ប្រទេសចិន ៖ របស់របរដែលលក់ត្រូវប៉ាន់ជាងគេនៅក្នុងប្រទេសចិនពេលនេះ គឺមួកសុវត្ថិភាព។ នាពេលកន្លងមក អ្នកជិះកង់អាគុយមិនត្រូវបានគេតម្រូវឱ្យពាក់មួកសុវត្ថិភាពនោះទេ តែពេលនេះគឺមិនដូចមុនឡើយ។ គេបានកំណត់យកថ្ងៃចាប់ផ្តើមផាកពិន័យពីថ្ងៃទី១ ខែមិថុនានេះតទៅ។ នៅថ្ងៃនោះអ្នកដែលចាប់ជិះកង់អាគុយ…
ប្រទេសចិន ៖ របស់របរដែលលក់ត្រូវប៉ាន់ជាងគេនៅក្នុងប្រទេសចិនពេលនេះ គឺមួកសុវត្ថិភាព។ នាពេលកន្លងមក អ្នកជិះកង់អាគុយមិនត្រូវបានគេតម្រូវឱ្យពាក់មួកសុវត្ថិភាពនោះទេ តែពេលនេះគឺមិនដូចមុនឡើយ។ គេបានកំណត់យកថ្ងៃចាប់ផ្តើមផាកពិន័យពីថ្ងៃទី១ ខែមិថុនានេះតទៅ។ នៅថ្ងៃនោះអ្នកដែលចាប់ជិះកង់អាគុយ ដោយមិនពាក់មួកសុវត្ថិភាព នឹងត្រូវពិន័យ។
នៅប្រទេសចិន មានកង់អាគុយប្រមាណ ២៥០លានគ្រឿង ដែលបានចុះបញ្ជីធ្វើដំណើរតាមដងផ្លូវជារៀងរាល់ថ្ងៃ។ កង់អាគុយដែលមិនបានចុះបញ្ជី អាចមានចំនួនដល់ទៅ ៥០លានគ្រឿង។ ទន្ទឹមនឹងនេះដែរ គេប៉ាន់ប្រមាណថា មានតែ ៣០% នៃអ្នកជិះកង់អាគុយទេ ដែលមានពាក់មួកសុវត្ថិភាពនាពេលបច្ចុប្បន្ន។
ដោយសារតែនៅមានមនុស្សច្រើនទៀតដែលមិនទាន់មានមួកពាក់ គេប៉ាន់ស្មានថា តម្រូវការមួកសុវត្ថិភាពនាពេលនេះ គឺប្រហែលជា ២០០លានមួក។ នៅពេលនេះ ក្រុមហ៊ុនចិន អាចផលិតបានត្រឹមតែប៉ុន្មានពាន់មួកប៉ុណ្ណោះក្នុងមួយថ្ងៃ។
ដើម្បីជួយបំពេញគម្លាតដ៏ធំនេះ សហគ្រាសផលិតមួកសុវត្ថិភាពថ្មីជាង ៣៥០០កន្លែង ត្រូវបានគេរាយការណ៍ថា បានបង្កើតឡើងនៅក្នុងប្រទេសចិន កាលពីខែមុន ខណៈដែលតម្លៃមួកកើនទ្វេដង៕ ដកស្រង់ចេញពីវេបសាយ ៖ shanghaiist (កែសម្រួលដោយ ៖ បុប្ផា)
ចែករំលែកព័តមាននេះ