អាមេរិក បរិច្ចាគឧបករណ៍ជំនួយដង្ហើម ២០០គ្រឿង ឲ្យប្រទេសរុស្ស៊ី
ម៉ូស្គូ ៖ សហរដ្ឋអាមេរិក បានបញ្ជូនម៉ាស៊ីនជំនួយដង្ហើមចំនួន ២០០គ្រឿង ទៅកាន់ប្រទេសរុស្ស៊ី ដែលចំនួនអ្នកឆ្លងកូវីដ១៩ នៅតែបន្តរីករាលដាលនៅឡើយ ។ ជំនួយនេះ…
ម៉ូស្គូ ៖ សហរដ្ឋអាមេរិក បានបញ្ជូនម៉ាស៊ីនជំនួយដង្ហើមចំនួន ២០០គ្រឿង ទៅកាន់ប្រទេសរុស្ស៊ី ដែលចំនួនអ្នកឆ្លងកូវីដ១៩ នៅតែបន្តរីករាលដាលនៅឡើយ ។ ជំនួយនេះ…
ម៉ូស្គូ ៖ សហរដ្ឋអាមេរិក បានបញ្ជូនម៉ាស៊ីនជំនួយដង្ហើមចំនួន ២០០គ្រឿង ទៅកាន់ប្រទេសរុស្ស៊ី ដែលចំនួនអ្នកឆ្លងកូវីដ១៩ នៅតែបន្តរីករាលដាលនៅឡើយ ។ ជំនួយនេះ បន្ទាប់ពីទីក្រុងមូស្គូ បានផ្គត់ផ្គង់គ្រឿងបរិក្ខារវេជ្ជសាស្ត្រ ទៅកាន់អាមេរិកផងដែរ កាលពីខែមេសា នេះបើតាមសារព័ត៌មានរុស្ស៊ី RT ។
មន្ត្រីជាន់ខ្ពស់របស់អាមេរិកមួយរូបបានប្រាប់អោយដឹងថា គ្រឿងបរិក្ខារដែលផលិតនៅក្នុងរដ្ឋកាលីហ្វ័រញ៉ា ត្រូវបានបញ្ជាទិញពីប្រធានាធិបតីលោក ដូ ណាល់ត្រាំ ។ មន្ត្រីរូបនោះបានបន្ថែមទៀតថា ឧបករណ៍សង្គ្រោះជីវិត (ម៉ាស៊ីនជំនួយផ្លូវដង្ហើម) ត្រូវបានបរិច្ចាគ ដោយឥតគិតថ្លៃ ។
មន្ត្រីដដែលបាននិយាយបន្ដែមថា ទីក្រុងមូស្គូ មិនមែនជាអ្នកទទួលជំនួយតែមួយគត់ទេ កន្លងមកទីក្រុងវ៉ាស៊ីនតោន បានដឹកជញ្ជូនផ្ដល់ម៉ាស៊ីនជំនួយផ្លូវដង្ហើមចំនួន ១៥.០០០គ្រឿង ទៅបណ្ដាប្រទេសជាង៥០ រួចទៅហើយ ។
ដោយឡែក រដ្ឋមន្ត្រីក្រសួងការបរទេសលោក Mike Pompeo បានបញ្ជាក់ថា ការបញ្ជូនចាប់ផ្ដើមកាលពីថ្ងៃអាទិត្យ ។ លោកបានប្រាប់កាសែតវ៉ាស៊ីនតោនថា “គ្រឿងបរិក្ខារទាំងនោះ កំពុងដំណើរការហើយ” ។ អ្នកការទូតកំពូលអាមេរិករូបនេះ បាននិយាយថា ការដឹកជញ្ជូននេះ នឹងរួមបញ្ចូលទាំងឧបករណ៍សម្រាប់ធ្វើតេស្ត ក៏ដូចជាម៉ាស៊ីនជំនួយដង្ហើម ។
ស្ថានភាពអ្នកឆ្លងវីរុសកូវីដ១៩ នៅប្រទេសរុស្ស៊ី អាចមើលទៅគួរឲ្យញញើតណាស់ ព្រោះថា ចំនួនករណីដែលបានឆ្លងនៅទីនោះ បានកើនឡើងយ៉ាងឆាប់រហ័ស រហូតជិតដល់ ៣០០.០០០ករណីហើយ គិតត្រឹមរសៀលថ្ងៃទី១៩ ឧសភានេះ ដោយស្ថិតនៅលំដាប់ទី២ លើពិភពលោក បន្ទាប់ពីសហរដ្ឋអាមេរិក ។ ទោះយ៉ាងណា ប្រទេសរុស្ស៊ី ក៏មានអត្រាមរណភាពរបស់អ្នកជំងឺ Covid-19 ទាបបំផុតមួយនៅលើទ្វីបនេះដែរ ត្រឹមតែជាង ២,៨០០នាក់ប៉ុណ្ណោះ ៕
ចែករំលែកព័តមាននេះ