រាជធានីភ្នំពេញ ៖ មហាជនប្រហែលជាបានដឹងហើយថាតារាចម្រៀងជួរមុខនៅកម្ពុជា អ្នកនាង ម៉េង កែវពេជ្ជតាកន្លងមកធ្លាប់មានជម្លោះជាមួយនឹងប្រធានសមាគមន៏សិល្បៈ អ្នកនាងចន ច័ន្ទលក្ខិណា អស់រយៈពេលជាង១០ ឆ្នាំមកហើយ…
រាជធានីភ្នំពេញ ៖ មហាជនប្រហែលជាបានដឹងហើយថាតារាចម្រៀងជួរមុខនៅកម្ពុជា អ្នកនាង ម៉េង កែវពេជ្ជតាកន្លងមកធ្លាប់មានជម្លោះជាមួយនឹងប្រធានសមាគមន៏សិល្បៈ អ្នកនាងចន ច័ន្ទលក្ខិណា អស់រយៈពេលជាង១០ ឆ្នាំមកហើយ ជុំវិញរឿងរ៉ាវផ្ទាល់ខ្លួនរបស់តារាជើងចាស់ទាំងពីរនេះ។
តារាចម្រៀងដែលមានទឹកដមសម្លេងពីរោះរណ្តំនិងពោរពេញដោយទេពកោសល្យ អ្នកនាង ម៉េង កែវពេជ្ជតា ជាថ្មីម្តងទៀតបានធ្វើការឡាយនៅក្នុងទំព័រ Facebook កាលពីថ្ងៃទី២១ ខែឧសភា ឆ្នាំ ២០២០កន្លងទៅនេះ ដោយអ្នកនាងបានលើកឡើងអំពីជម្លោះរវាងរូបអ្នកនាងនិងអ្នកនាង ន ច័ន្ទលក្ខិណា ពីព្រោះតែបានធ្វើរឿងអោយយល់ច្រឡំមួយចំនួន និងមានរឿងអាថ៌កំបាំងត្រួវបានលាតត្រដាងដល់អ្នកគាំទ្រ។
ដោយជាហេតុធ្វើអោយមហាជនមួយចំនួន បានថ្លែងសេចក្តីអាណត្តិអាសូរដល់តារាចម្រៀងគ្រប់ទម្រង់សិល្បៈរូបនេះ ចំណែកឯអ្នកនាង ចន ច័ន្ទលក្ខិណា វិញមិនទាន់មានប្រត្តិកម្មអ្វី និងការឆ្លើយតបមក កាន់មហាជននៅឡើយទេ។
ដោយមិនមានការឆ្លើយតបវិញ ទើបអ្នកនាងម៉េង កែវពេជ្ជតា បានបង្ហោះសារមួយបន្លែមទៀតកាលពីម្សិលមិញថា «គាត់មិនប្រតិកម្មចំៗតបមកខ្ញុំវិញទេ ព្រោះ ១. ខ្ញុំនិយាយចំៗចំនុចរកហារមិនរួច ២. គាត់គ្មានអ្វីបកស្រាយ ៣. គ្មានអ្នកគាំទ្រ ប៉ុន្តែឆ្កែកន្ទុយខ្វៀនវានៅតែខ្វៀន ។ មិនតបដោយត្រង់តែរត់ទៅរកសុំអន្តរាគមន៍ រួចហើយទួញយំលន់ក្រាបអោយមហាជនមើលមកថាខ្លួនជាជនរងគ្រោះ» ។
អ្នកនាងម៉េង កែវពេជ្ជតាបានបន្លែមនៅក្នុងសារបង្ហោះនោះថា «គិតទៅអ្នកនាងតារាសម្តែងម្នាក់នេះពូកែណាស់លើឆាក ក្រោមឆាកដូចគ្នា ប៉ុន្តែខុសបន្តិចត្រង់ ក្រោមឆាកគាត់សម្តែងតែតួល្អ តួស្លូត តួអ្នកធ្វើបុណ្យ តួកុលស្ត្រី តួស្រីគ្រប់ល័ក្ខ តួជនរងគ្រោះ តួកម្សត់ តួទឹកភ្នែកទឹកសំបោរ តួគេធ្វេីបាប តួត្រូវគេនិយាយមួលបង្កាច់ តួត្រូវគេឈ្នានីស តួអ្នកម្តាយព្រះ តួនាងមេទ្រីស្រលាញ់ប្តីស្រាលាញ់កូន តួនាងបដាចារ ..។ ល។ អោយតែតួល្អគាត់សម្តែងបានទាំងអស់ និយាយរួមគាត់ពូកែធ្វើឆ្កួត »។
គួរបញ្ជាក់ផងដែរថា ជម្លោះរវាងតារាជើងចាស់ទាំងពីរនេះ កំពុងតែធ្វើអោយអ្នកគាំទ្រមានការចាប់អារម្មណ៍ និងចង់ដឹងបន្លែមទៀត ថាតើរឿងរ៉ាវយា់ងណា បានជាអ្នកទាំងមិនរាប់រកគ្នាអស់រយៈពេល១០ឆ្នាំ។
យ៉ាងណាមិញយើងនៅទាក់ទងអ្នកនាងចន ច័ន្ទលក្ខិណាមិនទាន់បាននៅឡើយនាព្រឹកថ្ងៃទី ២៤ ឧសភានេះ ៕
ចែករំលែកព័តមាននេះ