ឥណ្ឌា ៖ តាមប្រភពព័ត៌មាន Metro បានឱ្យដឹងថា វេជ្ជបណ្ឌិតវះយកខ្សែឆ្នាំងសាកទូរស័ព្ទប្រវែងជាងមួយម៉ែត្រចេញពីក្នុងប្លោកនោមរបស់បុរសម្នាក់។ អ្នកជំងឺរូបនេះអាយុ៣០ឆ្នាំ បានទៅជួបគ្រូពេទ្យ បន្ទាប់ពីត្អូញត្អែរពីការឈឺពោះកាលពីសប្តាហ៍មុន។ គេមិនទាន់ច្បាស់ទេថា…
ឥណ្ឌា ៖ តាមប្រភពព័ត៌មាន Metro បានឱ្យដឹងថា វេជ្ជបណ្ឌិតវះយកខ្សែឆ្នាំងសាកទូរស័ព្ទប្រវែងជាងមួយម៉ែត្រចេញពីក្នុងប្លោកនោមរបស់បុរសម្នាក់។ អ្នកជំងឺរូបនេះអាយុ៣០ឆ្នាំ បានទៅជួបគ្រូពេទ្យ បន្ទាប់ពីត្អូញត្អែរពីការឈឺពោះកាលពីសប្តាហ៍មុន។
គេមិនទាន់ច្បាស់ទេថា តើខ្សែឆ្នាំងសាកទូរស័ព្ទនោះបានចូលក្នុងប្លោកនោមរបស់គាត់យ៉ាងដូចម្តេច? ប៉ុន្តែគ្រូពេទ្យជឿថា ខ្សែសាកថ្មទូរស័ព្ទនេះត្រូវបានលេបតាមមាត់ ឬការដាក់ចូលក្នុងរន្ធនោម ដើម្បីសម្រេចកាមតណ្ហា។ បើតាមបុរសនេះត្រូវបានគេនិយាយថា មានប្រវតិ្តនៃការលេបកាសស្តាប់ត្រចៀកដោយចៃដន្យ ហើយក៏ឃើញមាននៅក្នុងប្លោកនោមតាមការថតកាំរស្មីអ៊ិចផងដែរ។
គាត់ត្រូវបានគេឱ្យប្រើថ្នាំបញ្ចុះលាមករយៈពេល២ថ្ងៃ ក្នុងគោលបំណងជួយកាត់បន្ថយការឈឺពោះ មុនពេលគ្រូពេទ្យធ្វើការវះកាត់តូចមួយចូលទៅក្នុងពោះរបស់គាត់។ បន្ទាប់មកគ្រូពេទ្យបានរកឃើញខ្សែសាកទូរស័ព្ទប្រវែងជិតមួយម៉ែត្រ ហើយក៏សម្រេចចិត្តយកវាចេញ។
ពេទ្យ ៥នាក់ បានធ្វើការវះកាត់រយៈពេល ៤៥ នាទី នៅមន្ទីរពេទ្យ Guwahati ភាគខាងជើងប្រទេសឥណ្ឌា កាលពីថ្ងៃអាទិត្យមុន។ វេជ្ជបណ្ឌិតម្នាក់ដែលបានសារភាពថា គាត់មិនបានឃើញអ្វីដូចនេះទេ តាំងពីធ្វើការអស់រយៈពេល២៥ឆ្នាំមក។
បុរសជនជាតិអ៊ីស្លាមខាងលើ ចំណាយពេលបីថ្ងៃ ដើម្បីសម្រាកនៅក្នុងមន្ទីរពេទ្យមុនពេលគាត់ត្រូវបានគ្រូពេទ្យឱ្យចេញទៅផ្ទះ៕ ដកស្រង់ចេញពីវេបសាយ ៖ metro (កែសម្រួលដោយ ៖ បុប្ផា)
ចែករំលែកព័តមាននេះ