សម្ពោធឯកសណ្ឋានថ្មី Bayern ផ្តួល Frankfurt ឡើងទៅវគ្គផ្តាច់ព្រ័ត្រអាល្លឺម៉ង់ខាប់
ប្រទេសអាល្លឺម៉ង់ ៖ ក្រុម Bayern Munich ឡើងទៅជួបក្រុម Bayer Leverkusen នៅវគ្គផ្តាច់ព្រ័ត្រពានរង្វាន់ DFB…
ប្រទេសអាល្លឺម៉ង់ ៖ ក្រុម Bayern Munich ឡើងទៅជួបក្រុម Bayer Leverkusen នៅវគ្គផ្តាច់ព្រ័ត្រពានរង្វាន់ DFB…
ប្រទេសអាល្លឺម៉ង់ ៖ ក្រុម Bayern Munich ឡើងទៅជួបក្រុម Bayer Leverkusen នៅវគ្គផ្តាច់ព្រ័ត្រពានរង្វាន់ DFB Pokal ក្រោយផ្តួលក្រុម Eintracht Frankfurt។
ការប្រកួតដែលធ្វើឡើងក្នុងកីឡដ្ឋានគ្មានអ្នកទស្សនា Allianz Arena ក្រុមម្ចាស់ផ្ទះ Bayern បើកបានការនាំមុខមុននៅនាទី ១៤ រកបានដោយខ្សែបម្រើស្លាប Ivan Perišić មុនបញ្ចប់វគ្គទីមួយ។ ការប្រកួតចូលដល់វគ្គទីពីរក្រុមភ្ញៀវបានតាមស្មើមកវិញ ដែលរកបានដោយខ្សែការពារ Danny da Costa នៅនាទី ៦៩។ ឈានដល់នាទី ៧៤ ខ្សែប្រយុទ្ធ Robert Lewandowski សម្រេចគ្រាប់បាល់ទី២ ដែលគ្រាប់ជ័យជម្នះ។
ជាលទ្ធផលក្រុមម្ចាស់ផ្ទះ Bayern Munich បានយកឈ្នះលើក្រុម Eintracht Frankfurt ដោយលទ្ធផល ២-១។
ជ័យជម្នះនេះ បានធ្វើឱ្យក្រុមលោក Hans-Dieter Flick បន្តឡើងទៅជួបក្រុម Bayer Leverkusen នៅវគ្គផ្តាច់ព្រ័ត្រ បន្ទាប់ពីក្រុមរបស់លោក Peter Bosz បានបំបាក់ក្រុម Saarbrücken ដោយលទ្ធផល ៣-០ កាលពីថ្ងៃទី៩ ខែមិថុនាកន្លងទៅ។
នៅក្នុងជំនួបនេះ គេសង្កេតឃើញក្រុម Bayern Munich បានពាក់ឯកសណ្ឋានក្នុងដីថ្មីរបស់ខ្លួន ដែលទើបធ្វើការប្រកាសជាផ្លូវការ កាលពីម្សិលមិញ ពោលគឺមុនជំនួបខាងលើនេះ។
សូមបញ្ជាក់ថា ជំនួបវគ្គផ្តាច់ព្រ័ត្ររវាងក្រុមទាំង២ នឹងត្រូវធ្វើឡើងនៅថ្ងៃទី៤ ខែកក្កដា នៅកីឡដ្ឋានជាតិ Olympiastadion ក្នុងទីក្រុងប៊ែរឡាំង ប្រទេសអាល្លឺម៉ង់៕
ចែករំលែកព័តមាននេះ