រាជធានីភ្នំពេញ ៖ Rainniedara ជាតារាល្បីមានភាពលេចធ្លោនៅក្នុងបណ្តាញសង្គម ហៅថា (influencer) ដែលតែងតែបង្ហាញរូបភាពស្អាតៗ និងទីកន្លែងដើរលេងជាច្រើនកន្លែង ដែលការវិវត្តន៍ខ្លួនរបស់លោក គឺជារឿងមិនភាពងាយស្រួលនោះឡើយ ។
អ្នកមួយចំនួនប្រហែលជាបានស្គាល់ Rainniedara ជាបេក្ខជនម្នាក់ផ្តើមចេញពីការប្រលងកម្មវិធី Netidol ដែលជាកម្មវិធីប្រឡងពីសមត្ថភាពទូទៅលើអនឡាញ ។ ដោយក្តីព្យាយាម លោកបានប្រលងជាប់ក្លាយជាបេក្ខជនលេខ២ របស់កម្មវិធីមួយនេះ រហូតបានវិវត្តន៍ខ្លួនក្លាយជាបុគ្គលម្នាក់មានភាពល្បីល្បាញនៅក្នុងបណ្តាយសង្គម ( Instagram ) ព្រោះតែទេពកោសល្យខាងស្ទីលថតរូបស្អាត និងពូកែស្វែងរកទីកន្លែងប្លែកនិងស្រស់ស្អាត។
ទំរាំតែមកដល់ចំណុចនេះ Rainniedara ចាប់ផ្តើមអាជីពការងារពីកម្រិតសូន្យ ដោយប្រើតែទូរស័ព្ធដៃផ្ទាល់ខ្លួនសម្រាប់ការថតរូប ក្នុងការថតអោយផលិតផលផ្សេងៗសម្រាប់អតិថិជន រហូតទទួលបានការគាំទ្រច្រើនពីមិត្តភក្តិ គ្រួសារ ក៏ដូចជាអ្នកលេងបណ្តាយសង្គមផងដែរ។
លោក Rainniedara បានទម្លាយនូវការពិតដែលរុញច្រានរូបលោកឲ្យមានថ្ងៃនេះថា « ខ្ញុំមិនដែលមានអ្នកជួយនោះទេ ប៉ុន្តែខ្ញុំតែងតែសុំមិត្តភក្តិជួយនៅក្នុងការថតរូប រួមទាំងអ្នកថតរូបខ្លះផងដែរ ដោយខ្ញុំធ្វើការដោយឥតគិតថ្លៃ រហូតមានការហៅថតអោយផលិតផលមួយចំនួន ហើយក៏ខ្ញុំសប្បាយចិត្តធ្វើការឱ្យគេដូចគ្នា ទើបទទួលបានផលិតផលត្រឡប់មកវិញ»។
បច្ចុប្បន្ននេះ ដោយសារតែមានសមត្ថភាពពូកែបង្កើតនូវអ្វីដែលថ្មីសម្រាប់ខ្លួនឯង និងលេងស្ទីលថតនៅក្នុង ( Instagram ) ទើបតារានៅក្នុងបណ្តាញសង្គមរូបនេះ ឆក់បានឱកាសក្លាយជាអ្នកបង្ហាញផលិតផលនានា និងការសម្តែងរឿងភាគខ្លីមួយចំនួនទៀផងដែរ ៕
ចែករំលែកព័តមាននេះ