នៅសម័យដ៏ទំនើបនេះ មានពួកប្រុសៗខ្លះតែងធ្វើឱ្យប្រពន្ធហូរទឹកភ្នែកមិនលស់ថ្ងៃ ព្រោះតែភ្លើតភ្លើននឹងអបាយមុខស្រី ស្រា ល្បែងពាលា ពួកគេតែងធ្វើទុក្ខបុកម្នេញដល់នាងជាភរិយារាល់ថ្ងៃ តែក៏មានបុរសខ្លះក៏មានគុណធម៌ដល់ភរិយាដែរ ។ តើមានបុរសប៉ុន្មានដែលបានក្លាយទៅជាស្វាមីល្អ ឬស្វាមីដែលមានគុណធម៌ចំពោះភរិយា…
នៅសម័យដ៏ទំនើបនេះ មានពួកប្រុសៗខ្លះតែងធ្វើឱ្យប្រពន្ធហូរទឹកភ្នែកមិនលស់ថ្ងៃ ព្រោះតែភ្លើតភ្លើននឹងអបាយមុខស្រី ស្រា ល្បែងពាលា ពួកគេតែងធ្វើទុក្ខបុកម្នេញដល់នាងជាភរិយារាល់ថ្ងៃ តែក៏មានបុរសខ្លះក៏មានគុណធម៌ដល់ភរិយាដែរ ។ តើមានបុរសប៉ុន្មានដែលបានក្លាយទៅជាស្វាមីល្អ ឬស្វាមីដែលមានគុណធម៌ចំពោះភរិយា ?
ក្នុងនាមជាស្វាមីល្អ ព្រះពុទ្ធលោកបានចែកគោលការណ៍៥ចំណុចសម្រាប់អនុវត្តចំពោះភរិយារបស់ខ្លួនគឺៈ
១-រាប់អាន លើកមុខភរិយាថាជាភរិយារបស់ខ្លួនមែនៗ ។
២-មិនមើលងាយភរិយារបស់ខ្លួនដោយកាយ និងវាចា ។
៣-មិនប្រព្រឹត្តកន្លងចិត្តភរិយារបស់ខ្លួនទៅមានស្រីថ្មី ឬប្រពន្ធថ្មីឡើយ ។ តាមធម្មតាចិត្តស្រី្ត មិនដែលមាននរណាសប្បាយចិត្តទេ ពេលដែលស្វាមីរបស់ខ្លួនទៅមានស្រីថ្មីនោះ ។
៤-ប្រគល់ភារកិច្ចជាធំក្នុងផ្ទះឲ្យទៅភរិយាផ្តាច់មុខដូចជា ការមើលទុកដាក់ទ្រព្យសម្បត្តិ រៀបចំតុបតែង មើលការខុសត្រូវក្នុងផ្ទះជាដើម ។
៥-ផ្ដល់គ្រឿងអលង្ការឲ្យដល់ភរិយារបស់ខ្លួនតាមកាល និងតាមតម្រូវការដ៏សមគួរដល់ភរិយា ។
ទាំង៥ប្រការនេះជាគុណធម៌ដែលស្វាមីត្រូវសង្គ្រោះដល់ភរិយា ដើម្បីរក្សាវប្បធម៌ប្រពៃណីខ្មែរផង និងដើម្បីលើកតម្កើងតម្លៃស្ត្រីក្នុងសង្គមផង ។ សាន សារិន
ចែករំលែកព័តមាននេះ