ខេត្តតាកែវ ៖ ស្ថិតក្នុងកាលៈទេសៈប្រទេសកម្ពុជាជួបវិបត្តិនៃជំងឺកូវីដ ១៩ គេសង្កេតឃើញ ការបរិភោគសាច់សត្វក្នុងស្រុករបស់ប្រជាពលរដ្ឋនៅតាមតំបន់ហាក់មានការប្រែប្រួល ពេលដែលពលរដ្ឋមានការយល់ដឹងពីផលប៉ះពាល់ដល់សុខ ។ តួយ៉ាងសាច់ជ្រូកដែល ចិញ្ចឹមបែបលក្ខណៈគ្រួសារ ឬចិញ្ចឹមនៅតាមស្រុកស្រែចំការហាក់ទទួលបានការគាំទ្រ ច្រើនពីអ្នកបរិភោគបើប្រៀបធៀបទៅនិងសាច់ជ្រូកចិញ្ចឹមនៅតាមកសិដ្ឋាន ឬក្រុមហ៊ុនធំៗ ។
តាមអាជីវករលក់សាច់ជ្រូកម្នាក់នៅក្នុងផ្សារតាកែវ បានឱ្យដឹងថា ក្នុងរយៈពេល ២ថ្ងៃកន្លងទៅនេះបន្ទាប់ពីទិញបានជ្រូក ពីប្រជាពលរដ្ឋចិញ្ចឹមតាមលក្ខណៈគ្រួសារការលក់ ហាក់មានពលរដ្ឋចូលមកទិញច្រើន ជាងការលក់ជ្រូកក្រុមហ៊ុន ។
អ្នកស្រី ប៉ាវ ស្រីភា បានឱ្យដឹងថា សាច់ជ្រូកស្រែគេចូលចិត្តហូបច្រើន ។ អ្នក បរិភោគសព្វថ្ងៃគេចូលចិត្តហូបសាច់ជ្រូកស្រែច្រើនជាងជ្រូកចិញ្ចឹមតាមក្រុមហ៊ុន ជាក់ស្តែ ងនៅថ្ងៃនេះលក់អស់ជ្រូកស្រែចំនួនពីរក្បាល ឬប្រមាណជិត ២០០គីឡូក្រាម ។
អ្នកស្រីលើកឡើងថា «កន្លងមកនៅពេលអស់ជ្រូកស្រែកាប់លក់ ធ្លាប់កាប់ជ្រូកក្រុម ហ៊ុន តែចំនួនអ្នកទិញក៏ធ្លាក់ចុះ ប៉ុន្តែបើមានជ្រូកចិញ្ចឹមលក្ខណៈគ្រួសារនៅតាមស្រុកស្រែ គឺមានអ្នកទិញបរិភោគច្រើន» ។ ទន្ទឹមនឹងជំងឺកូវីដ ១៩ នូវតែជាកង្វល់រួមរបស់កម្ពុជា តម្លៃ សាច់ជ្រូក ឬសាច់ជ្រូកដែលចិញ្ចឹមនៅតាមគ្រួសារក្រៅពីមានការគាំទ្រ តម្លៃលក់ក៏បានថ្លៃ គួរសមផងដែរ ។
អ្នកស្រីបន្តថា ចំពោះតម្លៃសាច់ជ្រូកស្រែថ្លៃមួយគីឡូក្រាមថ្លៃ ២០.០០០រៀល សម្រាប់ពលរដ្ឋដែលគេស្គាល់យើងគេថា មិនថ្លៃនោះទេ ប៉ុន្តែសម្រាប់អ្នកមិនដឹងពីប្រភេទ សាច់ជ្រូកគេត្អូញថាថ្លៃណាស់ ព្រោះគេធ្លាប់ទិញសាច់ជ្រូកចិញ្ចឹមដោយក្រុមហ៊ុនធូរថ្លៃជាង ។ ក្នុងនាមជាអ្នកទិញជ្រូកយកមកកាប់សាច់លក់នៅតាមទីផ្សារពិបាករកទិញជ្រូកចិញ្ចឹម នៅតាមស្រុកស្រែ ឬលក្ខណៈគ្រួសារណាស់ ព្រោះទម្រាំពលរដ្ឋចិញ្ចឹមបានត្រូវពឹងផ្អែក តាមរដូវកាល ។
អ្នកស្រី ផែន ស្រីណុច អាជីវលក់ចាប់ហួយ បានឱ្យដឹងថា ការចិញ្ចឹមជ្រូកកន្លង មកក៏ដូចជាសព្វថ្ងៃនេះពុំដែលធ្លាប់គិត ឬបារម្ភថាខាតនោះទេ ព្រោះពឹងផ្អែកទៅលើ ការបិទស្រា និងមានម៉ាស៊ីនកិនស្រូវសម្រាប់ផ្គត់ផ្គង់ដល់ការចិញ្ចឹម ហើយនៅពេលចិញ្ចឹម បានម្តងមិនខ្វះអ្នកមករកទិញនោះទេ ព្រោះគេគិតថា យើងចិញ្ចឹមជ្រូកស្រែ ពេលយក សាច់ទៅបរិភោគគិតថាល្អជាងសាច់ជ្រូកចិញ្ចឹមដោយក្រុមហ៊ុន ព្រោះយើងចិញ្ចឹមមាន ឱ្យស៊ីបាយ លាយកន្ទក់ តែជ្រូកក្រុមហ៊ុនគេឱ្យស៊ីចំណីសុទ្ធ ។
អ្នកស្រីឱ្យដឹងទៀតថា ការចិញ្ចឹមជ្រូកកន្លងមកមានការខាតខ្លះ និងជួបឧបសគ្គ ហើយនៅក្នុងរដូវកាលនៃជំងឺកូវីដ ១៩ នេះ អ្នកស្រីលក់ជ្រូកបានចំនួន ៥ក្បាលបើគិត ជាទឹកប្រាក់បានប្រមាណ ៥លានរៀល ហើយក្នុងមួយគីឡូនៃជ្រូករស់ថ្លៃ ១២.០០០រៀល ។
អ្នកស្រី បញ្ជាក់ថា «ការចិញ្ចឹមជ្រូកលក្ខណៈគ្រួសារបើការចិញ្ចឹមមានលក្ខណៈអំ ណោយផល ចំណូលដែលបានមកពីការចិញ្ចឹមជ្រូកនេះ គឺអាចជួយឱ្យជីវភាពគ្រួសារធូរ ស្រាលកើនបានមួយកម្រិតថែមទៀត» ។
លោក ស្រ៊ុន ពៅ ប្រធានសមាគមចិញ្ចឹមសត្វកម្ពុជាបានឱ្យដឹងថ្មីៗនេះថា តម្លៃសាច់ ជ្រូករស់នៅក្នុងប្រទេសកម្ពុជាក្នុងរយៈពេលប៉ុន្មានខែកន្លងទៅនេះ គឺមួយគីឡូក្រាមថ្លៃ ១១.០០០ ទៅ ១២.០០០រៀល បើទោះបីមានការកាត់បន្ថយនៃការនាំចូលសត្វជ្រូករស់ពី ប្រទេសជិតខាងកម្ពុជាក៏ដោយ ។លោកបន្តថា ការចិញ្ចឹមសត្វនៅក្នុងស្រុកសព្វថ្ងៃមានការកើនឡើង ទន្ទឹមថ្នាក់ដឹក នាំក្រសួងកសិកម្មមានចំណាត់ការលើការចិញ្ចឹមសត្វ រហូតដល់រាជរដ្ឋាភិបាលទម្លាក់ថវិកា ៥០លានដុល្លារអាមេរិកដល់ការចិញ្ចឹមសត្វ ។
លោក តាន់ ផាន់ណារ៉ា តំណាងក្រសួងកសិកម្ម រុក្ខាប្រមាញ់ និងនេសាទបានលើក ឡើងថា «អគ្គនាយកដ្ឋាន និងសមាគមបានធ្វើជាមួយគ្នាបានយ៉ាងជិតស្និទ្ធពិសេសបងប្អូន អ្នកចិញ្ចឹមជ្រូក ។ អ្វីដែលយើងបានធ្វើការជាមួយគ្នា អំពីផែនការ គឺត្រូវប្រើពេលពី ២ ទៅ ៣ឆ្នាំទៀត គឺយើងអាចផ្គត់ផ្គង់សាច់ក្នុងស្រុកបាន ។ ខ្ញុំនិយាយនេះស្ថិតក្នុងកាលៈទេសៈ បើមិនមានការផ្ទុះឡើងវិញនៅជំងឺផ្សេងៗ ពិសេសជំងឺប៉េស្តជ្រូកអាហ្វ្រិក» ៕
ចែករំលែកព័តមាននេះ