យោងទៅតាមលោកមហាសេដ្ឋី ម៉ាក ហ្សាក់កាបឺក (Mark Zuckerbeg) ដែលជាសហស្ថាបនិក និងនាយកប្រតិបត្តិរបស់ក្រុមហ៊ុន Facebook បានឲ្យដឹងថា អ្នកដឹកនាំល្អជាអ្នកដែលផ្តល់គោបំណងច្បាស់លាស់ដល់អ្នកដទៃ ។ វាជាមេរៀនសំខាន់មួយដែលលោកបានរៀនសូត្រពេលដែលលោកបានក្លាយជានាយកប្រតិបត្តិរបស់ Facebook ។
លើសពីនេះទៅទៀត លោកបានរៀនពីវាក្នុងកំឡុងពេលដែល Facebook ជួបប្រទះនូវបញ្ហាធំមួយ ។ លោកបាននិយាយប្រាប់ដល់និស្សិត Havard កាលពីឆ្នាំ ២០១៧ ថា «គ្រាន់តែមានគោលបំណងម្នាក់ឯងគឺមិនគ្រប់គ្រាន់ទេ។ អ្នកត្រូវតែធ្វើឲ្យអ្នកដទៃមានគោលបំណងដែរ» ។លោកបានបង្កើត Facebook នៅអាយុ ១៩ ឆ្នាំ ឬពេលដែលលោកជានិស្សិតនៅសាកលវិទ្យាល័យ Harvard ។ ជាលទ្ធផល លោកបានចាកចេញពីសាលារៀននិងផ្តោតស្មារតី និងកម្លាំងលើក្រុមហ៊ុន ។
លោកបានប្រាប់ដល់និស្សិតដែលបានបញ្ចប់ការសិក្សានៅឆ្នាំនោះថា ក្តីសង្ឃឹមរបស់ខ្ញុំគឺមិនមែនបង្កើតក្រុមហ៊ុនមួយទេ តែដើម្បីចូលរួមជះឥទ្ធិពល ។ ហើយក្នុងពេលដែលមនុស្សចាប់ផ្តើមចូលរួមមកជួយពួកយើង ខ្ញុំក៏សន្មត់ថាពួកគេក៏ខ្វល់ខ្វាយដែរ ដូច្នេះខ្ញុំមិនដែលបកស្រាយពីអ្វីដែលខ្ញុំចង់ឲ្យពួកយើងកសាងទេ ។
ពេលដែល Yahoo ចង់ទិញ Facebook លោកបានបដិសេធ និងផ្តោតស្មារតីលើការបង្កើតចំណុចថ្មីៗលើ Facebook ដែលជួយតភ្ជាប់មនុស្សទៅវិញ ។ ក្នុងរយៈពេលមួយឆ្នាំបន្ទាប់ពីនោះ ក្រុមគ្រប់គ្រងទាំងមូលបានចាកចេញពី Facebook ហើយទីប្រឹក្សាម្នាក់របស់លោកបានប្រាប់ថាលោកនឹងសោកស្តាយនឹងការសម្រេចចិត្តមិនលក់ក្រុមហ៊ុន ។
ពេលនោះទើបលោកប្រទះឃើញថា វាជាកំហុសឆ្គងរបស់លោកផ្ទាល់ដែលលោកមិនបានបកស្រាយប្រាប់បុគ្គលិក និងសមាជិកក្រុមរបស់លោកពីគោលបំណងនៃការចាប់ផ្តើមក្រុមហ៊ុន និងអ្វីដែលលោកចង់សម្រេច ៕
ចែករំលែកព័តមាននេះ