សហរដ្ឋអាមេរិក ៖ សញ្ញាសុទិដ្ឋិនិយមនានាបានលេចចេញកាលពីថ្ងៃទី១៨ ឧសភា ក្នុងវិបត្តិ COVID-19 ជាមួយសំណើរួមរវាងបារាំង និងអាល្លឹម៉ង់លើផែនការមួយមានទឹកប្រាក់រហូតដល់ទៅ៥០០ពាន់លានអឺរ៉ូ សម្រាប់ទ្រទ្រង់ដល់សេដ្ឋកិច្ចរបស់សហភាពអឺរ៉ុបនិងមានលទ្ធផលដំបូងគួរឲ្យលើកទឹកចិត្តសម្រាប់វ៉ាក់សាំងពិសោធន៍មួយ ។…
សហរដ្ឋអាមេរិក ៖ សញ្ញាសុទិដ្ឋិនិយមនានាបានលេចចេញកាលពីថ្ងៃទី១៨ ឧសភា ក្នុងវិបត្តិ COVID-19 ជាមួយសំណើរួមរវាងបារាំង និងអាល្លឹម៉ង់លើផែនការមួយមានទឹកប្រាក់រហូតដល់
ទៅ៥០០ពាន់លានអឺរ៉ូ សម្រាប់ទ្រទ្រង់ដល់សេដ្ឋកិច្ចរបស់សហភាពអឺរ៉ុបនិងមានលទ្ធផលដំបូងគួរឲ្យលើកទឹកចិត្តសម្រាប់វ៉ាក់សាំងពិសោធន៍មួយ ។
នៅសហរដ្ឋអាមេរិកក្រុមហ៊ុនជីវៈបច្ចេកវិទ្យា MODERNA ជាក្រុមហ៊ុនមួយក្នុងចំណោមក្រុមហ៊ុនជឿនលឿនបំផុតនានា ក្នុងការប្រកួតប្រជែងស្រាវជ្រាវផលិតវ៉ាក់សាំងការពារជំងឹ COVID-19 បានប្រកាសពីបណ្ដាលទ្ធផលគួរឲ្យលើកទឹកចិត្តចំពោះការចាក់សាកល្បងវ៉ាក់សាំងរបស់ខ្លួន លើអ្នកស្ម័គ្រចិត្ត៨នាក់មុនពេលសាកល្បងទ្រង់ទ្រាយធំដែលគ្រោងនាខែកក្កដា ។
ប្រធានាធិបតីអាមេរិកលោកដូណាល់ ត្រាំបានសម្ដែងក្ដីរីករាយចំពោះការឈានមុខនោះរបស់ក្រុមហ៊ុននេះ ដែលរដ្ឋាភិបាលអាមេរិក បានបោះទុនវិនិយោគដល់ជិត៥០០លានដុល្លារ ។
ពេលកំពុងមានការប្រជែងគ្នារវាងអាមេរិកនិងចិនលើអនាគតវ៉ាក់សាំងមួយ ប្រធានាធិបតីចិនលោកស៊ីជីនពីងអះអាងថា វ៉ាក់សាំងចិនជាយថាហេតុមួយប្រឆាំងវីរុសនឹងជាដំណឹងល្អ
បំផុតមួយសម្រាប់ពិភពលោក ។ លោកគូសបញ្ជាក់បែបនេះនាថ្ងៃដំបូងនៃសន្និបាតប្រចាំឆ្នាំ របស់អង្គការសុខភាពពិលោក WHO ។
ពេលបើកសន្និបាតនោះនៅក្រុងហ្សឺណែវ អគ្គលេខាធិការអ.ស.ប លោក ANTOTONIO
GUTERRES ថ្លែងថា ពិភពលោកបានបង់តម្លៃយ៉ាងខ្ពស់ ចំពោះបណ្ដាយុទ្ធសាស្ត្រដែលមានការខ្វែងគំនិតគ្នាប្រឈមមុខនឹងការឆ្លងរាលដាលនៃវីរុស ។ សន្និបាតតាមអនឡាញនោះដែលអាច
បញ្ចប់នាថ្ងៃទី១៩ ឧសភា មានការចូលរួមរបស់ប្រទេស១៩៤ជាសមាជិក WHO ។ ក៏ទោះបីមានការកើនឡើងនៃភាពតានតឹងរវាងក្រុងវ៉ាស៊ីនតោន និងក្រុងប៉េកាំងក្ដីក៏បណ្ដាអ្នកចូលរួមសង្ឃឹមអនុម័តតាមកុងសង់ស៊ុសសេចក្ដីសម្រេចចិត្តមួយលើកឡើងដោយសហភាពអឹរ៉ុប ហើយដែលស្នើឲ្យមានដំណើរការនៃការវាយតមៃ្លបណ្ដាវិធានការដែលប្រកាន់យកដោយ WHO ប្រឈមមុខនឹងការឆ្លង ។
ប៉ុន្តែនៅមានការដំឡើងវោហារសាសន៍ របស់លោកដូណាល់ ត្រាំ ដែលចោទប្រកាន់ WHO ថា
ជាអាយ៉ងរបស់ចិន ហើយរដ្ឋមន្ត្រីសុខាភិបាលអាមេរិក លោក ALEX AZA Rអះអាងថា បរាជ័យរបស់អង្គការនោះប្រឈមមុខនឹងការឆ្លងវីរុសបណ្ដាលឲ្យបាត់បង់ជីវិតមនុស្សច្រើនឥតគណនា ។ ដោយលើកពីការមិនសប្បាយចិត្តរបស់ខ្លួន ប្រធានាធិបតីអាមេរិកនៅតែដាក់សម្ពាធលើអនាគតនៃការបង់ប្រាក់វិភាគទានរបស់អាមេរិកចំពោះអង្គការនោះ ដែលលោកបានប្រកាសផ្អាកចាប់តាំងពីពាក់កណ្ដាលខែមេសាមក ។
លោកត្រាំអះអាងថា យើងនឹងធ្វើសេចក្ដីសម្រេចចិត្តមួយក្នុងពេលដ៏ឆាប់ខាងមុខ ។ លោកពោលថា អាមេរិកជាអ្នកផ្ដល់មូលនិធិច្រើនជាងគេដល់ WHO ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ