រាជធានីភ្នំពេញ ៖ ក្រសួងសុខាភិបាលបានផ្ញើលិខិតមួយជូនក្រសួងវប្បធម៌ និងវិចិត្រសិល្បៈដោយស្នើឱ្យមានការបើកដំណើរការសារមន្ទីរនានា នៅក្នុងប្រទេសកម្ពុជាឡើងវិញ ដើម្បីឱ្យភ្ញៀវទេសចរជាតិ និងអន្តរជាតិទស្សនា ចាប់ពីខែមិថុនា ឆ្នាំ២០២០តទៅ ។
ការស្នើឲ្យបើកសារមន្ទីនេះ ក្រោយអ្នកជំងឺកូវីដ១៩ ទាំងអស់នៅកម្ពុជាបានជាសះស្បើយជាស្ថាពរ ។ នេះបើតាមលិខិតរបស់ក្រសួងសុខាភិបាល ។
លិខិតរបស់រដ្ឋមន្ត្រីក្រសួងសុខាភិបាល ផ្ញើទៅកាន់រដ្ឋមន្ត្រីក្រសួងវប្បធម៌បានបញ្ជាក់ថា ក្រសួងសុខាភិបាល សូមធ្វើការណែនាំជូនដល់ក្រសួងវប្បធម៌ និងវិចិត្រសិល្បៈថា មុនពេលបើកដំណើរការនូវសារមន្ទីរឡើងវិញនេះ ត្រូវរៀបចំវិធានការការពារនានាឱ្យរួចជាមុន ដើម្បីចៀសវាងនូវហានិភ័យនៃការចម្លងវីរុសកូវីដ១៩ ដូចជា ការស្កេនកំដៅភ្ញៀវមុនអនុញ្ញាតឱ្យចូលទស្សនាមានប្រើប្រាស់អាល់កុល ឬជែលលាងដៃ និងត្រូវរៀបចំឱ្យមានគម្លាតសុវត្ថិភាពបុគ្គល ព្រមទាំងត្រូវពាក់ម៉ាស់ ហើយត្រូវអនុវត្តឱ្យបានគ្រប់បុគ្គល (ទាំងភ្ញៀវ អ្នកនាំភ្ញៀវ និងអ្នកបម្រើការនៅទីនោះ) និងមិនត្រូវអនុញ្ញាតឱ្យបុគ្គលណាម្នាក់ដែលមានបញ្ហាសុខភាព ឬសង្ស័យចូលទស្សនាសារមន្ទីរឡើយ ។
លិខិតបានលើកឡើងថា ដោយយោងតាមចំណារឯកភាពពីសម្តេចតេជោ ហ៊ុន សែន នាយករដ្ឋមន្ត្រី ។ បើតាមលិខិតរបស់ លោករដ្ឋមន្ត្រីក្រសួងសុខាភិបាល គឺថ្វីត្បិតតែស្ថានភាពកូវីដ១៩ នៅក្នុងប្រទេសកម្ពុជានេះ មិនមានរកឃើញករណីឆ្លងថ្មីជាងមួយខែ អ្នកឈឺបានព្យាបាលជាសះស្បើយ១០០ភាគរយ និងមិនមានករណីស្លាប់ក៏ពិតមែន ហើយភាគច្រើនលើសលុបសុទ្ធសឹងតែជាករណីនាំចូលពីក្រៅប្រទេសក៏ប៉ុន្តែកម្ពុជាត្រូវតែប្រកាន់យកការប្រុងប្រយ័ត្នជាប់ជានិច្ច ចំពោះការប្រឈមទៅនឹងការកើតឡើងនូវរលកទី២ នៃការចម្លងវីរុសកូវីដ១៩ ជាពិសេសការចម្លងនៅក្នុងសហគមន៍ ដែលអាចនឹងធ្វើឱ្យប៉ះពាល់ដល់នយោបាយ សុខភាពសាធារណៈ សេដ្ឋកិច្ច សង្គម និងការរស់នៅប្រចាំថ្ងៃរបស់ប្រជាជនទូទៅ ដែលពិបាកធ្វើការប៉ាន់ស្មាន ។
ទោះជាយ៉ាងនេះក្តី រាជរដ្ឋាភិបាលកម្ពុជា នៅតែបន្តអំពាវនាវឱ្យប្រជាពលរដ្ឋមានការប្រុងប្រយ័ត្ន និងចូលរួមអនុវត្តវិធានការនានាដែលដាក់ចេញដោយរាជរដ្ឋាភិបាល ដើម្បីទប់ស្កាត់នូវការឆម្លងជំងឺកូវីដ១៩ មកកាន់ប្រទេសកម្ពុជាជាថ្មីម្តងទៀត ។
ប្រភពបន្តថា ដូច្នេះថ្វីត្បិតតែស្ថានភាពជំងឺកូវីដជាងមួយខែ អ្នកឈឺបានព្យាបាលលុបបំបាត់សុទ្ធសឹងជា១០០% នៅក្នុងប្រទេសកម្ពុជាបច្ចុប្បន្ននេះមិនមានរកឃើញករណីឆ្លងថ្មីជាសះស្បើយ ១០០% និងមិនមានករណីស្លាប់ក៏ពិតមែន ហើយភាគច្រើនលើការនាំចូលមកពីក្រៅប្រទេស ក៏ប៉ុន្តែព្រះរាជាណាចក្រកម្ពុជា ត្រូវតែប្រកាន់យកការប្រុងប្រយ័ត្នជាប់ជានិច្ច ចំពោះការប្រឈមទៅនឹងការកើតមានឡើងនូវរលកទីពីរនៃការចម្លងវីរុសកូវីដ-១៩ ជាពិសេសការចម្លង នៅក្នុងសហគមន៍ ដែលអាចនឹងធ្វើឲ្យប៉ះពាល់ដល់នយោបាយ សុខភាពសាធារណៈនៅប្រចាំថ្ងៃរបស់ប្រជាជនទូទៅ ដែលពិបាកធ្វើការប៉ាន់ស្មានបាន ។
សូមបញ្ជាក់ថា រាជរដ្ឋាភិបាលកម្ពុជាកន្លងមកជាអំឡុងខែមីនា បានសម្រេចបិទសាលារៀន សារមន្ទីរ KTV ក៏ដូចជាកន្លែងម៉ាស្សា ដើម្បីចូលរួមទប់ស្កាត់នូវការឆ្លងវីរុសកូវីដ-១៩ ៕
ចែករំលែកព័តមាននេះ