ស្វាមីទាំងឡាយត្រូវដឹងនូវប្រមាណនៃការរួមមេត្រីជាមួយនឹងភរិយាព្រោះថានាងជាមនុស្សស្រីដែលមានភេទទន់ខ្សោយ ហើយមានអ្វីៗខុសពីបុរសភេទ ដូច្នេះដើម្បីកាត់បន្ថយនូវចំណង់ផ្លូវភេទកុំឱ្យជ្រុលហួសប្រមាណ ព្រះសម្មាសម្ពុទ្ធទ្រង់ឱ្យគិតដល់ការសមាទានសីល៥ សីល៨ក្នុងមួយខែតែ៤ថ្ងៃប៉ុណ្ណោះ ។
ពិតណាស់ភរិយាតែងមានសេចក្ដីទុក្ខ ព្រោះត្រូវបម្រើសេចក្ដីត្រូវការខាងផ្លូវភេទរបស់ស្វាមី ។ ចំណុចត្រង់នេះ សំខាន់ណាស់ចំពោះអ្នកជាស្វាមីដែលត្រូវយល់ទុក្ខធុរៈរបស់ភរិយាខ្លួន និងអារម្មណ៍របស់ភរិយាខ្លួនដែរ មិនមែនចេះតែត្រូវការពេលណា ថ្មើរណា ក៏ចេះតែប្រព្រឹត្តសេពអាងតែគ្នាមិនហ៊ានប្រកែកនោះទេ ។
ពេលមានរដូវ ពេលមានគភ៌ ពេលប្រសូតបុត្រ សុទ្ធតែជារយៈពេលដែលស្ត្រីគ្នាមានបញ្ហា ទាំងផ្លូវកាយ និងចិត្តដូច្នេះ ស្វាមីគួរចេះតម ឬវៀរលែងខ្លះ និងពេលមានជំងឺក៏ជាពេលដែលយើងត្រូវយល់ចិត្តភរិយាដែរ ។
ត្រង់នេះធ្វើឲ្យយើងគិតដល់ឧបោសថសីល ឬសីល៨ ដែលព្រះសម្មាសម្ពុទ្ធលោកបញ្ញត្តិហើយ ដោយឲ្យអ្នកសមាទានចេះវៀរចាក ឬខាន តមការរួមមេត្រីខ្លះ ដើម្បីកុំឲ្យមានភារៈធ្ងន់ពេកដល់ភរិយា ដោយការសមាទានសីលគឺក្នុង១ខែយើងខានតែ៤ដងប៉ុណ្ណោះ ។ សាន សារិន
ចែករំលែកព័តមាននេះ