កីឡាករ Odion Ighalo ត្រៀមបង្វិចលា Man United ត្រឡប់ទៅចិនវិញ
ប្រទេសអង់គ្លេស ៖ ខ្សែប្រយុទ្ធ Odion Ighalo ត្រៀមវិលត្រឡប់ទៅកាន់ប្រទេសចិនវិញ ខណៈកិច្ចព្រមព្រៀង (លក្ខខណ្ឌខ្ចីជើង) របស់គេ នឹងត្រូវផុតកំណត់នៅថ្ងៃទី…
ប្រទេសអង់គ្លេស ៖ ខ្សែប្រយុទ្ធ Odion Ighalo ត្រៀមវិលត្រឡប់ទៅកាន់ប្រទេសចិនវិញ ខណៈកិច្ចព្រមព្រៀង (លក្ខខណ្ឌខ្ចីជើង) របស់គេ នឹងត្រូវផុតកំណត់នៅថ្ងៃទី…
ប្រទេសអង់គ្លេស ៖ ខ្សែប្រយុទ្ធ Odion Ighalo ត្រៀមវិលត្រឡប់ទៅកាន់ប្រទេសចិនវិញ ខណៈកិច្ចព្រមព្រៀង (លក្ខខណ្ឌខ្ចីជើង) របស់គេ នឹងត្រូវផុតកំណត់នៅថ្ងៃទី ៣១ ឧសភា ខាងមុខ ជាមួយក្លិប Manchester United ។
រំលឹកជូនថា ខ្សែប្រយុទ្ធក្លិប Shanghai Shenhua រូបនេះ បានចុះហត្ថលេខាលើកិច្ចព្រមព្រៀងក្នុងលក្ខខណ្ឌខ្ចីជើងពី រហូតដល់ចប់រដូវកាល ជាមួយក្លិប Man United កាលពីចុងខែមករា បន្ទាប់ពីខ្សែប្រយុទ្ធ Marcus Rashford ត្រូវបានអវត្តមាន ដោយសារបញ្ហារបួសខ្នង ។
ជាធម្មតាក្របខណ្ឌ Premier League តែងតែចប់នៅអំឡុងពាក់កណ្តាលខែឧសភា ប៉ុន្តែដោយសារផលប៉ះពាល់នៃជំងឺរាតត្បាតកូវីដ-១៩ បានបង្ខំឱ្យក្របខណ្ឌកំពូលអង់គ្លេសមួយនេះ ត្រូវពន្យារពេល ។
Man United គ្មានបំណង់ក្នុងការចុះកុងត្រាអចិន្ត្រៃយ៍ លើកីឡាករសញ្ជាតិនីហ្សេរីយ៉ាវ័យ ៣០ឆ្នាំរូបនេះទេ។ ប៉ុន្តែពួកគេកំពុងព្យាយាមក្នុងការចរចាជាមួយក្លិបចិន Shanghai Shenhua ដើម្បីពន្យាកិច្ចសន្យាខ្ចីជើងរហូតដល់ចប់រដូវកាល ដែលកំពុងជួបវិបត្តិនេះ។ ប៉ុន្តែបើយោងតាមការចុះផ្សាយពីសារព័ត៌មានជាច្រើនទាំងបរទេស និងបចិន បានឱ្យដឹងថា ក្លិប Shanghai Shenhua ចង់បានកីឡាកររបស់ខ្លួនត្រឡប់មកវិញ ដើម្បីត្រៀមបើករដូវកាលថ្មី នៃលីគកំពូលចិន ដែលនឹងចាប់ផ្តើមនៅចុងខែមិថុនាខាងមុខ ។
សូមបញ្ជាក់ថា ចាប់តាំងចូលរួមជាមួយ Man United កីឡាករ Odion Ighalo បានបង្ហាញខ្លួនសរុបចំនួន ៨ប្រកួត និងស៊ុតបញ្ចូលទីបាន ៤គ្រាប់មុនពេលការប្រកួតប្រជែងត្រូវផ្អាកទាំងស្រុង ដោយសារការផ្ទុះឡើងនៃវីរុសកូវីដ-១៩ ៕ (ដកស្រង់ចេញពី BBC)
ចែករំលែកព័តមាននេះ