ឆ្នាំ១២៩៣
-គ្រោះរញ្ជួយដីកើតឡើងនៅទីក្រុង កាមាគុរ៉ា ប្រទេសជប៉ុន បណ្ដាលលឱ្យស្លាប់មនុស្ស៣០.០០០នាក់ ។
ឆ្នាំ១៦៧០
-ស្ដេចឆាលទី២ នៃចក្រភពអង់គ្លេស និងស្ដេចល្វីទី១៤ នៃប្រទេសបារាំង បានឡាយព្រះហស្ដលេខាលើសន្ធិសញាសំងាត់ ដូវ័រ ដែលជាសន្ធិសញាការពារគ្នារវាងប្រទេសទាំងពីរដោយបារាំងជួយអង់គ្លេសឱ្យចូលជាសមាជិកជាថ្មីនៃ ្រៀមាន Roman Catholic Church ហើយអង់គ្លេសក៏ជួយបារាំងក្នុងសង្គ្រាមជាមួយប្រទេសហុល្លង់ ។
ឆ្នាំ១៧៧០
-ប្រទេសរុស្ស៊ីបានលើកកងទ័ពជើងទឹកមកវាយប្រហារលើប្រទេសទួរគី នៅមុនពេលមានសង្គ្រាមទាមទារឯករាជ្យរបស់ ប្រទេសក្រិចចេញពីប្រទេសទួរគី ។
ឆ្នាំ១៨០៥
-ណាប៉ូឡេអុង បូណាប៉ាត បានឡើងគ្រងរាជ្យជាថ្មីលើប្រទេសអ៊ីតាលី ។
ឆ្នាំ១៨៦៤
-ម៉ុនតាណា ត្រូវបានគេរៀបចំជាដែនដីរបស់សហរដ្ឋអាមេរិក ។
ឆ្នាំ១៨៧៩
-សន្ធិសញាហ្គានដាម៉ាក់ ត្រូវបានចុះហត្ថលេខាដោយស្ដេចម៉ូហាម៉ាត យ៉ាគូបខាន់នៃប្រទេសអាហ្វហ្គានីស្ថាន និងលោកព្យែរល្វី ណាប៉ូឡេអុងកាវ៉ាណារី ដែលជាអ្នកតំណាងរដ្ឋាភិបាលអង់គ្លេសនៅប្រទេសឥណ្ឌា ។ សន្ធិសញានេះធ្វើឡើងដើម្បីការពារការឈ្លានពានពីប្រទេសអង់គ្លេសកាន់តែជ្រៅមកក្នុងប្រទេសអាហ្វហ្គានីស្ថាន ដោយសំរេចប្រគល់ចំណុចព្រំដែនមួយចំនួនឱ្យទៅចក្រភពអង់គ្លេស ហើយលះបង់អំណាចគ្រប់គ្រងការបរទេសឱ្យទៅអង់គ្លេស ។
ឆ្នាំ១៨៨៩
-ជណ្ដើរយន្ដទី១ នៅទួរអេហ្វែល បានត្រូវគេបើកបំរើជាសាធារណៈ ។
ឆ្នាំ១៩១៧
-ខ្យល់ព្យុះទ័រណាដូ បានបោកបក់កាត់រដ្ឋអ៊ីលីណយ សហរដ្ឋអាមេរិក ស្លាប់មនុស្ស ១០១នាក់ និងរបួស៦៨៩នាក់ ។
ឆ្នាំ១៩១៨
-សាធារណរដ្ឋប្រជាធិបតេយ្យហ្ស៊កហ្ស៊ី ត្រូវបានបង្កើតឡើងចេញពីប្រទេសរុស្ស៊ី ដោយមានការទទួលស្គាល់ពីប្រទេសទួរគី និងប្រទេសអាល្លឺម៉ង់ ។
ឆ្នាំ១៩៦៩
-អាប៉ូឡូទី១០ បានត្រឡប់កាន់ផែនដីវិញ បន្ទាប់ពីបំពេញបេសកកម្ម ដោយជោគជ័យរយៈពេល៨ថ្ងៃ ក្នុងការរកទិន្នន័យចាំបាច់សំរាប់យានអាវកាសទី៤ ដែលមនុស្សផលិត ហើយអាចចុះចតលើភពព្រះចន្ទ ។
ឆ្នាំ១៩៧២
-សហរដ្ឋអាមេរិក និងសហភាពសូវៀតបានចុះហត្ថលេខាលើសន្ធិសញា ABM ឬ ABMT (Anti-Ballistic Missile Treaty) ដែលជាសន្ធិសញាកំរិតចំនួនមីស៊ីល មានផ្ទុកសារធាតុគីមី ឬនុយក្លេអ៊ែរ របស់ប្រទេសមហាអំណាចទាំងពីរ ។
ឆ្នាំ១៩៨៣
-គ្រោះរញ្ជួយដីកំរិត៧,៧រីស្ទ័រ បានកើតឡើងក្នុងប្រទេសជប៉ុនដោយសំលាប់មនុស្សយ៉ាងតិច១០៤នាក់បាត់ខ្លួនជាច្រើននាក់ និងរបួសរាប់ពាន់នាក់ ហើយអគារជាច្រើនពាន់ខ្នងបានត្រូវបំផ្លាញ ។
ឆ្នាំ១៩៨៦
-សហគមន៍អឺរ៉ុបបានអនុម័តទង់ជាតិអឺរ៉ុប ។
ឆ្នាំ១៩៩១
-យន្ដហោះថៃជើងហោះហើរ០០៤ បាន ផ្ទុះពេលកំពុងហោះហើរ ហើយបានធ្លាក់នៅចន្លោះខេត្ដស៊ូផានបូរី និងខេត្ដអ៊ូថៃថានី បណ្ដាលឱ្យស្លាប់មនុស្ស២២៣នាក់ ។
ឆ្នាំ២០០៤
-អតីតទាហានអាមេរិកថេរី នីខូល ត្រូវបានគេរកឃើញថា មានពិរុទ្ធភាពជាប់ពាក់ព័ន្ធនឹងការជួយរួមដៃក្នុងការដាក់គ្រាប់បែកនៅទីក្រុងអូក្លាហូម៉ា កាលពីឆ្នាំ១៩៩៥ ដែលបណ្ដាលឱ្យស្លាប់មនុស្ស១៦៨នាក់ របួស ៦៨០នាក់ ។ គាត់ត្រូវបានគេកាត់ទោសឱ្យជាប់ពន្ធនាគារអស់មួយជីវិត ។
ឆ្នាំ២០០៥
-មន្ដ្រីប៉ូលិសថៃឈ្មោះសុមឆៃ វីសិតស៊ីនហា ត្រូវបានគេកាត់ទោសឱ្យជាប់ពន្ធនាគារអស់មួយជីវិតពីបទសំលាប់អ្នកទេសចរសាក់កាដូជនជាតិអង់គ្លេសនាឆ្នាំ២០០៤ ។
ឆ្នាំ២០០៦
-គ្រោះរញ្ជួយដីនៅទីក្រុង Yagyakarta និងកោះជ្វា ប្រទេសឥណ្ឌូណេស៊ីកំរិតពី៤,៦ ទៅ៤,៨រីស្ទ័រ បានបណ្ដាលលឱ្យស្លាប់មនុស្ស ៥.៧៨២នាក់ របួសជាង៣៦.០០០នាក់ ផ្ទះ១៣៥.០០០ខ្នងត្រូវខូចខាត សាលារៀល១៤៨ត្រូវបំផ្លាញ និងសាលារៀន៥៣៧ កន្លែងផ្សេងទៀតត្រូវខូចខាត ហើយមនុស្ស ១,៥លាននាក់បាត់បង់ជំរក ។
ឆ្នាំ២០០៧
-ប្រទេសអាល្លឺម៉ង់ បានប្រារឰពិធីបុណ្យខួបប្រជាធិបតេយ្យជាតិលើកទី១៧៥ ដែលធ្លាប់បានធ្វើតាំងពីឆ្នាំ១៨៣២មក ។
ឆ្នាំ២០០៨
-នយោបាយកូនមួយរបស់ប្រទេសចិន បានត្រូវផ្អាកដោយអនុញាតឱ្យឪពុកម្ដាយ ដែលមានកូនស្លាប់ក្នុងគ្រោះរញ្ជួយដីនៅខេត្ដ ស៊ីឈួន ឆ្នាំ២០០៨ អាចឱ្យមានកូនមួយទៀតបាន ។
-សត្វប៊ីវ័រអឺរ៉ុប នឹងដាក់ឱ្យបង្កាត់ពូជក្នុងប្រទេសស្កុតឡែន បន្ទាប់ពីគ្មានពូជសត្វនេះ អស់រយៈពេល៤០០ឆ្នាំមកហើយនោះ ៕
ចែករំលែកព័តមាននេះ