ស្ពានស្ទឹងស្តៅថ្មី ជិតបានប្រើប្រាស់វិញហើយ បន្ទាប់ពីត្រូវភ្លើងឆេះខ្ទេចខ្ទីរ
- ព្រះវិហារ
ខេត្តព្រះវិហារ ៖ លោកទេសរដ្ឋមន្ត្រី មាស សុភា បានអះអាងថា ស្ពានស្ទឹងស្តៅដែលមានទីតាំងនៅភូមិសុច ឃុំស្តៅ ស្រុកសង្គមថ្មី ខេត្តព្រះវិហារ…
ខេត្តព្រះវិហារ ៖ លោកទេសរដ្ឋមន្ត្រី មាស សុភា បានអះអាងថា ស្ពានស្ទឹងស្តៅដែលមានទីតាំងនៅភូមិសុច ឃុំស្តៅ ស្រុកសង្គមថ្មី ខេត្តព្រះវិហារ ដែលជាស្ពានដែលឆ្លងឆ្ពោះទៅកាន់ដែនជម្រក សត្វព្រៃភ្នំពក និងភ្នំត្នោតនឹងដាក់ឲ្យដំណើការប្រើប្រាស់ឆាប់ៗខាងមុខនេះ បន្ទាប់ពីមន្ទីរសាធារៈការនឹងជញ្ជូនខេត្តព្រះវិហារបានស្ថាបនារួចរាល់ជាស្ថាពរ ។
ថ្លែងនៅក្នុងដំណើរចុះត្រួតពិនិត្យស្ពានស្ទឹងស្តៅថ្មី ដែលទើបស្ថាបនារួច នៅព្រឹកថ្ងៃទី៥ មិថុនា លោកទេសរដ្ឋមន្ត្រី មាស សុភា ទទួលបន្ទុកបេសកម្មពិសេសនិងជាប្រធានក្រុមកាងារថ្នាក់ជាតិចុះជួយខេត្តព្រះវិហារ បានមានប្រសាសន៍ថា ស្ពានមួយខ្សែរនេះគឺមានសារប្រយោជន៍សំខាន់ណាស់ សម្រាប់ប្រជាពលដ្ឋឃុំស្តៅនេះព្រោះថា នៅភូមិ២ខាងមុខ ភាគខាងលិចនៃឃុំស្តៅនេះ គឺមានប្រជាពលរដ្ឋជាច្រើនដែលកំពុងទន្ទឹងរង់ចាំការធ្វើដំណើរ ឆ្លងកាត់ស្ពាននេះព្រោះថា កន្លងទៅពួកគាត់ពិបាកណាស់ ក្នុងការធ្វើដំណើឆ្លងកាត់ម្តងៗ គឺពិបាកខ្លាំងណាស់ នៅពេលដែលមានទឹកភ្លៀងខ្លាំងនៅរដូវវស្សា ទឹកជន់លិចស្ពានចាស់ តែក្រោយពីមានការស្ថាបនាជាស្ពានបាឡេនេះឡើង គឺមានភាពងាយស្រួលជាងមុនដល់ប្រជាពលរដ្ឋដែលពួកគាត់ធ្វើដំណើរឆ្លងកាត់ពីភូមិមួយទៅភូមិមួយ ឬពីភូមិពួកគាត់ ទៅកាន់ទីប្រជុំជន ។
ជាមួយគ្នានេះ លោក ប្រាក់ សុវណ្ណ អភិបាលខេត្តព្រះវិហារ មានប្រសាសន៍ថា ស្ពានមួយខ្សែនេះស្ថាបនា ជាប្រភេទ ស្ពានបាឡេ ក្រាលឈើ មានទំហំទទឹង៤,២ម៉ែត្រ នឹងមានប្រវែង ៤៨ម៉ែត្រ ស្ថាបនាដោយក្រុមការងារនៃមន្ទីរសាធារណះការនឹងជញ្ជូនខេត្តព្រះវិហារ និងបានស្ថាបនាស្ពាននេះ រួចរាល់ជាស្ថាពរហើយគ្រោងសម្ភោធដាក់ឲ្យដំណើការឆាប់ៗខាងមុខនេះ ។ ទោះជាយ៉ាងនេះក្តីលោកអភិបាលខេត្តក៏បានអំពាវនាវ ទៅដល់អាជ្ញាធរមូលដ្ឋាននឹងប្រជាពលរដ្ឋនៅទីនោះ ក្រោយទទួលបានសមិទ្ធិផលស្ពានស្ទឹងស្តៅថ្មីនេះ ត្រូវចេះថែរក្សា ធ្វើដំណើរឆ្លងកាត់ស្ពាន មិនត្រូវដឹកទំនិញ លើសទម្ងន់កំណត់ឡើយ ។
ក្នុងនោះដែរ លោក សំ លាងទ្រី ប្រធានមន្ទីរសាធារណៈការ នឹងជញ្ជូនខេត្តព្រះវិហារ ក៏បានដាក់ចេញនូវវិធានការមួយចំនួន បន្ទាប់ពីស្ពាននេះដាក់ឲ្យដំណើការប្រើប្រាស់មន្ទីរជំនាញ ដោយកំណត់ មិនឲ្យរថយន្តដែលមានកម្ពស់ចាប់ពី ២,៥ម៉ែត្រឆ្លងកាត់ឡើយ ។ ការធ្វើបែបនេះដើម្បីធានាបាននូវ សុវត្ថិភាពក្នុងការធ្វើដំណើរ នឹងរក្សាបាននូវគុណភាពស្ពាន សម្រាប់ការប្រើប្រាស់បានយូអង្វែង ។ គួរំលឹកផងដែរថា ស្ពានស្ទឹងស្តៅនេះ ត្រូវភ្លើងព្រៃឆេះរាលបណ្តាលឲ្យឆេះទាំងស្រុង កាលពីថ្ងៃទី២១ កុម្ភៈ ឆ្នាំ២០២០កន្លងទៅ ។
ចែករំលែកព័តមាននេះ