កាតាបញ្ចប់ការសាងសង់កីឡដ្ឋានទី៣ ត្រៀមសម្រាប់ World Cup 2022
ប្រទេសកាតា ៖ កាតាគ្រោងនឹងបើកសម្ពោធកីឡាដ្ឋានបាល់ទាត់ទី៣ ដែលបានបញ្ចប់ការសាងសង់ ត្រៀមសម្រាប់ព្រឹត្តិការណ៍ប្រកួតបាល់ទាត់ពិភពលោកឆ្នាំ ២០២២ (FIFA World Cup 2022)…
ប្រទេសកាតា ៖ កាតាគ្រោងនឹងបើកសម្ពោធកីឡាដ្ឋានបាល់ទាត់ទី៣ ដែលបានបញ្ចប់ការសាងសង់ ត្រៀមសម្រាប់ព្រឹត្តិការណ៍ប្រកួតបាល់ទាត់ពិភពលោកឆ្នាំ ២០២២ (FIFA World Cup 2022) ។
កីឡាដ្ឋាននោះមានឈ្មោះថា Education City វាមានសមត្ថភាពអាចផ្ទុកអ្នកទស្សនាបានចំនួន ៤៥,៣៥០នាក់ ដែលមានទីតាំងនៅទីក្រុង Al Rayyan ប្រទេសកាតា និងជាកីឡដ្ឋានទី៣ បន្ទាប់ពីកីឡដ្ឋាន Khalifa International ក្នុងឆ្នាំ ២០១៧ (ជួសជុលកែលំអឡើងវិញ) និងកីឡដ្ឋាន Al Janoub ក្នុងឆ្នាំ ២០១៩ ដែលសុទ្ធតែទទួលជោគជ័យក្នុងការសាងសង់ស្ថាបនារួចរាល់ ត្រៀមសម្រាប់ព្រឹត្តិការណ៍ FIFA World Cup 2022 ។
សេចក្តីថ្លែងការណ៍ របស់គណៈកម្មាធិការរៀបចំព្រឹត្តិ្កការណ៍នេះ បាននិយាយកាលពីថ្ងៃព្រហស្បតិ៍ថា «ការបញ្ចប់ការសាងសង់កីឡាដ្ឋាននេះជាផ្លូវការ នឹងត្រូវធ្វើឡើងនៅថ្ងៃទី១៥ ខែមិថុនា ឆ្នាំ២០២០ ជាមួយកម្មវិធីផ្សាយផ្ទាល់ ដើម្បីអបអរសាទរការចូលរួមចំណែករបស់កម្មករជួរមុខ អំឡុងពេលការរាតត្បាតពីវីរុសកូវីដ-១៩។
ប្រទេសកាតា នឹងក្លាយជាប្រទេសដំបូងគេនៅមជ្ឈិមបូពា៌ ដែលទទួលបានសិទ្ធិធ្វើជាម្ចាស់ផ្ទះការប្រកួត FIFA World Cup 2022 ដោយបានកំពុងបន្តការរៀបចំ និងសាងសង់កីឡដ្ឋាន និងហេដ្ឋារចនាសម្ព័ន្ធរបស់ខ្លួន ដើម្បីផ្តល់កីឡដ្ឋានសរុបចំនួន៨ ឱ្យទាន់ពេលវេលាសម្រាប់ការប្រកួតនៅឆ្នាំ ២០២២ ។
សូមជម្រាបកីឡដ្ឋានទាំង ៨ ដែលត្រៀមសម្រាប់ការប្រកួតនៅឆ្នាំ ២០២២ រួមមាន៖ កីឡដ្ឋាន Khalifa International, Al Janoub, Education City, Ras Abu Aboud, Al Bayt, Al Rayyan, Al Thumama និងកីឡដ្ឋាន Lusail ៕ (ដកស្រង់ចេញពី aljazeera)
ចែករំលែកព័តមាននេះ