ខេត្តសៀមរាប៖ ភោជនីយដ្ឋានចំនួន៣កន្លែងផ្សេងគ្នា ស្ថិតក្នុងកណ្តាលក្រុងសៀមរាប ត្រូវបានសមត្ថកិច្ចចម្រុះចុះបង្ក្រាបឆែកឆេរ និងរកឃើញសត្វព្រៃខុសច្បាប់គ្រប់ប្រភេទ កាលពីរសៀលថ្ងៃទី២៤ ឧសភាស្ថិតនៅសង្កាត់ស្លក្រាមក្រុង-ខេត្តសៀមរាប ។ ប្រភពពីសមត្ថកិច្ចនគរបាលមូលដ្ឋានបានប្រាប់ថា ក្រោយទទួលព័ត៌មានពីពលរដ្ឋថា…
ខេត្តសៀមរាប៖ ភោជនីយដ្ឋានចំនួន៣កន្លែងផ្សេងគ្នា ស្ថិតក្នុងកណ្តាលក្រុងសៀមរាប ត្រូវបានសមត្ថកិច្ចចម្រុះចុះបង្ក្រាបឆែកឆេរ និងរកឃើញសត្វព្រៃខុសច្បាប់គ្រប់ប្រភេទ កាលពីរសៀលថ្ងៃទី២៤ ឧសភាស្ថិតនៅសង្កាត់ស្លក្រាមក្រុង-ខេត្តសៀមរាប ។ ប្រភពពីសមត្ថកិច្ចនគរបាលមូលដ្ឋានបានប្រាប់ថា ក្រោយទទួលព័ត៌មានពីពលរដ្ឋថា អាហារដ្ឋានចំនួន៣ទីតាំងផ្សេងគ្នា បានយកសាច់សត្វព្រៃមកធ្វើម្ហូបអាហារលក់ឱ្យភ្ញៀវ ដោយមិនខ្លាចច្បាប់ឡើយ។
ប្រភពបានបញ្ជាក់ថា អាហារដ្ឋានទាំង៣កន្លែង ដែលត្រូវចុះបង្ក្រាបនោះរួមមានះ ១-អាហារដ្ឋានម្លប់ «មហាហេង» ស្ថិតនៅភូមិទ្រាំង សង្កាត់ស្លក្រាម ក្រុងសៀមរាប ដោយរឹបអូស បានសត្វទោមងាប់ចំនូ ន ១១ក្បាល លលកងាប់ចំនួន៥០ក្បាល និងចាបស្រូវងាប់ចំនួន២៣០ក្បាល ។
២- អាហារដ្ឋាន «ថារី ម៉ាក់ប្រាង្គ» ស្ថិតនៅភូមិទ្រាំង សង្កាត់ស្លក្រាម ក្រុងសៀមរាប ដោយរឹបអូសបាន សាច់ជ្រូកព្រៃស្រស់ចំនួន៣គីឡូក្រាម លលកទ្រាំងងាប់ ចំនួន៣៧ក្បាល ចាបស្រូវងាប់ចំនួន១៥០ ក្បាល និងក្រួច អុីតងាប់ ចំនួន១០ក្បាល ។ ៣- អាហារដ្ឋាន «សម្រស់ម្លប់ម៉ាក់ប្រាង្គថ្មី» ស្ថិតនៅភូមិទ្រាំង សង្កាត់ ស្លក្រាម ក្រុង សៀមរាប ដោយរឹបអូស បានសាច់ អន្សងស្រស់ចំនួន៣.៣០គីឡូក្រាម, សាច់ជ្រូកព្រៃ ស្រស់ចំនួន៥.៣០គីឡូក្រាម ចាបស្រូវងាប់ចំនួន៨០ក្បាល លលកបាយ ងាប់ចំនួន១០ក្បាល និងអណ្តើកស្រែងាប់១ក្បាល ស្មើនឹង ០.៨ ០គីឡូក្រាម ។
ក្រោយបង្ក្រាបបានវត្ថុតាង ដែលរឹបអូសបានទាំងអស់ត្រូវបានកម្លាំងជំនាញយកទៅកប់បំផ្លាញចោល នៅ ក្នុងព្រៃអង្គរ និងបានព្រមានដល់ម្ចាស់ហាងឱ្យបញ្ឈប់សកម្មភាពបែបនេះតទៅទៀត បើពុំដូច្នោះទេអាចប្រឈមចំពោះមុខច្បាប់ជាក់ជាមិនខាន ។
ចែករំលែកព័តមាននេះ