា អ្នកដែលធ្វើការនៅការដ្ឋាននេះ បានមើលឃើញពីផលប៉ះពាល់ដំបូងនៃការកំពប់ប្រេងលើប្រព័ន្ធអេកូឡូស៊ីក្នុងតំបន់។
គណៈកម្មាធិការស៊ើបអង្កេត កំពុងពិនិត្យមើលគ្រោះថ្នាក់ និងបាននិយាយថា បានឃាត់ខ្លួន ប្រធានស្ថានីយថាមពល គឺលោក Pavel Smirnov និងវិស្វករពីររូបទៀត ពីបទសង្ស័យរំលោភច្បាប់ការពារបរិស្ថាន។ ប្រសិនបើរកឃើញថា មានកំហុសមែននោះ ពួកគេអាចនឹងជាប់ពន្ធនាគាររហូតដល់៥ឆ្នាំ។
យោងតាមក្រសួងគ្រប់គ្រងគ្រាអាសន្នបានឱ្យដឹងថា ការសម្អាតដ៏ធំនេះ មានមនុស្សជិត ៧០០នាក់ ចូលរួម ហើយត្រូវទាមទារពេលវេលាយូរ៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ