ប្រទេសចិន ៖ តាមប្រភពព័ត៌មាន Shanghaiist បានឱ្យដឹងថា បុរសចំណាស់ម្នាក់ជនជាតិចិន បានទៅមន្ទីរពេទ្យនៅខេត្តហ៊ូប៉ី កាលពីខែមុន ដោយត្អូញត្អែរពីការឈឺចាប់នៅត្រង់គូទ។ បន្ទាប់ពីបានទៅដល់…
ប្រទេសចិន ៖ តាមប្រភពព័ត៌មាន Shanghaiist បានឱ្យដឹងថា បុរសចំណាស់ម្នាក់ជនជាតិចិន បានទៅមន្ទីរពេទ្យនៅខេត្តហ៊ូប៉ី កាលពីខែមុន ដោយត្អូញត្អែរពីការឈឺចាប់នៅត្រង់គូទ។
បន្ទាប់ពីបានទៅដល់ បុរសអាយុ៦៨ឆ្នាំ មកពីទីក្រុង Xianyang ត្រូវបានគ្រូពេទ្យធ្វើការពិនិត្យ ដោយថតកាំរស្មីអ៊ិច ហើយបានបង្ហាញពីប្រភពនៃការឈឺនោះ។ វាគឺជាចង្កឹះដែកមួយដែលជាប់នៅក្នុងពោះរបស់គាត់។
ក្រុមគ្រូពេទ្យវះកាត់ បានយកចង្កឹះនោះចេញដោយមិនមានបញ្ហាអ្វីស្មុគស្មាញនោះទេ។ មូលហេតុដែលចង្កឹះដែកនោះ អាចចូលទៅក្នុងរន្ធគូថបាន គឺដោយសារតែបុរសចំណាស់ម្នាក់នេះ យកវាទៅបុកសង្កត់លើឬសដូងរបស់គាត់ តែវាក៏ចេះតែឡើងជ្រៅទៅជ្រៅទៅ រហូតទាល់តែលឹបចូលទៅបាត់តែម្តង។
វេជ្ជបណ្ឌិតដែលចូលរួមធ្វើការវះកាត់ឱ្យបុរសចំណាស់ម្នាក់នេះ បានប្រាប់អ្នកសារព័ត៌មានថា ករណីមួយនេះគឺពិតជាកម្រមានណាស់។
ថ្វីបើការបកស្រាយរបស់បុរសចំណាស់ ស្តាប់ទៅគួរឱ្យអស់សំណើចក៏ដោយ តែវាបានបង្ហាញពីភាពស្មោះត្រង់របស់គាត់ចំពោះអ្វីដែលគាត់បានធ្វើ។ វាមិនមែនសុខៗ ចង្កឹះទៅចូលក្នុងរន្ធទ្វារក្រោយនោះទេ៕ ដកស្រង់ចេញពីវេបសាយ ៖ shanghaiist (កែសម្រួលដោយ ៖ បុប្ផា)
ចែករំលែកព័តមាននេះ