សហរដ្ឋអាមេរិក-ចិន ៖ ប្រធានាធិបតីអាមេរិកលោកដូណាល់ ត្រាំ បានសន្យានាថ្ងៃទី២៦ ឧសភា ប្រកាសនាចុងសប្ដាហ៍នេះនូវការតបតរបស់ខ្លួនចំពោះគម្រោងច្បាប់ដ៏ចម្រូងចម្រាស់ ដែលចិនចង់បានសម្រាប់ហុងកុង ដោយប្រាប់ថាគម្រោងច្បាប់នោះអាចឲ្យដែនដីហុងកុងបាត់បង់លក្ខន្តិកៈជាទីតាំងហិរញ្ញវត្ថុអន្តរជាតិ ។
សេតវិមាននិយាយថាប្រធានាធិបតី មានការមិនសប្បាយចិត្តប្រឈមមុខនឹងចេតនារបស់ក្រុងប៉េកាំងលុបបំបាត់ស្វ័យភាពសម្រាប់អតីតដែនដីអាណានិគមអង់គ្លេសនោះ ។ តាមលោកត្រាំថា វាជាការលំបាកដែលគិតថា តើហុងកុងអាចនៅជាទីក្រុងហិរញ្ញវត្ថុអន្តជាតិតទៅទៀតដែរទេ ប្រសិនបើចិនត្រួតត្រា ។
ពេលសួរពីលទ្ធភាពនៃការដាក់ទណ្ឌកម្មប្រឆាំងបណ្ដាអ្នកទទួលខុសត្រូវចិន ដូចការទាមទាររបស់សមាជិកសភាអាមេរិកមួយចំនួន លោកត្រាំអះអាងថា លោករៀបចំធ្វើអ្វីមួយក្នុងពេលជាមួយគ្នា ។ ដោយលាក់បាំងរឿងមួយចំនួនលោកត្រាំបន្តថា ខ្ញុំយល់ថាលោកអ្នកចាត់ទុកបញ្ហានេះជាបញ្ហាសំខាន់បំផុត ហើយលោកអ្នកនឹងឮការនិយាយពីរឿងនោះមុនដំណាច់សប្ដាហ៍នេះ ថាតើវាខ្លាំងក្លាបែបណា ។
សំណុំរឿងនោះនាំឲ្យទំនាក់ទំនងរវាងមហាអំណាចទាំង២កាន់តែអាក្រក់ថែមទៀត ខណៈភាពតានតឹងមានខ្លាំងរួចមកហើយលើបញ្ហាគ្រប់គ្រងការឆ្លងរាលដាលនៃវីរុស COVID-19 ។
រដ្ឋអំណាចកណ្ដាលចិន កាលពីថ្ងៃទី២២ ឧសភា បានដាក់ជូនសភាចិននូវគម្រោងច្បាប់ដ៏ចម្រូងចម្រាស់មួយដែលសំដៅរារាំងអំពើក្បត់ការបំបែកខ្លួន និងការធ្វើវិទ្ធង្សនានៅហុងកុង ដែល
នាំឲ្យផ្ទុះបាតុកម្មធំជាថ្មីនៅហុងកុង ។ គម្រោងច្បាប់នេះត្រូវពិនិត្យនាថ្ងៃទី២៨ ឧសភា ហើយក្រុងប៉េកាំងបានស្នើឲ្យអនុវត្តច្បាប់នេះក្នុងពេលដ៏ឆាប់ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ