សហរដ្ឋអាមេរិក ៖ កីឡាការិនី Sophia Floersch នៅតែមិនទាន់ជឿថា ខ្លួនជាអ្នកឆ្លងកាត់គ្រោះថ្នាក់ដ៏រន្ធត់កាលពីឆ្នាំ២០១៨ និងមានជីវិតមកដល់សព្វថ្ងៃ។ រឿងរ៉ាវនេះ បានកើតឡើងក្នុងការប្រកួតវគ្គផ្តាច់ព្រ័ត្រប្រណាំងរថយន្ត…
សហរដ្ឋអាមេរិក ៖ កីឡាការិនី Sophia Floersch នៅតែមិនទាន់ជឿថា ខ្លួនជាអ្នកឆ្លងកាត់គ្រោះថ្នាក់ដ៏រន្ធត់កាលពីឆ្នាំ២០១៨ និងមានជីវិតមកដល់សព្វថ្ងៃ។
រឿងរ៉ាវនេះ បានកើតឡើងក្នុងការប្រកួតវគ្គផ្តាច់ព្រ័ត្រប្រណាំងរថយន្ត Formula 3 នៅទីក្រុងម៉ាកាវ (Macau Grand Prix) នៅពេល Sophia Floersch កំពុងស្ថិតក្នុងល្បឿន ២៧៦ គីឡូម៉ែត្រក្នុងមួយម៉ោង។ ខណៈដែលរថយន្តនាង បានប៉ះទង្គិចគ្នាជាមួយរថយន្តកីឡាការិនីជប៉ុន Sho Tsuboi ហើយក៏បានហោះប៉ើងទៅបុករបាំងសុវត្ថិភាពយ៉ាងពេញទំហឹង ធ្វើឱ្យអ្នកទស្សនាផ្ទាល់ មានការផ្ញាក់ផ្អើលយ៉ាងខ្លាំង និងមិនគួរឱ្យជឿចំពោះឧបទ្ទវហេតុមួយនេះ។
កីឡាការិនីអាល្លឺម៉ង់ ដែលពេលនោះមានវ័យត្រឹមតែ១៧ឆ្នាំ ត្រូវបានជួយសង្គ្រោះ និងបញ្ជូនទៅកាន់មន្ទីរពេទ្យក្នុងក្រុងម៉ាកាវ ដោយទទួលការវះកាត់អស់រយៈពេល ១១ម៉ោង បន្ទាប់បាក់ឆ្អឹងខ្នងជាច្រើនកន្លែង។
ឆ្លើយឆ្លងជាមួយ CNN Sport កីឡាការិនីវ័យ១៩ឆ្នាំរូបនេះ បាននិយាយថា «ប្រសិនបើខ្ញុំមើលវីដេអូ ខ្ញុំនៅតែមិនជឿថាវាបានកើតឡើងមកលើរូបខ្ញុំ។ ខ្ញុំមិនមែនអារម្មណ៍បែបនេះទេ នៅពេលកំពុងបញ្ជារថយន្ត»។
នាងបានបន្តទៀតថា «ជាការពិតណាស់ វាគឺជាគ្រោះថ្នាក់កន្លងយូរមកហើយ។ ក្រៅពីការធ្វើបទសម្ភាសន៍ ខ្ញុំមិនដែលគិត ឬនិយាយអំពីវាទៀតទេ ពីព្រោះវាមានអារម្មណ៍ដូចជារឿងចាស់ទៅហើយ» ៕ (ដកស្រង់ចេញពី CNN)
ចែករំលែកព័តមាននេះ