ការសាក់ធ្មេញកំពុងពេញនិយមនៅប្រទេសចិន
យុវជនចិនម្នាក់នៅក្រុងសៀងហៃ សាក់ «ធ្មេញ»ជារូបផ្សេងៗ ។ នៅចិនកំពុងពេញនិយមទៅលើការសាក់ធ្មេញជាពិសេសយុវវ័យ ។ ចំពោះតម្លៃនៃការសាក់ធ្មេញគឺពី៧៥ទៅ២០០ដុល្លារ ៕
បុរសចំណាស់ជប៉ុនតែងខ្លួនជាសិស្សស្រី
លោកហីុដេអាគី កូបាយ៉ាស៊ី អាយុ៥១ឆ្នាំ បានតែងខ្លួនយកលំនាំតាមសិស្សស្រីថ្នាក់មធ្យម សិក្សាដោយចងសក់ទៅក្រោយរាងជាសក់សេះពាក់ស្រោមជើងវែងដល់ជង្គង់ ពាក់ស្បែកជើងកែងរាបស្មើ និងប្រើក្រណាត់រុំកពណ៌ក្រហម ។ លោកហីុដេអាគី កូបាយ៉ាសីុ ធ្វើបែបនោះដើម្បីឱ្យមនុស្សទូទៅចង់ថតរូបជាមួយឱ្យបាន១០នាក់ក្នុងមួយថ្ងៃ ៕
អណ្តើកយក្សធ្វើចរាចរណ៍លើដងផ្លូវនៅអាមេរិក
សារព័ត៌មានបរទេសផ្សាយថា ប៉ូលិសក្រុងឡូសអេនចឺឡេសសហរដ្ឋអាមេរិក បានចាប់អណ្តើកយក្សទម្ងន់៦៨គីឡូក្រាម ដែលវារនៅលើដងផ្លូវ ។ អណ្តើកដែលមិនដឹងចេញមកពីប្រភពណានោះត្រូវប៉ូលិសប្រគល់ឱ្យផ្នែកអភិរក្ស ៕
បង្គន់កញ្ចក់មើលឃើញអ្នកបន្ទោបង់
សណ្ឋាគារមួយនៅទីក្រុងប៊ែរឡាំង ប្រទេសអាល្លឺម៉ង់ បានចេញម៉ូដបង្គន់ដាក់ជញ្ជាំងកញ្ចក់ដែលអាចមើលពីក្រៅឃើញអ្នកនៅខាងក្នុង ។
បង្គន់នោះមានលក្ខណៈចម្លែកដោយអ្នកចូលបន្ទោបង់ក្នុងនោះគ្មានអ្វីបិទបាំងទេ គឺគេអាចមើលឃើញពីខាងក្រៅ ៕
ការ៉េមរាងដូចជាស្រោមអនាម័យនៅប្រទេសចិន
«គ្លូបលថែម» របស់ចិន ផ្សាយថា ក្រុមហ៊ុនផលិតការ៉េម ដែលចុះបញ្ជីពាណិជ្ជកម្មនៅក្នុងខេត្តជីលីន បានបង្ហាញការ៉េមជាច្រើនរសជាតិដោយមានថង់ច្រកចម្លែករូបរាងស្រដៀងនឹង«ស្រោមអនាម័យ» ៕
ឆ្កែឆ្លាតធ្វើជាអ្នកលក់បារីនៅប្រទេសជប៉ុន
ស៊ីបាជាឆ្កែឆ្លាតមួយក្បាលបានបំពេញតួនាទីជាជំនួយការលក់បារីនៅហាងទំនិញមួយក្នុងប្រទេសជប៉ុន ។ ស៊ីបាដេកនៅខាងក្រោមបញ្ជរលក់បារី ហើយនៅពេលឮសំឡេងអតិថិជនវាងើបទៅបើកបង្អួច ៕
សំពត់ម៉ូដថ្មីមានតែគ្រោង«ដែក»នៅហុងកុង
ពលរដ្ឋហុងកុងជាច្រើនចាប់អារម្មណ៍ចំពោះនារីម្នាក់ស្លៀកសំពត់គ្រោង«ដែក»មើលធ្លុះដល់ខាងក្នុង ។ នារីម្នាក់នោះដើរនៅមុខហាងទំនិញមួយធ្វើឱ្យមនុស្សម្នាងាកមើល ព្រោះចាប់អារម្មណ៍នឹងម៉ូដសំពត់គ្រោងដែកមើលឃើញដល់ខោក្នុង ៕
ត្រីដូហ្វាំងក្បាល2ងាប់នៅលើឆ្នេរខ្សាច់ប្រទេសតួកគី
ត្រីដូហ្វាំងក្បាល២ បានងាប់នៅលើឆ្នេរសមុទ្រនៃប្រទេសតួកគី ។ អ្នកជំនាញត្រួតពិនិត្យឃើញថា ត្រីដូហ្វាំងក្បាល២នោះមានដងខ្លួនប្រវែង១ម៉ែត្រនិងមានអាយុប្រហែល១ឆ្នាំ ៕
ចែករំលែកព័តមាននេះ